Mehman Əliyev: “Ermənistanda hakimiyyət dəyişikliyi olmayacaq, Paşinyan artıq...”
Tarix: 21-10-2020 10:57 | Bölmə: Slayd
Mehman Əliyev: “Ermənistanda hakimiyyət dəyişikliyi olmayacaq, Paşinyan artıq...”

“İndi müharibə gedir. Bəllidir ki, belə müharibələrdə məğlubiyyət ölkənin daxili ictimai-siyasi həyatına ciddi təsirlər göstərir. Ancaq Ermənistan elə ölkələrdəndir ki, burada maksimum həmrəylik göstəriləcək. Həm də nəzərə almaq lazımdır ki, Ermənistanda hakimiyyət dəyişikliyi o zaman baş verir ki, hakimiyyətdə olan qüvvə erməni ictimai fikrinin əleyhinə gedir. Necə ki 1997-ci ildə prezident Levon Ter-Petrosyan erməni ictimai fikrinin əlyhinə getdi. Açıq dedi ki, Azərbaycanla sülh bağlamaq lazımdır. Amma erməni cəmiyyəti bu sülhü arzu etmirdi. Ona görə də, Levonu dərhal devirdilər. Bu, artıq göstəricidir. Levon Ter-Petrosiyandan fərqli olaraq indi Ermənistanın Baş naziri Nikol Paşinyan bir qədər hiyləgər addımlar atır”.

Bunu Reyting.az-a politoloq Mehman Əliyev Qarabağda gedən müharibə, uduzan erməni ordusu və bunun Ermənistan ictimai-siyasi həyatına təsirlərindən danışarkən deyib.

Mehman Əliyev xatırladıb ki, müharibənin başladığı 27 sentyabrdan qısa müddət sonra Nikol Paşinyan parlamenti toplayaraq deputatlara açıq müraciət edib:

“Paşinyan parlamentdə üzünü deputatlara tutaraq dedi ki, müharibəni dayandıra bilər, bunun üçün təqdim edilən təkliflər budur, siz bu təklifləri qəbul edirsinizmi? Parlament dedi, “yox, heç bir halda”. Başqa sözlə, Paşinyan erməni cəmiyyətinə deyir ki, vəziyyət belədir, bizə edilən təklif də budur. Erməni cəmiyyəti də deyir ki, yox, qəbul edə bilmərik. Paşinyan məsuliyyəti atır erməni cəmiyyətinin üzərinə. Cəmiyyət nə deyirsə, onu da edir. Yəni Nikol Paşinyan məsuliyyətini cəmiyyətlə bölüşür. Bu mənada hakimiyyətin sığortalanması müəyyən dərəcədə baş verib. Çünki indi erməni hökumətinin atdığı addımlar həm də kollektiv mövqedən doğur. Yəni bunu yalnız Paşinyanın mövqeyi kimi təqdim etmək olmaz. Bu, erməni xalqının mövqeyidir”.

Erməni cəmiyyətini yaxından tanıdığını, daima izlədiyini xatırladan M. Əliyev qeyd edib ki, son 20 ildə erməni cəmiyyətinin istək və arzuları Qərb istiqamətində getmək olub: “Son vaxtlar bu prosesi tələsik aparmaq istəyirdilər və Moskva da bunu hiss edirdi. Bu, Paşinyanın qərarı deyildi. Ümumiyyətlə, Paşinyan kimi adamların hakimiyyətə gələ bilməsi də erməni cəmiyyətində qərbpərəst istəklərin inkişafından doğurdu. Bunu cəmiyyət istəyir. Paşinyan ona görə hakimiyyətə gəldi ki, bu xətti aparsın. Prinsipcə bəzi addımlar da ata bildi. Məsələn, Avropa Birliyi ilə sazişlər imzaladı və s. Bir sözlə, Paşinyan əslində erməni cəmiyyətinin məhsuludur və kollektiv məsuliyyət daşıyır. Odur ki, onun hakimiyyətdən getməsi, kiməsə verməsi, devrilməsini gözləmirəm. Yəni Ermənistanda hakimiyyət dəyişikliyinin baş verəcəyini ehtimal etmirəm”.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}