İnstitut rəhbəri: “ABŞ-ın “Taliban” liderləri ilə gizli sövdələşməsi var”
Tarix: 14-07-2021 12:30 | Bölmə: Siyasət
İnstitut rəhbəri: “ABŞ-ın “Taliban” liderləri ilə gizli sövdələşməsi var”

“Əfqanıstan xalqı çoxmillətli, mürəkkəb xarakterə malik, müsəlman dini etiqadı olan, çətin çoğrafi şəraitə malik ölkədir. Əfqanıstan Cənubi Asiya dövlətidir, Mərkəzi Asiya regionunda şərq və cənubda Pakistan, qərbdə İran, şimalda Türkmənistan, Özbəkistan və Tacikistan, şimal-şərqdə isə Çinlə həmsərhəddir. ABŞ-ın Orta Asiya regionuna nufuz etməsi üçün Əfqənıstan trampilin rolunu oynamalı idi. ABŞ-ın strateji planı olmasaydı Əfqanıstandan belə tələm-tələsik çıxmazdı”.

Bunu Reyting.az-a açıqlamasında Strateji Planlaşdırma və Araşdırmalar İnstitutunun rəhbəri, siyasi ekspert Azad Məsiyev Əfqanıstanda baş verənləri şərh edərkən deyib.

Siyasi ekspert əlavə edib ki, bu illər ərzində ABŞ bu bölgədə kifayət gədər kəşfiyyat işləri aparıb. A. Məsiyev hesab edir ki, ABŞ-ın “Taliban” liderləri ilə gizli sövdələşmələri olub:

“Rəsmən ABŞ öz silahlı qüvvələrini Əfqanıstandan çıxartsa da, gizli şəbəkəsi fəaliyyətini davam etdirəcəkdir. Yaxın keçmişimizdə SSRİ-nin silahlı qüvvələri Əfqanıstana işğal etdi, amma orda uzun müddət qala bilmədi və nəticədə qoşunları çıxarmaq məcburiyətində qaldı. Həmin zamanlarda Ben Laden kimi mücahidlərə ABŞ hər cür yardım edirdi. Sonradan ABŞ özünün yetişdirdiyi kadrını dünyanın bir nömrəli terrorçusu elan edərək öldürdü”.

A.Məsiyev iddia edir ki, Orta Asiya respublikaları (Türkmənistan, Özbəkistan, Tacikistan, Qazaxıstan, Qırğızıstan) Rusiyanın siyasi nüfuzu darəsindədir, ABŞ-ın yeni planı Rusiyanın Orta Asiya dövlətlərindəki nüfuzunu zəiflətmək, Rusiyanın cənub bölgəsində gərginlik ocağı yaratmaqdır.

“Bildiyiniz kimi, ABŞ dövləti Rusiyanı bir nömrəli düşmən elan edib, bütün fəaliyyəti bu istiaqmətdədir, Rusiya ətrafında olan dövlətləri bu və ya digər formada öz təsirinə salır. ABŞ-ın istəyi ilə Baltikyanı ölkələr sivil yolla NATO-ya daxil edildi, Gürcüstanda, Ukraynada rəngli inqilablar edərək, demokratiya adı altında öz təsir dairəsinə saldı. Belarusda məqsədlərinə çata bilməsələr də hədəfdən əl çəkməyiblər. ABŞ Rusiyanın cənubundakı Orta Asiya ölkələrini demokradiya adı altında ələ keçirə bilmədi, bu baxımdan radikal “Taliban” qüvvələrinin vasitəsi ilə Türkmənistan, Özbəkistan və Tacikistanda stabilliyin pozulmasına cəhdlər göstərəcəyini ehtimal edirəm. ABŞ öz gizli şəbəkəsinin “Taliban”ın nəzdində Tacikistan ərazisinə, ordan isə digər ölkələrə nufuz etməsini hədəfləyib. Bu baxımdan Rusiya silahlı qüvvələrini Tacikistan-Əfqanıstan sərhəddində gücləndirmək niyyətindədir”,- deyən siyasi analitikin sözlərinə görə, ABŞ analtikləri yaxşı anlayır ki, Orta Asiya respublikalarında Türkiyə dövlətinin nüfuzu artır və bu hadisə ABŞ rəsmilərini narahat edir: “Bu baxımdan Orta Asiya respublikalarında hərc-mərcliyin yaranması ABŞ-ın maraqlarına uyğun gəlir. Demokratiya ilə ələ keçirə bilmədiyi bölgələri xaos yaratmaqla nəzarət etmək planı işə düşəcək. Yaxın Şərqdə hərc-mərcilik üçün İŞİD-in yarıdılması buna numunədir”.

İnstitut rəhbəri əlavə edib ki, ABŞ xaos yaratmaq planını həyata keçirmək üçün zahirən qüvvələrini Əfqanıstandan çıxmaq qərarı verməli idi, bu, həm də məsuliyyətdən qaçmaq üçün vacib amil idi: “ABŞ bu addımı atmaqla radikal “Taliban” qüvvələrinin faktiki olaraq əl-qolunun açdı. Radikal “Taliban” qüvvələri müqavimət görmədən Əfqanıstanın vilayətlərini, rayonlarını ələ keçirirsə, həmin bölgələrə nəzarət edirsə, asanlıqla müasir silah-sursatlar əldə edirsə, bu onu göstərir ki, hansısa gözə görünməyən qüvvənin himayəsindədir. Bir sözlə, ABŞ və “Taliban” arasında gizli sövdələşmənin olmasını zaman aşkarlayacaq”.




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}