Politoloq: “Rusiya sülhməramlıları Qarabağ mövzusu ilə məşğul olmalıdır, bizim sərhəd məsələmizlə yox”
Tarix: 26-01-2021 16:34 | Bölmə: Slayd
Politoloq: “Rusiya sülhməramlıları Qarabağ mövzusu ilə məşğul olmalıdır, bizim sərhəd məsələmizlə yox”

“Azərbaycan, Rusiya və Ermənistan baş nazirlərinin yaxın günlərdə görüşməsi və bölgədə nəqliyyatın blokdan çıxarılması üçün müzakirələr aparması müsbət hadisədir. Ancaq mən öncədən də qeyd etmişdim ki, Ermənistan Azərbaycanın ərazi bütövlüyünü tanımalı və bundan sonra bu kimi məsələlər müzakirə olunmalıdır. Çünki səhv anlaşmalar var. Məsələn, Laçın dəhlizi Ermənistana tam açıqdır. Bu səbəbdən də ermənilər həmin dəhlizdən istifadə edir. Bu isə bəzi anlaşılmazlıqlar yaradır”.

Bu fikirləri Reyting.az-a politoloq Toğrul İsmayıl Azərbaycan, Ermənistan və Rusiya baş nazirləri müavinlərinin bölgədə kommunikasiya xətlərinin açılmasına dair planlaşdırılan görüşü şərh edərkən deyib.

Professor bildirib ki, bilavasitə Qarabağla bağlı olmayan, kommunikasiya və iqtisadi məsələlər ətrafında üçtərəfli görüşlər normaldır: “Amma beynəlxalq hüququn məntiqi var. Qalıcı sülh müqaviləsi imzalanmalıdır. Əgər Rusiya vasitəçidirsə, belə bir sülh müqaviləsini təsdiqləməlidir. Bundan sonra iqtisadi məsələlər rahat müzakirə edilə bilər. Əks halda yarımçıq qalmış problem var və onun da həlli yoxdur. Baş nazirlərin müavinlərinin görüşməsi bölgədə inkişaf üçün normal hadisədir. Məncə, burada, ola bilsin bizim təcrübəsizliyimiz, bəlkədə Rusiyanın bu işi nəzarətdə saxlamağa çalışması halı var. Amma bir an əvvəl sülh müqaviləsinin imzalanması ümumi işin xeyrinə olardı. Azərbaycan sərhədlərinə özü nəzarət etməlidir. Laçın dəhlizində sülhməramlı kontingent monitorinq həyata keçirə bilər, amma Azərbaycan sərhədində mütləq bizim sərhədçilərimiz durmalıdır. Hər kəs qolunu sallayaraq Azərbaycanın dövlət sərhədlərini keçməməlidir”.

T. İsmayıl qeyd edib ki, Türkiyənin Xarici işlər naziri Mövlud Çavuşoğlu da bu məqama toxunaraq xəbərdarlıq edib.

Professorun sözlərinə görə, MDB-nin qərar və sazişlərində də qeyd olunur ki, Rusiya qoşunları dövlətlərin daxili sərhədlərində yerləşdirilə bilməz: "Ermənistanda da ruslar ancaq xarici sərhədləri qoruyur. Daxili sərhədlər ancaq bu dövlətlərin ordusu tərəfindən qoruna bilər. Həmçinin Rusiya sülhməramlıları Qarabağ mövzusu ilə məşğul olmalıdır, bizim sərhəd məsələmizlə yox”.

Reyting.az




Bölməyə aid digər xəbərlər
bütün xəbərlər
{sape_links}{sape_article}