18:04 / 18-02-2020
Azərbaycanda zəlzələ oldu
Türk kəşfiyyatçının ABŞ generalına yazdığı məxfi məktub üzə çıxıb - Foto
Tarix: 23-01-2020 14:53 | Bölmə: Slayd
Türk kəşfiyyatçının ABŞ generalına yazdığı məxfi məktub üzə çıxıb

Son illər Türkiyə Milli İstihbarat Təşkilatının (MİT) adı tez-tez qalmaqallarda hallanır. Bu dəfə adıçəkilən kəşfiyyat təşkilatının sabiq əməkdaşı Ənvər Altaylı ilə bağlı məsələ müzakirələrə səbəb olub.

Məlumata görə, Altaylının mobil telefonundan ABŞ prezidenti Trampın sabiq milli təhlükəsizlik müşaviri, general Mayk Flayna yazdığı məxfi məktub üzə çıxıb. Türk kəşfiyyatçı Amerika generalına məktubunda 16 iyul dövlət çevrilişini sui-qəsd kimi qiymətləndirib.

Reyting.az xəbər verir ki, bu sensasiyalı faktlar Ankara prokurorluğunun MİT-in 4 əməkdaşı ilə bağlı apardığı FETÖ araşdırması zamanı ortaya çıxıb.

Prokurorluğun iddianaməsinə görə, Ənvər Altaylının mobil telefonundan 15 iyul dövlət çevrilişinə cəhddən sonra Trampın müşavirinə göndərdiyi məktubda Rusiyanın Türkiyədə böyük oyun oynadığı bildirilib.

Kəşfiyyatçı 2016-cı ilin 15 iyulunda Türkiyədə dövlət çevrilişinə cəhdlə bağlı ABŞ generalına yazıb ki, Türk Ordusunda 364 general və admiral var: “Dövlət çevrilişinə cəhd təşəbbüsündə onların yarısı iştirak edib. Bundan “Çevrilişi təsdiqləyirəm”,- fikri çıxmasın. Ancaq burada bir oyun və sui-qəsd olduğu qənaətindəyəm.

Ərdoğan hökuməti çevriliş cəhdini dini bir hərəkata mənsub zabitlərin idarə etdiyini və bu dini hərəkatın arxasında Vaşinqtonun durduğunu qeyd edəcək.

Orduda Moskva tərəfdarı olan zabitlər var. Bunların əksəriyyəti Doğu Pərincək adlı keçmiş kommunistin nəzarətindədir. İşin təəccüblü tərəfi həyatında tək məqsədi sol çevriliş etmək olan Pərincək tərəfdarları olan zabitlərin bu çevriliş cəhdində iştirak etməməsidir.

Türk kəşfiyyatçının ABŞ generalına yazdığı məxfi məktub üzə çıxıb

Çevrilişə cəhd edənlər arasında Fətullahçı zabitlər də var. Rusiya tərəfdarı olmayan general və admiralların böyük qismi bu prosesdə iştirak edib”.

Kəşfiyyatçı məktubunda daha sonra Türkiyə ictimaiyyətində ortaq görüntüyə də diqqət yönəldib: “Görüntü budur ki, dövlət çevrilişinə cəhdi ABŞ-dan təlimat alan zabitlər həyata keçirib. Cəmiyyətdə belə görüntü yaradılıb ki, Fətullahçı olmaq çox pis bir şeydir. İndi ordu içində bu hərəkata yaxın olan yüzlərlə zabit işini itirəcək”.

Məktubunda Türkiyənin Baş naziri olmuş Binəli Yıldırımın sözlərini xatırladan kəşfiyyatçı qeyd edib ki, Baş nazir Güləni qoruyan bütün ölkələri düşmən elan edib: “Hazırda Gülən ABŞ-da olduğu səbəbindən, Baş nazirə görə, ABŞ düşməndir”.

Ənvər Altaylı prokurorluğa ifadəsində ABŞ prezidenti Trampın milli təhlükəsizlik müşaviri, general Maykl Flayn ilə görüşdüyünü və iki türk nazir ilə onun təmas saxlamasını təmin edərək FETÖ əleyhinə açıqlama verdiyinə nail olduğunu iddia edib.

“Türk Hava Yollarının rəhbəri İlkər Tuğçu ilə Surixdə görüşdüm. O da nazirlərlə görüşdü və nazirlər ABŞ-a səfər etdi. Maykl Flayn da FETÖ-nun Türkiyəyə gətirilməsi və ya ölkədən çıxarılmasından danışdı. Flayn açıqlamasında “Bu adam İŞİD kimdir, bu ölkədə ona yer ola bilməz”,- deyə bəyanat verdi.

İki nazir Flaynla səhər yeməyinə qatıldı. Flayn Gülənin ABŞ-dan Türkiyə tərəfinə qaçırılmasına dəstək olacağını söylədi. Bu məsələ mətbuata çıxdıqda Flayn istefa verdi. ABŞ milli təhlükəsizlik müşavirinin bu çıxışına mən səbəb oldum”,- sabiq kəşfiyyatçı ifadəsində qeyd edib.

Məlumat üçün xatırladaq ki, ABŞ prezidentinin milli təhlükəsizlik müşaviri bir dövr Türkiyə xeyrinə qanunsuz lobbi fəaliyyətinə görə tənqid edilib.

Qeyd edək ki, Flayn Gülənin Türkiyəyə təslim edilməsi üçün lobbi fəaliyyəti həyata keçirmək məqsədilə Türk hökuməti ilə razılığa gəlmişdi. Ancaq bu razılaşmanı ABŞ Ədliyyə Nazirliyinə bildirməmişdi. Sonradan general Flaynın Rusiyanın Vaşinqtondakı səfiri Sergey Kislyakla əlaqələri üzə çıxdı və istefa vermək məcburiyyətində qaldı.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}