Şoyqunun gedişi... - Qərb yeni təyinatda xüsusi alt mətn axtarır

Xəbər lenti

18:26 / 02-01-2025

İlon Mask sosial şəbəkədəki adını dəyişib - Foto

17:03 / 02-01-2025

Hacıqabulda yol qəzası: beş nəfər xəsarət alıb

16:14 / 02-01-2025

"Bozbash pictures"in "Ağsaqqal"ı vəfat edib? - Yenilənib

14:33 / 02-01-2025

Prezident və ailə üzvləri Şahdağda - Fotolar

12:49 / 02-01-2025

İstilik xidmətinin tarifi artırılıb

12:47 / 02-01-2025

Qaz, işıq və su pulları artırılıb - Məbləğlər

11:57 / 02-01-2025

"Formula 1" üzrə Azərbaycan Qran-prisinin vaxtı açıqlanıb

11:21 / 02-01-2025

Trampın hotelinin qarşısında “Tesla” partlayıb - Ölü və yaralılar var

11:10 / 02-01-2025

Milli Qəhrəman Polad Həşimovun xatirəsi yad edilib - Fotolar

10:33 / 02-01-2025

Tovuzda 71 yaşlı kişi yanaraq ölüb

23:33 / 01-01-2025

Lalə Şövkətin partiyası fəaliyyətini bərpa edib

19:50 / 01-01-2025

MMC Bakıda 500 nəfəri mühasirədə saxlayır - Fotolar

18:53 / 01-01-2025

Dahi Tolstoy "xoşbəxtlik arzulayıram" sözünün əleyhinə olub

18:43 / 01-01-2025

İlon Mask Zelenskini "soyğunçuluq üzrə çempion" adlandırıb

18:02 / 01-01-2025

İranın Azərbaycandakı səfirliyinin müvəqqəti işlər vəkili XİN-ə çağırılıb

14:01 / 01-01-2025

Dünya xəritəsini səhv hazırlayıblar

13:40 / 01-01-2025

ABŞ başqa ölkəyə məxsus tonlarla qızılı qaytarmaq istəmir

11:25 / 01-01-2025

İlham Əliyev iki ölkəyə təbrik məktubu göndərib

11:01 / 01-01-2025

Polis 18 şübhəli şəxsi saxlayıb

00:04 / 01-01-2025

İlham Əliyev xalqa müraciət ünvanlayıb - Video

15:26 / 31-12-2024

Prezident agentlik əməkdaşlarını təltif edib - Siyahı

15:18 / 31-12-2024

Tağıyevaya “Şərəf”, Budaqova “Şöhrət” ordeni verilib

15:11 / 31-12-2024

Nazirliyin əməkdaşları təltif olunub - Siyahı

11:01 / 31-12-2024

Xəzər dənizində zəlzələ olub

00:32 / 31-12-2024

Dünya azərbaycanlıları həmrəylik gününü qeyd edir

00:25 / 31-12-2024

Misir Ginnesin Rekordlar Kitabına düşüb - Fotolar

00:02 / 31-12-2024

Üç ölkə Arktikanı öyrənəcək

19:59 / 30-12-2024

Zelenski: "Sülhə çalışmalıyıq"

17:32 / 30-12-2024

“Hərbi jurnalist Rəşad Süleymanov” mükafatınin qalibləri bəlli olub

13:06 / 30-12-2024

Sabahın hava proqnozu açıqlanıb

Xəbər lentinin davamı

Ən çox oxunanlar

13:04 / 29-12-2024

Dünyanın ən böyük qızıl yatağı tapılıb

14:05 / 29-12-2024

Təyyarə qəzasında həlak olan ekipaj üzvləri dəfn ediliblər - (Yenilənib) - Foto

15:32 / 29-12-2024

İlham Əliyev ekipaj üzvlərinin vida mərasimində iştirak edib - (Yenilənib) - Fotolar

12:30 / 29-12-2024

Türkiyə Colaninin iplərini əlində saxlaya biləcəkmi?

17:39 / 29-12-2024

Prezident üç ekipaj üzvünə Milli Qəhrəman adı, ikisinə orden verib

14:38 / 29-12-2024

İsti hava 3700 insanın ölümünə səbəb olub

15:10 / 29-12-2024

İlham Əliyev Azərbaycan televiziyasına müsahibə verib

17:35 / 29-12-2024

Hərbi xidmətə çağırış yaşının yuxarı həddi azaldılıb

10:57 / 30-12-2024

Azərbaycandan Suriyaya 200 ton ərzaq göndərilir

09:55 / 29-12-2024

Tom Kruz 2026-cı ildə bəşəriyyəti xilas edəcək

09:13 / 29-12-2024

Slovakiya şirkəti SOCAR-la danışıqlar aparır

16:58 / 29-12-2024

Putin İlham Əliyevə yenidən zəng edib

Şoyqunun gedişi... - Qərb yeni təyinatda xüsusi alt mətn axtarır
Tarix: 14-05-2024 11:56 | Bölmə: Slayd

Şirift ölçüsü:

Sergey Şoyqunun Rusiya müdafiə naziri vəzifəsindən kənarlaşdırılması və gözlənilmədən bu vəzifəyə əvvəllər hökumətin iqtisadi blokuna nəzarət edən Andrey Belousovun təyin edilməsi təkcə Rusiya siyasi isteblişmentinin əksəriyyətini deyil, həm də Qərb ekspertlərini təəccübləndirib. Çünki Rusiya prezidentindən belə bir manevr gözlənilmirdi.

Reyting.az xəbər verir ki, bu barədə “Regnum” yazıb.

Rusiya nəşrinin təhlilində qeyd olunur:

Rusiyada ictimaiyyət prezidentin mətbuat katibinin hökumətdəki dəyişikliklərin “xüsusi hərbi əməliyyat”ın hərbi komponentinə təsir etməyəcəyi ilə bağlı məntiqi izahatını ümumiyyətlə qəbul edib. İstənilən halda, strateji planlaşdırma və əməliyyat rəhbərliyi Baş Qərargah rəisi Valeri Gerasimovda qalacaq və yeni müdafiə naziri ilk növbədə nazirliyin büdcəsinin xərclər hissəsi ilə bağlı məsələləri və hərbi sənaye kompleksi üçün dövlət sifarişlərinin yerinə yetirilməsi problemlərini sadələşdirməyə çağırılıb. Amma gözlənilməz kadr dəyişikliyi qərarından çaş-baş qalan Qərb mediası və analitikləri təyinatda xüsusi alt mətn axtarmağa başlayıblar.

Britaniyanın “The Financial Times” qəzeti yeni müdafiə nazirinin şəxsiyyətini hərtərəfli təhlil etməyə çalışıb. Britaniyanın əsas iqtisadi qəzetinin fikirlər palitrasında real insayderlərlə yanaşı, ekspertizasını ən yaxşı halda səthi adlandırmaq olan fiqurlar da var idi.

Birinci rəy olduqca obyektivdir:

“Dövlət sənaye siyasətinin tərəfdarı və heç bir güc bazası olmayan texnokrat , işgüzar məmur Belousovun təyin edilməsi Putinin Rusiyanın rekord həddə çatan 10,8 trilyon ₽ (117,2 milyard dollar) müdafiə xərclərinə nəzarəti gücləndirmək istədiyini göstərir. O, qətiyyən korrupsioner deyil”.

“The Financial Times”in fikirlərini sitat gətirdiyi və yeni nazirlə “şəxsən tanış olan” insanların xüsusiyyətlərinə qayıdaq:

“Belousov bütün bu medalları ilə, general kimi orduya rəhbərlik etməyəcək. O, işgüzardır. O, texnokratdır. O, çox dürüstdür və Putin onu çox yaxşı tanıyır”.

"Keçmiş yüksək vəzifəli Kreml məmuru"nun səciyyələndirilməsi, açıq şəkildə deyildikdə, artıq mənasızlaşdırmaq üçün yöndəmsiz cəhd kimi görünür: "O, axmaq deyil. Riyazi zehni var, amma mentaliteti tam sovetdir. Onun ədalətlə bağlı axmaq təsəvvürü var. Əgər kimsə çoxlu pul qazanırsa, o zaman onu aradan götürmək lazımdır. Çindəki kimi”.

Bununla belə, Britaniya qəzetinin sitat gətirdiyi bütün ekspertlər razılaşırlar ki, Belousovun rəhbərliyi altında nazirliyin maliyyəsi daha rasionallaşdırılacaq və onun iqtisadi statistik təcrübəsi Rusiya ordusuna dövlət müdafiə təchizatı məsələlərini daha effektiv idarə etməyə kömək göstərə bilər.

Şoyquya gəlincə, britaniyalılar əmindirlər ki, keçmiş müdafiə naziri 2 həftə əvvəl nazirin birinci müavini Timur İvanovun həbsinə səbəb olan bir sıra korrupsiya qalmaqalları nəticəsində postunu itirib:

"Rusiyaya fəlakətli mirasın öhdəsindən gələcək və Ukraynanın işğalını tamamlaycaq müdafiə naziri lazımdır, lakin rus xalqının əldə edəcəyi yeganə şey Putinin başqa bir kuklasıdır".

Amerika mediasında, xüsusən də CNN-də Sergey Şoyqunun Rusiya siyasətindəki rolu kifayət qədər diqqətlə qiymətləndirilir:

“Tənqidlərə baxmayaraq, Şoyqu Rusiyada populyar siyasətçi olaraq qalır. 20 il fövqəladə hallar naziri vəzifəsini tutan, lazım olanda köməyə gələn rəğbətli məmur obrazı yaradıb”.

CNN ABŞ-nin keçmiş müdafiə naziri Mark Esperdən sitat gətirir:

“Putinin kadr dəyişikliyi “vacib” və “maraqlı addımdır. Hazırda Moskvadan çıxan əsas arqument Rusiyanın müharibə iqtisadiyyatına doğru getməsidir (...) Şoyqunun nazir kimi fəaliyyəti ilə bağlı məyusedici məqamlardan biri də odur ki, biz ən azı Pentaqonda işlədiyim müddətdə düşünürdük ki, Rusiya ordusu getdikcə peşəkarlaşır, bütün texnikasını, doktrinasını modernləşdirir, məşq edir, döyüşür, amma biz bunu döyüş meydanında görmədik”.

Alman mediası, xüsusən də “Şpigel” Belousovu dəyərləndirərkən tez-tez Rusiya Mərkəzi Bankının keçmiş məsləhətçisi, hazırda “Rusiya Karnegi Avrasiya Mərkəzi”nin analitiki Aleksandra Prokopenkonun fikrinə istinad edir. Lakin Rusiyanın yüksək rütbəli məmurlarına mənfi münasibətini gizlətməyən xanım Prokopenko bu dəfə yeni nazirə az-çox obyektiv səciyyə verib:

“O, səmərəli icraçı və iqtisadiyyatın deyil, ilk növbədə, dövlətin maraqları üçün çalışan şəxs kimi xarakterizə olunur. Belousov sərt və genişmiqyaslı hökumət tənzimləməsinin tərəfdarıdır. O, uzun müddətdir ki, dövlət xərclərinin daha da artırılmasını tələb edir (...) Liberal iqtisadi funksionerlərdən fərqli olaraq, o, sərt xətt tərəfdarı hesab olunur. O, Rusiyanın düşmənlərlə əhatə olunduğuna inanır”.

Alman həftəlik qəzeti, həmçinin Sergey Şoyqunun Təhlükəsizlik Şurasının katibi təyin edildikdən sonra hansı məsələlərlə bağlı qərar verəcəyi və yeni vəzifəsində müdafiə blokuna hansı təsirini saxlayacağından narahatdır. Almanları yeni sədrlə onun müavini, eks-prezident və keçmiş baş nazir Dmitri Medvedevlə necə anlaşacağı da narahat edir.

Şərqi Avropa və Rusiya üzrə ekspert Sabine Fişer hesab edir ki, Belousovun təyinatı Rusiya iqtisadiyyatının strateji istiqamətləndirilməsinin əlamətidir.
“Fişer Deutschlandfunk” radiosuna müsahibəsində Fişer deyib:

“Rusiyanın hərbi iqtisadiyyatı indi daha da vacib olacaq, o, uzun müddət üçün yenidən qurulur”.

“Berliner Zeitung” qəzeti Rusiya hökumətindəki kadr dəyişikliklərinə kifayət qədər sərt qiymət verib. Nəşr yazır ki, Rusiya MN-nin yeni rəhbəri Rusiya elitasının iqtisadi liberal dairəsinə aid olsa da, Rusiyada hakimiyyət sisteminin liberallaşması gözlənilməməlidir:

Birincisi, Belousov liberal iqtisadi dairələrdə mühafizəkar-statist qanadına aiddir.

İkincisi, Rusiya hökumətinin siyasi sistemində 2018-ci ildən və xüsusilə 2022-ci ildən intensiv şəkildə mürtəce dəyişikliklər baş verir.

“Müdafiə naziri postuna ekspert iqtisadçı təyin edilməsi Rusiyanın Ukraynaya qarşı müharibəsinin Rusiya iqtisadiyyatının özəyinə çatdığını göstərir. Kreml təslim olmaq istəmir və diqqətini genişmiqyaslı yenidən silahlanmaya və iqtisadiyyatı uzunmüddətli müharibənin ehtiyaclarına uyğunlaşdırmağa yönəldir. Buna görə də, Andrey Belousovun təyinatı təkcə Ukrayna üçün deyil, həm də Qərb üçün son dərəcə narahatedici hadisədir”, - “Berliner Zeitung” yazır.

Y. QACAR

Ana səhifəyə dön