08:23 / 21-10-2021
Azad Zəngilan - Fotolar
Qarabağın təhlükəsizliyi üçtərəfli patrulların nəzarətinə verilə bilər
Tarix: 27-09-2021 13:23 | Bölmə: Slayd
Qarabağın təhlükəsizliyi üçtərəfli patrulların nəzarətinə verilə bilər

Rusiyanın RBK telekanalı Xocalı, Xocavənd və Ağdərənin tezliklə Azərbaycan Silahlı Qüvvələrinin nəzarətinə veriləcəyi ilə bağlı məlumat yayıb. Həmin məlumatla yanaşı sözügedən bölgələrin xəritəsi nümayiş etdirilib. Bir sıra siyasi analitiklər hesab edirlər ki, ermənilərin Ağdərə istiqamətindəki postları tərk etməsi bu iddianın doğruluğunu isbatlayır.

Reyting.az
-ın məlumatına görə, Azərbaycanın sabiq xarici işlər naziri Tofiq Zülfüqarov “Yeni sabah”a deyib ki, Azərbaycan cəmiyyətində xəritələrə çox önəm verilir.

“Bu məsələdə siyasət axtarmaq düzgün deyil. Həmin ərazidə erməni əhalisi yaşayır və təhlükəsizlik funksiyalarını gərək sülhməramlılar aparsın. Artıq bu bölgələrdə qondarma qurumlara ehtiyac qalmır. Hansısa mərhələdə qarşılıqlı, bəlkə də üçtərəfli patrullar formalaşacaq. Belə bir təcrübə dünyada var. Üçtərəfli patrul xidmətləri oxşar ərazilərdə olur. Bizim variantda qondarma qurumun təmsilçiləri yox, hansısa kommersiya şirkətlər üçüncü tərəf kimi təhlükəsizliyin təmin olunmasına cəlb edilə bilər. Məsələn, İraqda bu variant mövcuddur. Ermənilər də bu təhlükəsizlik şirkətinin əməkdaşı olaraq, rus sülhməramlıları və Azərbaycanın hərbi polisi ilə bir yerdə bölgədə müvəqqəti post-patrul xidmətini apara bilərlər. Təbii ki, Azərbaycan tərəfinin ayırdığı maliyyə ilə”, - deyə T. Zülfüqarov təxminlərini səsləndirib.

Sabiq XİN rəhbəri hesab edir ki, bölgədəki vəziyyət addım-addım bu şəkildə formalaşacaq:

“İnteqrasiya mərhələli şəkildə olmalıdır və təhlükəsizlik funksiyasında boşluq ola bilməz. İstər-istəməz başa düşməliyik ki, 30 il ərzində orada hansısa qurumlar mövcud olub və onları yavaş-yavaş Azərbaycanın qanunlarına riayət edən qurumlar əvəzləməlidir. İncəlik bundan ibarətdir ki, post-konflikt vəziyyətində təhlükəsizliyi qorumaq üçün hansısa qurumlar (məsələn, üçtərəfli patrul) müvəqqəti fəaliyyət göstərsin. Məncə, məntiqi olaraq belə olmalıdır. Sonu necə olacaq, onu zaman göstərəcək”, – deyə siyasətçi fikirlərini tamamlayıb.




Bölməyə aid digər xəbərlər
{sape_links}{sape_article}