18:29 / 09-07-2020
Seulun meri itkin düşüb
Koronavirusla mübarizə üçün 12 təklif irəli sürüldü
Tarix: 27-06-2020 17:06 | Bölmə: Slayd
Koronavirusla mübarizə üçün 12 təklif irəli sürüldü

Son günlər ölkəmizdə koronavirusa yoluxma hallarının artması ictimaiyyətdə ciddi narahatlıqlara səbəb olub. Artıq bəzi ictimai-siyasi xadimlər və bir çox mütəxəssislər problemdən qismən çıxış yolu kimi yeni qaydaların tətbiqini zəruri sayırlar.

Reyting.az
xəbər verir ki, Azərbaycan Demokratiya və Rifah (ADR) Hərəkatının rəhbəri, ABŞ-ın Rutgers Universitetinin professoru Qubad İbadoğlu da narahatlığını ifadə edərək təkliflərini səsləndirib.

İqtisadçı-alim bildirib ki, hər gün həyəcanla izlədiyi virus statistikası adamın ürəyini dağlayır. Belə statistikanın qarşısında Avropa və Amerika səhiyyəsinin bir neçə ay əvvəl aciz qaldığını xatırladan Q. İbadoğlu qeyd edib ki, bu yükü Azərbaycan səhiyyəsi götürməyə və ölkəmizdə koronavirus qurbanlarının sayı arta bilər. Bu səbəbdən də ADR Hərəkatının aşağıdakı təkliflərinin icrasını vacib sayır:

1. Nazirlər Kabineti yanında Operativ Qərargah yenidən təşkil edilməli, ictimaiyyətin tanınmış nümayəndələrinin də təmsil olunduğu təzə formatda Qərərgah yaradılmalı, virusla bağlı durum xalqa hər gün dürüst və açıq formada çatdırmalıdır.

2. Bütün ölkə - iqtidar, müxalifət, mərkəzi hakimiyyət, yerli hakimiyyət, özəl bölmə, ictimai sektor ilk növbədə virusla mübarizə üçün səfərbər olmalı, könüllü tibbi və sosial yardım qrupları yaradılmalı və hamı ehtiyacı olanı hər kəsə və hər ailəyə dəstək olmağa çalışmalıdır.

3. Tibbi heyəti qorumaq üçün onlar maksimum mühafizə vasitələri ilə təmin olunmalı, səhiyyə işçilərinin əməkhaqqı müddətli olaraq 10 qat artırılmalı, dünyasını dəyişən səhiyyə işçilərinin ailələrinə 10 min manat yardım edilməli, həlak olanların adı əbədiləşdirilməlidir.

4. Ən qısa müddətdə 10 modul tipli xəstəxanın quraşdırılması işi başa çatdırılmalı, sərgi salonları, olimpiya kompleksləri və bu tip istifadəsiz qalan digər obyektlər tibbi çarpayılar və avadanlıqlarla komplektləşdirilməlidir.

5. Səhiyyə sahəsində çalışmış şəxslərdən, Tibb Universitetinin tələbələrindən könüllü səhiyyə briqadaları təşkil olunmalı, onların təlimlər vasitəsilə hazırlığına start verilməlidir.

6. Testlərin sayı indiki ilə müqayisədə ən azı 2 dəfə artırılmalı, süni nəfəs aparatlarının və digər zəruri tibbi ləvazimat və avadanlıqların idxalı davam etdirilməlidir.

7. Virusun coğrafiyasına dair interaktiv surətdə yeniləşən xəritə hazırlanmalı, qaynar nöqtələr müəyyənləşdirilməli və lokal təcrid zonaları yaradılmalıdır.

8. Dövlət büdcəsinə, Neft Fonundun büdcəsinə, sosial müdafiə büdcəsinə, işsizlikdən sığorta büdcəsinə yenidən baxılmalı, bütün növ sosial müavinətlərə, pensiyalara və təqaüdlərə müddətli əlavələr edilməli, ünvanlı sosial yardım üçün ehiyac həddi yaşayış minimumunun dəyərinə çatdırılmalıdır.

9. Məşğulluq orqanlarında qeydiyyatı olan bütün şəxslərə qeyd-şərtsiz 190 manat birdəfəlik ödəmə verilməli, karantin rejimi tətbiq olunan ərazilərdə fəaliyyəti məlum səbəbdən mümkün olmayan bütün vergi ödəyicilərinə yardım edilməli, muzdlu işçilərin əməyinin bir hissəsinin müddətli ödənilməsi iyun-iyul aylarında da davam etdirilməlidir.

10. Səhiyyəyə ayrılmış vəsaitlərin idarəçiliyi və səmərəliliyi yüksəldilməlidir. Bunun üçün ilk növbədə pandemiya dövründə tibbi məqsəd üçün ayrılan ictimai vəsaitlərə dair məlumatlara çıxış imkanı yaradılmalı, səhiyyə büdcəsinin şəffaflığı və hesabatlığı artırılmalıdır.

11. Bakı şəhərində metronun fəaliyyəti dayandırılmalı, ictimai nəqliyyatdan istifadə qaydaları karantin rejiminin tələblərinə uyğunlaşdırılmalıdır.

12. Vətəndaş cəmiyyəti institutları əhali arasında maarifləndirmə işlərinə cəlb edilməli, sosial məsafə, maskalardan istifadə təbliğ və ictimai yerlər dezinfeksiya vasitələri ilə təmin edilməlidir.скачать dle 10.5фильмы бесплатно




Bölməyə aid digər xəbərlər
{sape_links}{sape_article}