17:25 / 04-04-2025
“Bazarstore” qanunu pozub
Paşinyan Köçəryan və Sarkisyanı Azərbaycana təhvil verməlidir
Tarix: 04-04-2025 08:32 | Bölmə: Slayd
Paşinyan Köçəryan və Sarkisyanı Azərbaycana təhvil verməlidir

“Ermənistanda hakimiyyətdə olan qüvvənin Gümrü şəhərində bələdiyyə seçkilərini uduzması zənnimcə, erməni seçicilərinin Nikol Paşinyan hökumətinə mesajıdır. Bunu, erməni xalqı hakimiyyəti dəyişmək, Paşinyandan xilas olmaq üçün deyil, ona xəbərdarlıq məqsədi ilə edib. Ancaq ümumilikdə Ermənistanda hakimiyyət dəyişikliyi daha çox xarici amillərlə əlaqəlidir”.

Bunu “Reytinq” qəzetinə açıqlamasında Demokratik İslahatlar Partiyasının (DİP) sədri, Milli Məclisin üzvü Asim Mollazadə deyib.

A. Mollazadə eyni zamanda ötən günlərdə Ermənistan baş naziri N. Paşinyanın özündən əvvəlki ölkə rəhbərləri haqda fikirlərini də şərh edib: “Paşinyan özündən əvvəl Ermənistana rəhbərlik etmiş şəxsləri açıq debata çağırıb, onları məğlub edəcəyini bildirdi. Əgər Paşinyan özünü güclü hesab edirsə, həmin şəxsləri Azərbaycana təhvil versin. Söhbət Robert Köçəryan, Serj Sarkisyan və digərlərindən gedir. Onlar Qarabağda insanlığa qarşı cinayətlərdə iştirak ediblər və cəzalandırılmalıdırlar”.

Mollazadə xatırladıb ki, hazırda Azərbaycan ərazilərində insanlığa qarşı cinayətlərdə iştirak etmiş bir qrup cinayətkarın Bakıda məhkəməsi gedir və onlar törətdiyi cinayətlərə görə hüquq qarşısında cavab verirlər: “Ədalət mühakiməsindən yayınan digərlərinin də məhkəmələr qarşısında cavab verməsi ədalətin bərpası olardı. Ümid edirəm ki, bu da baş verəcək”.

Y. QACAR
Reyting.az





Bölməyə aid digər xəbərlər