Milli Şura Azərbaycan hakimiyyətini kiberhücumlarda ittiham edir - Bəyanat
Tarix: 19-05-2020 15:48 | Bölmə: Slayd
Milli Şura Azərbaycan hakimiyyətini kiberhücumlarda ittiham edir

Demokratik Qüvvələrin Milli Şurası (DQMŞ) internetdə bu qurumun iclaslarının qanunsuz kibermüdaxilələr yolu ilə dinlənildiyini bildirib.

Reyting.az
Turan-a istinadla xəbər verir ki, DQMŞ bununla bağlı bəyanat verərək, hakimiyyətin bu addımını pisləyib.

Belə ki, son günlər hakimiyyətin nəzarəti altında olan hesablarda və bəzi KİV-lərdə DQMŞ-nin Koordinasiya Mərkəzinin ZOOM sistemi vasitəsilə keçirdiyi videokonfranslardan videogörüntülər yayılıb. “Beləliklə, hakimiyyət DQMŞ-nin bütün iclaslarına müdaxilə etdiyini və onları qeydə aldığını etiraf edib”, - deyə bəyanatda bildirilir.

Qeyd olunur ki, demokratik ölkələrdə siyasi rəqiblərinin daxili söhbətlərini, qapalı toplantılarını qanunsuz kibertexnologiyalar vasitəsilə gizlin şəkildə dinləmək, qeydə almaq və sonradan yaymaq ağır siyasi cinayətdir. “Belə ki, 1972-ci ildə "Uoterqeyt qalmaqalı"ndan sonra ABŞ prezidenti Nikson istefa vermək məcburiyyətində qalıb”.

Bildirilir ki, DQMŞ-nin iclaslarını dinləməklə yanaşı, hakimiyyət ayrı-ayrı siyasi xadimlərin və müxalifət fəallarının hesablarına kiberhücumlar təşkil edir.

“Çox vaxt dinlənilən materiallar hökumətin əsas ideoloji ruporu olan REAL TV-dən bütün ölkəyə yayımlanır.

AXCP lideri Əli Kərimli bir aydır internet imkanlarından məhrum edilib”,- bəyantda qeyd edilir.

DQMŞ bəyanatında kiberhücumlara görə ölkənin siyasi rəhbərliyinin məsuliyyət daşıdığını bəyan edir, rejimin gələcəkdə bu cinayətlərə görə cavab verməli olacağından əminlik ifadə edir.

Qeyd edək ki, Azərbaycan iqtidarı Milli Şuranın bu ittihamlarını rədd edir.скачать dle 10.5фильмы бесплатно




Bölməyə aid digər xəbərlər
{sape_links}{sape_article}