16:25 / 15-09-2019
Sabiq deputat vəfat etdi
14:02 / 15-09-2019
Xalqı çaşdıran yalanlar
Qanunları pozan nazirliyə qarşı icrası məcburi olan qərar verildi
Tarix: 16-08-2019 14:05 | Bölmə: Slayd
Qanunları pozan nazirliyə qarşı icrası məcburi olan qərar verildi

Antiinhisar Dövlət Xidməti Nəqliyyat, Rabitə və Yüksək Texnologiyalar Nazirliyinə qarşı icrası məcburi olan qərar qəbul edib.

Ekspert Osman Gündüzün verdiyi məlumata görə, səlahiyyətli dövlət qurumları nəhayət ki, Nəqliyyat, Rabitə və Yüksək Texnologiyalar Nazirliyinin (NRYTN) inhisarçılığının qarşısını almaq üçün konkret addımlar atmağa başlayıblar.

O. Gündüzün sözlərinə görə, bu günlərdə Antiinhisar Siyasəti və İstehlakçıların Hüquqlarının Müdafiəsi Dövlət Xidməti özəl provayderlərin, o cümlədən mobil operatorlar, “AzerTelecom” və digərlərinin “Baktelekom”a (Bakı Telefon Rabitəsi MMC) qarşı iddiasını araşdırıb:

“Adıçəkilən qurumlar “Baktelekom” tərəfindən antiinhisar qanunvericiliyin tələblərinin pozulmasından, haqsız rəqabətə yol verilməsindən, kabel-kanal sistemindən istifadəyə məqsədyönlü olaraq şərait yaradılmamasından Antiinhisar Dövlət Xidmətinə müraciət ediblər.

Gizli deyil ki, uzun müddətdir NRYTN heç bir özəl provayderi və operatoru dövlətə məxsus olan kabel-kanal sistemindən istifadəyə yaxın buraxmır.

Nazirlik kabel-kanal sistemində sıxlıq olduğunu və bu səbəbdən xətləri yalnız icarəyə verə biləcəyini bildirirdi. Provaydrelər isə bunun səmərəli olmadığnı, icarə haqlarının çox yüksək olduğunu, təhlükəsizlik baxımından məqəsədəuyğun olmadığını əsas gətirərək özəl xətlərin çəkilməsində israr edirdilər. Dövlətə məxsus olan bu resursdan istifadə ilə bağlı Qaydalar indiyədək də hazırlanmayıb”.

Qanunları pozan nazirliyə qarşı icrası məcburi olan qərar verildi
O. Gündüz

O. Gündüzün sözlərinə görə, nazirlik 3 il olardı ki, özəl provayderlərdən daxil olan bütün müraciətlərə, texniki imkanın olmaması, kabel-kanal sistemində sıxlığın olmasını əsas gətirərək rədd cavabı verirdi: “Özəl provayderlər isə bunun qəsdən edildiyini, kabel-kanal sistemində imkanların mövcud olduğunu, rədd cavabının haqsız rəqabət məqsədilə, dövlət operatorları olan “Baktelekom”-un və “Aztelekom”-un bazarda üstünlük qazanması üçün edildiyini bildirirdilər. Onlar kabel-kanal sisteminə birgə baxış keçirilməsini, hətta imkanların olmadığı sahələrdə birgə investisiya yatırımı təklif edirdilər.

Qeyd edim ki, kabel–kanal sistemi NRYTN tabeliyində olan “Baktelekom” və “Aztelekom” operatorlarına məxsusdur.

Beləliklə, cari ayın əvvəli Antiinhisar Dövlət Xidməti daxil olan müraciətləri araşdırararq, haqsız rəqabət haqqında qanunun, Telekommunikasiya haqqında qanunun, antiinhisar qanunvericiliyin tələblərini əsas tutaraq NRYTN üçün icrası məcburi olan qərar qəbul edib.

Qərarda Bakı şəhəri üzrə bəlli ərazilərdə kabel-kanal sisteminə ekspertiza-baxış keçirilməsi, şəraitin olduğu yerlərdə sistemdən istifadə üçün dərhal imkanların yaradılması, şəratin olmadığı iddia olunan ərazilərdə isə bunun səbəbləri haqqında, kabel-kanal sisteminin gücü və mövcud durumu haqında Antiinhisar qurumuna əsaslandırılmış məlumat verilməlidir.

Beləliklə, Antiinhisar Dövlət Xidməti 3 il ərzində özəllər üçün bağlı olan rabitə quyularının qapağının açılması haqqında qərar verib.

Ümid edirəm ki, NRYTN tezliklə bunu icra edəcək, dövlət və özəl provayderlərin bu kabel-kanal sistemindən bərabər əsaslarla istifadəsi üçün Qaydalar müəyyən edəcək və haqsız rəqabətə yol verməyəcək.

Məlum olduğu kimi, bir müddət öncə Antiinhisar qurumu “Bakcell” şirkətinin də müraciəti əsasında NRYTN –nin antiinhisar qanunvericiliyin tələblərini pozmasını araşdırmış və “Bakcell”-ə nömrə resursları (099 kodu) ayrılmasına dair NRYTN üçün icrası məcburi olan qərar qəbul etmişdi”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}