ABŞ və Rusiya PKK/YPG terror təşkilatına dəstəyini dayandırır? - Deputat
Tarix: 23-10-2019 13:48 | Bölmə: Slayd
ABŞ və Rusiya PKK/YPG terror təşkilatına dəstəyini dayandırır?

“Terrorun qarşısını alan, onun sonunu gətirən bütün razılaşmalar müsbət hadisədir. Rusiya bu anlaşma ilə terrorçu dəstələrə dəstəyini dayandırır və sərhəddə təhlükəsizlik məsələsini öz üzərinə götürür.

Terrora son qoymaq lazımdır. İstər Rusiya, istərsə də ABŞ olsun, əgər onlar terrorçu dəstələri daha dəstəkləməyəcəksə, Türkiyəyə sərhədləri yaxınlığında sabitliyin təmin olunmasına köməklik göstərəcəksə, bu, ancaq dəstəklənə bilər”.

Bu sözləri Reyting.az-a Milli Məclisin deputatı, siyasi analitik Asim Mollazadə Türkiyə ilə Rusiya arasında Suriya mövzusunda son razılaşmanı şərh edərkən deyib.

A. Mollazadə əlavə edib ki, dünyaya ən böyük təhlükə terrorçu təşkilatların gizli şəkildə dəstəklənməsidir.

Mollazadə ABŞ və Rusiyanın bir zamanlar dəstəklədiyi YPG/PKK terror qrupunun arxasından çəkilməsinin səbəblərini də açıqlayıb: “Bu dövlətlər bir mərhələdə öz maraq və məqsədləri naminə terror dəstələrindən müharibdə istifadə ediblər. İndi artıq bu terrorçu dəstələrə ehtiyacları olmadığı və Türkiyə ilə əlaqələri kəskinləşdirməmək naminə bu terror qruplarına dəstəyi dayandırırlar. Yəni həmin qanunsuz silahlı dəstələrdən vasitə kimi istifadə edilməsi prosesi başa çatır”.

ABŞ və Rusiya PKK/YPG terror təşkilatına dəstəyini dayandırır?
Mollazadə

Amma deputat zənn etmir ki, Suriya problemi özünün siyasi həll mərhələsinə daxil olub: “Fikrimcə, bu proses hələ uzanacaq. Çünki maraqlı tərəflər çoxdur və bu, bölgədə sabitliyin asanlıqla qorunub saxlanmasını istisna edir”.

Xatırladaq ki, YPG/PKK terror təşkilatının Türkiyə -Suriya sərhəddindən uzaqlaşdırılması üçün Ankara “Sülh çeşməsi” əməliyyatına başlayıb. Daha sonra Vaşinqton ilə Ankara arasında razılaşma əldə edilib. Bu razılaşmaya əsasən ABŞ YPG/PKK terror təşkilatını Türkiyə ilə sərhəddən uzaqlaşdıracağını öhdəlik kimi üzərinə götürüb.

Türkiyə prezidenti Ərdoğan dünən Rusiyaya səfəri zamanı bu ölkənin kürd terrorçularına dəstəyinin dayandırmasına nail olub. Tərəflər arasında 10 maddəlik anlaşma imzalanıb. Anlaşmaya görə, terrorçular Türkiyə ilə sərhəddən geri çəkiləcək. Prezident Putinin mətbuat katibi Dmitri Peskov bu gün bəyan edib ki, əgər YPG/PKK silahlıları geri çəkilməsə türk ordusu onları əzəcək.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}