12:54 / 24-05-2024
MEDİA müsabiqə elan edib
Ermənistan qanunsuz mühacir alverinə qoşulur
Tarix: 18-04-2024 00:40 | Bölmə: Slayd
Ermənistan qanunsuz mühacir alverinə qoşulur

Böyük Britaniya Ermənistan və başqa ölkələrlə mühacirlərin qeyri-qanuni daşınmasını və miqrantların gizli yolla üçüncü dünya ölkələrinin ərazilərinə göndərilməsini müzakirə edir.

Reyting.az
xəbər verir ki, bu barədə "Times" nəşri yazıb.

Mühacir problemini həll etmək istəyən Böyük Britaniya öz ərazisinə qeyri-qanuni daxil olan miqrantların əksəriyyətini ölkədən uzaqlaşdırmaqla onları inkişafda geriləyən ölkələrə qovmağı planlaşdırır. Belə ölkələrin sırasına Ermənistan da daxildir.

Böyük Britaniya mediasına sızdırılan sənədlər sübut edir ki, İngiltərə hökuməti səbirsizliklə yeni miqrasiya qanununun təsdiqini gözləsə də, hakimiyyət qanunun qəbulundan öncə hərəkətə keçməyə hazırlaşır.

Sənədlərə görə, Böyük Britaniya öncə Ermənistanla, sonra isə KotDivuarla, həmçinin də Kosta-Rika və Botsvana ilə miqrantların deportasiyasına dair saziş bağlamaq üçün qeyri-rəsmi danışıqlara başlayıb. Böyük Britaniya bu məqsədlə Ekvador, Paraqvay, Peru, Braziliya və Kolumbiya da daxil olmaqla, bir sıra digər Cənubi Amerika ölkələrinə də müraciət edib. Lakin Ermənistandan fərqli olaraq həmin ölkələrin əksəriyyəti belə bir sazişi imzalamağa razılıq verməyiblər. Bu ölkələr Böyük Britaniyanın təklif etdiyi sözügedən biabırçı “üçüncü ölkə ilə sığınacaq müqaviləsi”nə maraq göstərməyiblər.

İngiltərə mühacir planlarına yardım edə biləcək ölkələrin axtarışına çıxmaqla öz ehtiyat siyahısına Kabo-Verdeni, Toqo və Seneqalı, Tanzaniya ilə Anqolanı, eləcə də Syerra-Leoneni də daxil edib. İngiltərə hər ehtimala qarşı qəfil uğursuzluğa düçar olacağı təqdirdə bu ölkələrlə əlaqə saxlamağı nəzərdə tutub.

Məlumata görə, Mərakeş, Tunis, Namibiya, Qambiya kimi dövlətlər də Böyük Britaniyanı mühacir şəxslərə qarşı qeyri-insani münasibətdə qınayaraq texniki danışıqlardan qəti şəkildə imtina ediblər.

Təfərrüatları ətraflı öyrənən, tədqiq edən, belə sənədləri üzə çıxararaq yenidən nəzərdən keçirdikdən sonra hökumətin məxfi, həmçinin də daxili sənədlərində qeyd olunan və açıqlanan faktlarda jurnalistlər ağlagəlməz materiallara rast gəliblər.

"Times" Böyük Britaniyanın mühacirlərə qarşı addımından dəhşətə gəldiyini, ağrılı, həm də İngiltərə kimi nüfuzlu bir dövlətə qətiyyən başucalığı gətirməyən və utanc verən belə bir mövzunu daima diqqətdə saxlayacaqlarını yazır. Onlar Ruanda sxemini təkrarlamaqda maraqlı ola biləcək ölkələrin müəyyən edilməsi kontekstində daxili və xarici işlər nazirlikləri tərəfindən son altı ayda görülən işlərə aiddir, çünki rəsmi London və Kiqali Böyük Britaniyadan Ruandaya qeyri-qanuni miqrantların göndərilməsi ilə bağlı razılaşmaya malikdirlər. İngiltərə məhz Ermənistan Respublikası ilə həmin metod və prinsiplər əsasında danışıqlara gedib. Ermənistanla geniş və əhatəli əlaqələr qurmaq istəyən İngiltərə hazırda Ruandadakı qeyri-qanuni təcrübə hesabına Ermənistan ilə razılığa gəlmək ərəfəsindədir.

Üçüncü dünya ölkələri ilə mühacir alverinə başlamaq üçün əlaqələr qurmağa çalışan Böyük Britaniyanın siyahısında dövlətlər müəyyən meyarlar üzrə qiymətləndirilir.

Nəşr yazır ki, bu fəndlərlə hər dövləti aldatmaq mümkün deyil:

“Bəziləri Böyük Britaniyanın belə bir alçaldıcı təklifini rədd elədi və yaxud da “əlverişsiz variant” saydıqları üçün imtina etdilər. İngiltərə öncə bu ölkələrin nümayəndələri ilə Ruandaya bənzər bir müqavilə imzalasa da, Ruanda ilə davam edən problemlər səbəbilə heç bir yenilik olmadı və irəliləyiş dayandı".

Böyük Britaniyanın Daxili İşlər Nazirliyini tələsdirən hökumət praktiki iş tələb edir. İngiltərə hökuməti ilk miqrantları iyunun əvvəlində deportasiya etməyi hədəfləyir, baxmayaraq ki, bununla bağlı ilk uçuşları həyata keçirmək üçün hələ bir aviaşirkət və ya sərfəli müqavilə tapmayıb. İngiltərə üçün sevindirici xəbər olan və nəhayət, Ruanda Təhlükəsizlik Qanununun hər iki parlament palatası tərəfindən maneəsiz qəbulundan sonra tezliklə İngiltərə də işə başlayacaq və növbəti iki həftə ərzində deportasiya ediləcək ilk şəxsləri xəbərdar edəcək.

"Times" yazır ki, artıq "B" planı işə düşüb. Ümumi məqsədlər naminə “əlçatanlığı və həyata keçirilmə mümkünlüyü” barədə qərarını verən Böyük Britaniyanın Xarici İşlər Nazirliyinin bu məsələ ilə bağlı narahatlığına baxmayaraq, artıq razılığa yaxınlaşan dörd ölkə ilə gizli danışıqlara başlanılıb.

Qeyd olunur ki, Ermənistanın da mühacirlərlə bağlı alver sövdələşməsində öz maraqları var, çünki Ermənistana ianə vədi verilib. Üstəlik, Ermənistanın digər bir marağı Fransa üzərindədir. İngiltərənin maraq dairəsində olduğu Fil Dişi Sahilinin Fransa ilə “müstəsna yaxın əlaqələri” var ki, bu da miqrant alverinə qoşulmağa razılıq verən Ermənistana bəzi manevr imkanları verir.

Hazırda Ermənistan da Ruanda ilə bağlı nəticələri gözləyir. Amma onun hökuməti ilə texniki danışıqlar sentyabr ayından başlasa da, sonradan dayandırılıb. Ermənistanı digər ölkələrlə müqayisə etsək, hətta Keniya da əvvəllər "yeni müstəmləkəçilik forması" ilə bağlı narahatlıqlara görə İngiltərə ilə miqrasiya müqavilələrini rədd etmişdi.

Nəşr xatırladır ki, Keniya qətiyyət göstərib və Böyük Britaniya ilə nəzərdə tutulan bu razılaşmanın həyata keçirilməsinin qanunsuz qərar olduğunu vurğulayıb. Keniya həmçinin ona təklif edilən bu müqavilənin məzmununu xarakterizə edərək qeyri-qanuni sənədin mahiyyətcə "Böyük Britaniya ilə ikitərəfli münasibətləri üçün əhəmiyyətli risklər" yaratdığını qeyd edib.

Hələ iyul ayında Böyük Britaniyanın o zamankı xarici işlər naziri Leo Doçerti Ermənistana səfəri zamanı İrəvanda erməni həmkarı ilə görüşündə həmin məsələləri də müzakirə edib. İngiltərə hökumətini təmsil edən rəsmilər həmişə olduğu kimi yenə Ermənistanı əmin ediblər ki, əgər razılıq olarsa, İrəvan miqrant alverindən tərəf kimi çoxlu gəlir əldə edə bilər.

Müəyyən müddət ərzində bu məsələlərlə bağlı danışıqlarda fasilə yaransa da, bu il Ermənistan şərtlər daxilində yenidən bu ölkəyə mesaj verib. Əslində Ermənistanı ianələr maraqlandırır, məhz elə bu səbəbdən də Ermənistan yenidən Böyük Britaniya ilə mühacir alverinə, yəni bununla bağlı danışıqlara qayıtmaq niyyətindədir.

Böyük Britaniya hökuməti bəyan edib ki, sentyabrdan üzü bəri İngiltərə Daxili İşlər Nazirliyinin nümayəndələri Ermənistanla, öz həmkarları ilə müvəqqəti dayanmış texniki danışıqlara yenidən başlayıblar.

Oqtay QORÇU
Reyting.az




Bölməyə aid digər xəbərlər
21-05-2024, 11:26 Rəisinin varisi kimdir?

{sape_links}{sape_article}