“Zəngəzur dəhlizi məsələsi ciddi xarakter alır...” - Paşinyan bölgəyə gizli gəlib
Tarix: 21-04-2021 10:30 | Bölmə: Siyasət
“Zəngəzur dəhlizi məsələsi ciddi xarakter alır...” - Paşinyan bölgəyə gizli gəlib

“Baş nazir Nikol Paşinyanı görmək istəmirəm”.

Reyting.az
erməni saytlarına istinadla xəbər verir ki, bu sözləri Ermənistanın Qafan şəhərinin bələdiyyə sədri Gevorq Parsyan Baş nazir Nikol Paşinyanın Sünik bölgəsinə səfərini şərh edərkən deyib.

Bələdiyyə sədri bildirib ki, bölgədə müxtəlif məsələlərlə bağlı vəziyyət çox sürətlə inkişaf edir: “Bu dəhliz məsələsi bizi çox narahat edir. Bununla bağlı söhbətlər çox ciddi xarakter alır.

Ermənistan Baş naziri hesab edir ki, Zəngəzurda Azərbaycanı Naxçıvanla birləşdirəcək bir dəhlizin müqabilində Bakı Ermənistanın şimala - Rusiyaya dəhlizlə təmin etməli olacaq. Mən bu açıqlamanı sevmirəm. Hamısı həyacanverici və anlaşılmazdır”.

Baş nazir Paşinyanın Sünikə səfərindən öncə regionun polis idarəsində həyata keçirilən kadr dəyişikliyinə diqqət çəkən Parsyan deyib ki, işdən çıxarılan bir çox polis zabiti və polis əməkdaşlarını şəxsən tanıyır: “İnsanların bu qədər asanlıqla dəyişdirilməsinə təəccüblənirən. Bunun səbəbləri mənə aydın deyil. Yeni təyin olunanları da tanımıram”.

Şurnux bələdiyyəsinin sədri Hakob Arşakyan isə bildirib ki, Baş nazir Nikol Paşinyan xəbərsiz şəkildə Sünik bölgəsinin sərhəd kəndi Şurnuxu ziyarət edib və qısa müddətdən sonra oradan ayrılıb.

Bələdiyyə sədri bildirib ki, Baş nazir kəndə gəlib, bir neçə evi gəzib və gedib:

“Bilmirəm, kəndlilər bunu necə qəbul etdilər. Baş nazirin kəndə gələcəyini heç kim bilmirdi. Paşinyanın kənddə olduğunu biz biləndə o artıq bir-iki evi gəzib getmişdi. Bildiyim odur ki, Paşinyan kənddə iki ailə ilə görüşüb. Amma nə söhbət etdiklərindən məlumatsızam”.

Xatırladaq ki, Ermənistanın Baş naziri Nikol Paşinyan aprelin 20-də axşam saatlarında Sünik bölgəsinə səfər edib. Səfərlə bağlı məlumatlar məxfi saxlanılıb və polis bu barədə son anda xəbərdar olunub.




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}