Politoloq: “Nemət Pənahlı SSRİ təhlükəsizlik orqanlarının agenti olub”
Tarix: 25-01-2021 15:27 | Bölmə: Slayd
Politoloq: “Nemət Pənahlı SSRİ təhlükəsizlik orqanlarının agenti olub”

“Abutalıb Səmədov kimi adamlara cavab vermək istəmirəm. Dərk etmirlər ki, “cırtdan”lar heç zaman böyümür. Məni və ya başqasını təhqir etməklə belə “cırtdan”lar böyüyən deyillər”.

Bu sözləri Reyting.az-a Milli Məclisin keçmiş üzvü, politoloq Cümşüd Nuriyev “Azərbaycan Naminə Alyans” Partiyasının sədri Abutalıb Səmədovun onun barəsində səsləndirdiyi fikirlərə cavab verərkən deyib.

Abutalıb Səmədovun “Cümşüd Nuriyev parlamentdə olan zaman icmal büdcə ilə dövlət büdcəsinin fərqini bilməyib”,- ittihamını ciddi qəbul etmədiyini deyən politoloq əlavə edib ki, Azərbaycan dövlətinin maraqları onun üçün daha üstündür: “Səmədovun mənim barəmdə dedikləri ilə maraqlanmıram. Nə istəyir, desin. Canı sağ olsun. Mənə görə vacibi dövlət maraqlarıdır”.

Politoloq, Milli Dövlətçilik Partiyasının sədri Nemət Pənahlının sabiq Baş nazir Pənah Hüseynlə debatı zamanı onun ünvanına dediklərinə reaksiya verib: “Nemət Pənahlı gedib 1988-ci ildə və digər dövrlərdə verdiyi ifadələrə baxsın. Məndə şübhə yoxdur ki, Nemət SSRİ təhlükəsizlik orqanlarının adamı idi və onun yazdığı izahatlar da var. Ona görə də, Nemət artıq nimdaşlaşmış siyasi fiqurdur. Nə istəyir, desin. Mənə maraqlı deyil”.

Reyting.az




Bölməyə aid digər xəbərlər
bütün xəbərlər
{sape_links}{sape_article}