00:14 / 27-02-2024
Bu gün Su çərşənbəsidir
15:27 / 26-02-2024
SOCAR-da yeni təyinat olub 
“Bu, Azərbaycanın bütün ərazilərində ilk seçki olacaq” - Professor
Tarix: 07-12-2023 19:03 | Bölmə: Slayd
“Bu, Azərbaycanın bütün ərazilərində ilk seçki olacaq” - Professor

“Azərbaycanda növbədənkənar prezident seçkilərinin keçirilməsinə qərar vermək prezidentin konstitusiyon səlahiyyətlərinə aiddir. Nəzərə almaq lazımdır ki, Azərbaycan 1991-ci ildə müstəqillik əldə etdikdən sonra heç vaxt prezident seçkiləri bütün ölkə ərazisində keçirilməyib. Bu, ilk seçkidir ki, Xankəndi, Şuşa, Xocalı da daxil olmaqla, bütün ölkə ərazisində keçiriləcək. Deməli, bu seçkilərin ilk növbədə tarixi əhəmiyyəti olacaq”.

Bunu Reyting.az-a hüquq üzrə professor Cümşüd Nuriyev 2024-cü ilin fevralın 7-nə təyin olunmuş növbədənkənar prezident seçkilərinin zəruruliyindən danışarkən deyib.

Professor qeyd edib ki, indiki prezident 2018-ci ildə seçilib və iki il sonra Azərbaycanın ən böyük problemi olan Qarabağ məsələsini birmənalı və milli maraqlara tam uyğun şəkildə həll edib. Onun sözlərinə görə, çox az adam prezident İlham Əliyevin Qarabağ məsələsini belə sürətlə və tam həll edəcəyinə inanıb. Amma prezident sistemli şəkildə bunun planını hazırlayıb, müvafiq siyasət yeridib, etibarlı müttəfiqlər seçib və s. “Artıq Qarabağ müharibəsi başa çatıb və Azərbaycanın ən böyük problemi həllini tapıb. Dövlət yenidən qurulur, Qarabağa Qayıdış Proqramı reallaşır. Yəni yeni çağırışlar var. Digər tərəfdən, bölgədə gedən proseslər nəzərə alınmalıdır”, - deyən C. Nuriyev xatırladıb ki, II Qarabağ müharibəsindən sonra Ermənistanda da növbədənkənar parlament seçkiləri keçirilib.

Nuriyev qeyd edib ki, böyük işlər həyata keçirən prezident İlham Əliyev həm də xalqla birliyini yenidən sınayacaq: “Yəni bu seçkilərin ölkəmiz üçün tarixi, siyasi və iqtisadi əhəmiyyəti böyük olacaq.

Tarixi əhəmiyyətini qeyd etdik, ilk dəfə Azərbaycan dövlətinin bütün ərazisində prezident seçkiləri keçiriləcək, insanlar səsvermədə iştirak edəcəklər.

İkincisi, demokratik seçkilər adı ilə oyun oynayanların bazarı bu seçkilərlə bağlanacaq. Demokratik seçkilər keçiriləcək və nəticələr hamı tərəfindən qəbul olunacaq. Yəni siyasi əhəmiyyət daşıyacaq.

Üçüncüsü, indi Azərbaycan iqtisadiyyatı rəqəmsala keçir, dünyada beşinci iqtisadi inqilab baş verir və müasir texnologiyalar aparıcı gücə çevrilir. Bu səbəbdən Azərbaycan beynəlxalq çağırışlara daha güclü formada cavab verməlidir. Hesab edirəm ki, Azərbaycan böyük iqtisadi addımlar atacaq”.

C. Nuriyev sonda əlavə edib ki, Azərbaycan dövləti fevralın 7-nə təyin olunmuş növbədənkənar prezident seçkiləri ilə öz gücünü yenidən yoxlayacaq.

Y. QACAR




Bölməyə aid digər xəbərlər
{sape_links}{sape_article}