Üçüncü qüvvələrin təhlükəli planı: Rusiya-Azərbaycan münasibətlərini gərginləşdirmək istəyirlər - Xəbərdarlıq
Tarix: 31-10-2019 22:30 | Bölmə: Slayd
Üçüncü qüvvələrin təhlükəli planı: Rusiya-Azərbaycan münasibətlərini gərginləşdirmək istəyirlər

Azərbaycanın Rusiyadakı səfirliyi bu ölkədə yaradılan Ümumxalq Rifahı Naminə Təşkilatı (V.B.O.N) barədə bəyanat yayıb.

Reyting.az
-ın məlumatına görə, səfirlikdən APA-nın Moskva müxbirinə bildiriblər ki, sosial şəbəkələrdə və mətbuat səhifələrində üzvlərinin guya millətçi və hətta terrorçu olması yazılan təşkilat barədə aparılan kampaniya anti-Azərbaycan qüvvələri tərəfindən yönləndirilir, Rusiyadakı azərbaycanlıların qaralanmasına, millətlərarası, konkret olaraq ruslarla azərbaycanlılar arasında qarşıdurmanın qızışdırılmasına istiqamətlənib.

"Baş verənlərin xronologiyası onu deməyə əsas verir ki, məlum kampaniyaya start məhz Azərbaycan prezidenti İlham Əliyevin "Valday" Beynəlxalq Diskussiya klubunun XVI illik toplantısının plenar sessiyasında məşhur çıxışından, eləcə də MDB dövlət başçılarının Aşqabadda keçirilən iclasında nasist Qaragin Njde barəsində çıxışından sonra verilib. Hamımız millətçi düşüncə və baxışların nəticələrinə, eləcə də onların dünyaya gətirə biləcəyi faciələrə şahidik. Ona görə də, Azərbaycan və Rusiya çoxmillətli dövlətlər kimi bu cür təzahürlərə xüsusi ehtiyatla yanaşır və onların kökünü kəsir. Bizim ölkələrimizdə milliyyətçi baxışlara yer yoxdur. Hər iki ölkədə yüz illər boyu müxtəlif millətlərin və konfessiyaların nümayəndələri dinc şəraitdə yaşayırlar. Bu gün Azərbaycan Respublikası ilə Rusiya Federasiyası arasında münasibətlər strateji səviyyəyə çatıb. Bütün sahələrdə əlaqələr aktiv inkişaf edir. Əlbəttə ki, bu, üçüncü qüvvələri qane etmir, hansılar ki, hər cür yolla Rusiya-Azərbaycan münasibətlərinə mane olmağa, rus və Azərbaycan xalqlarının arasını vurmağa çalışırlar”.

Diqqətə çatdırılır ki, Rusiya hüquq-mühafizə orqanları artıq bu qüvvələrlə məşğuldur və bu qüvvələrin səyləri əbəsdir: “Tolerantlıq azərbaycanlılar və rusların həyat tərzidir. Bu kampaniyanın mahiyyətini başa düşmək və onun zərərli təsirinə düşməmək üçün kifayət qədər müdrikik. Məlum olmayan müəlliflər tərəfindən sosial şəbəkələrə yerləşdirilmiş videolara gəldikdə isə, hesab edirik ki, onların etibarlılığı müvafiq hüquq-mühafizə orqanları tərəfindən araşdırılmalı, günahkarlаr isə Rusiya qanunvericiliyi çərçivəsində cəzalarını almalıdırlar. Eyni zamanda Rusiya cəmiyyətində guya azərbaycanlıların ruslara qarşı dözümsüz olduğu fikrini formalaşdırmaq məqsədi daşıyan bu cür video materialların sosial şəbəkələrə yerləşdirilməsini qınayırıq”, - deyə bəyanatda qeyd olunub.

Səfirlik bütün soydaşlarımızı ayıq olmağa və Rusiyada yaşayan azərbaycanlıların imicinə xələl gətirə biləcək hər hansı bir təxribata uymamağa çağırıb.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}