Rusiya ABŞ və NATO-nu təhdid edir - Fotolar
Tarix: 15-07-2021 15:03 | Bölmə: Siyasət
Rusiya ABŞ və NATO-nu təhdid edir

Qərb dövlətləri ilə Rusiya arasında həm Qara dənizdə, həm də Aralıq dənizindəki gərginlik fonunda Moskvadan verilən açıqlama vəziyyəti bir qədər də qəlizləşdirib. Həm NATO-nun aktiv hərbi fəaliyyətini, həm də ABŞ-ın addımlarını yaxından təqib edən Rusiyadan verilən mesaj daha çox təhdid xarakterlidir.

Reyting.az
-ın məlumatına görə, bu gecə Rusiya təhlükəsizlik rəsmisi İngiltərə dənizçilərinə xəbərdarlıq edib ki, zərər görmək istəmirsinizsə, hərbi gəmilərinizi yenidən Krım sahillərinə yaxınlaşdırmayın.



Qeyd edək ki, Rusiya Təhlükəsizlik Şurasının üzvü Mixail Popovun xəbərdarlığı bir müddət əvvəl İngiltərənin “HMS Dfender” gəmisinə xəbərdarlıq atəşi açılmasından sonraya təsadüf edir.

Xatırladaq ki, ötən ayın sonunda ABŞ prezidenti Bayden və Rusiya lideri Putinin tarixi görüşündən sonra NATO ilə Rusiya ordusu arasında az qala Qara dənizdə toqquşma olacaqdı. Çünki ingilis hərbi gəmisi iyunun 14-də İstanbul boğazını keçərək Qara dənizə daxil olmuşdu. NATO gəmilərini izləyərkən Aralıq dənizindəki “HMS Queen Elizabeth”dən havaya qalxan “F-35” qırıcıları Qara dəniz üzərində uçmaqla NATO təlimlərində iştirak etmişdi. İyulun 23-də isə Rusiya “məhəlli sularına” yaxınlaşan və bu ölkənin sərhədlərini pozduğu iddia edilən “HMS Defender” gəmisinə xəbərdarlıq atəşi açmışdı.

Bütün bu gərginlik fonunda rus mediasına açıqlama verən Popov elan edib ki, bu cür tədbirlərə Rusiya tərəfi gələcəkdə daha sərt reaksiya verəcək: “Rəqiblərimizi rus ordusunun imkan və qabiliyyətlərini diqqətə alaraq bu cür təxribatları həyata keçirib-keçirməməsi mövzusunda yaxşıca düşünməyə dəvət edirik”.

“HMS Defender” gəmisinin hərəkətini “öncədən planlaşdırılan təxribat” kimi qiymətləndirən Popov əlavə edib ki, ingilis dənizçiləri Rusiya sərhəd sularını pozaraq təxribat törədiblər.



Popov eyni zamanda NATO-nun aktiv hərbi fəaliyyətini və ABŞ-da raket müdafiə sistemlərinin inkişaf etdirilməsini Rusiyaya qarşı hərbi təhlükə və təhdidlərin artmasına yol açdığını bildirib.

Uzun mənzilli təsirə və güclü hərbi imkanlara sahib nüvə silahı daşımayan silahların rolunun artdığını və bütün bunların Rusiyanın gözü qarşısında həyata keçirildiyinə diqqət çəkən Popov deyib ki, NATO-nun Soyuq müharibədən bu yana ən böyük hərbi təlimi olan və 26 ölkənin iştirak etdiyi “Defender Europe-2021” Rusiya sərhədləri yaxınlığında gerçəkləşdirilib. Popov əlavə edib ki, təlimlər çərçivəsində ABŞ birliklərinin Avropaya böyük qruplar halında yerləşdirilməsi mövzusu ətrafında işlər aparılıb.




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}