18:05 / 21-04-2021
Rusiya ABŞ-a nota verib
Gömrük Komitəsi ölkədə bahalaşma yaradır
Tarix: 07-04-2021 18:15 | Bölmə: Slayd
Gömrük Komitəsi ölkədə bahalaşma yaradır

Ölkəmizdə ərzaq və qeyri-ərzaq məhsullarının bahalaşmasına görə Azərbaycan Gömrük Komitəsi ittiham olunur. Reyting.az xəbər verir ki, belə bir iddia ilə iqtisadçı-ekspert Natiq Cəfərli çıxış edib.

Natiq Cəfərli deyib ki, ölkədə qiymət artımının ən böyük baiskarlarından biri Gömrük Komitəsidir: “Bir çox iş adamlarıdan aldığım məlumata görə, yanvar ayından başlayaraq Gömrük Komitəsi rəsmi qaimələri tanımaqdan tam imtina edib, özündən yeni sxem icad edib”.

N. Cəfərli bu sxemi sadə dildə izah etməyə çalışıb: “Məsələn, Kamal dayı mal gətirir, Almaniyadan alıb, rəsmi qaimədə malın ədədinin (ya bir kq-nın) qiyməti 6 avrodur (12 manat). Gömrük isə “Mən bu qaiməyə inanmıram, həm də Kamal dayının gətirdiyi mal bazarda 18 manata satılır, ona görə də malın dəyərini 12 manatdan yox, 18 manatdan hesablayacam”, - deyir. Kamal dayı da öz növbəsində, “A kişi, atan yaxşı, anan yaxşı, bazarda 18 manatdırsa, sən 18 manat qiymət qoyub daha çox rüsum alacaqsansa, mən qiyməti artırmalı olacam axı”, - deyir. Gömrük də cavab verir ki, “Bunun mənə dəxli yoxdur, uzaq başı 1 manat güzəşt edib qiyməti 17 manata rəsmiləşdirə bilərəm”. Kamal dayı məcbur qalıb razı olur, malını çıxardır, malın maya dəyəri şişir, Kamal kişi bazara əvvəl eyni malı topdan 16 manata verirdi, mal da 18 manata satılırdı, indi bütün xərclər, o cümlədən gömrüyün yeni qaimə qiyməti malın üzərinə gələndə mayası 17 manat olur, Kamal kişi məcbur olub malını topdan 18 manata satır, o zamanda malın pərakəndə qiyməti artıq 20 manata qalxır.

Hə, indi məsələnin ardı da var axı, gələn ay eyni malı Kamal kişi yenə sifariş edib gətirir, adamın işi budur, gəlir gömrüyə və ona deyirlər ki, “Qaiməni boş ver, baxdıq bazara, satış qiyməti artıq 18 deyil, 20 manatdır, deməli, 19 manatdan rəsmiləşdirəcəyik”.

N. Cəfərli əlavə edib ki, Gömrük Komitəsinin tətbiq etdiyi və özünün yuxarıda misal gətirdiyi sxem spiralvari qiymət artımına təkan verir, sonra da Komitə sədri pandemiya şəraitində, iqtisadi aktivliyin çökdüyü dövrdə deyir ki, biz daha çox pul yığmışıq. Amma yığdıqları hər manatın son ödəyicisi vətəndaşlardır.




Bölməyə aid digər xəbərlər
bütün xəbərlər
{sape_links}{sape_article}