İran prezidenti helikopter qəzasında həlak olub - (Yenilənib)
Tarix: 20-05-2024 02:07 | Bölmə: Slayd
İran prezidenti helikopter qəzasında həlak olub - (Yenilənib)

İran prezidenti İbrahim Rəisi helikopter qəzasında həlak ola bilər.

Reyting.az
-ın xəbərinə görə, bu barədə “The Atlantic”ə İran rəhbərliyinə yaxın mənbə məlumat verib.

İrandakı mənbə iddia edir ki, hakimiyyət hazırda dövlətdə xaosa səbəb olmadan bunu elan etməyin yollarını axtarır.

Eyni zamanda, mənbə, ABŞ jurnalına deyib ki, Rəisinin ölümü ilə bağlı məlumatı hələlik təsdiq etmək mümkünsüzdür.

Qeyd edək ki, Rəisinin olduğu helikopter mayın 19-da günorta İran lideri ilə Azərbaycan prezidenti İlham Əliyevin görüşündən sonra Şərqi Azərbaycan vilayətində yerə çırpılıb.

***

İran prezidenti İbrahim Rəisi, xarici işlər naziri Hüseyn Əmir Abdullahian, Təbrizin imam cüməsi Ayətullah Əli Haşim, Şərqi Azərbaycan vilayətinin valisi Malik Rəhməti helikopter qəzasında həlak olublar.

Reyting.az
xəbər verir ki, bu barədə İranın “Mehr” agentliyi məlumat yayıb.

Qeyd edək ki, prezident Rəisi bazar günü helikopterlə İran-Azərbaycan sərhədində bəndin açılış mərasimində iştirak edib qayıdarkən helikopterin sərt eniş etməsi nəticəsində qəza baş verib. Helikopterdə prezidentlə birlikdə yuxarıda adlar çəkilən heyət də olub.

***

İranın Qızıl Aypara Cəmiyyəti respublika prezidentinin, xarici işlər nazirinin, helikopterin bütün sərnişin və ekipaj üzvlərinin həlak olduqlarını elan edib.

Reyting.az
xarici KİV-lərə istinadla bildirir ki, bunu İranın Qızıl Aypara Cəmiyyətinin rəhbəri Pir Hüseyn Kolivənd deyib.

Onun sözlərinə görə, qəza yeri aşkar edildikdə, helikopterdə sərnişinlərin canlı olmasına dair heç bir əlamət tapılmayıb.

ELÇİN




Bölməyə aid digər xəbərlər
{sape_links}{sape_article}