08:23 / 21-10-2021
Azad Zəngilan - Fotolar
Zərdüşt Əlizadə: “III Dünya müharibəsi olarsa...”
Tarix: 13-10-2021 16:28 | Bölmə: Slayd
Zərdüşt Əlizadə: “III Dünya müharibəsi olarsa...”

“Hərb sənətindən az-çox anlayışı olan, heç olmasa, fizika qanunlarını xəbərdar adam bilir ki, III Dünya müharibəsi mümkün deyil. Niyə? Ona görə ki, nüvə dövlətləri arasında müharibə baş versə və adi silahlardan istifadə etməklə bir tərəf digər tərəfə üstün gəlsə, bu zaman uduzan tərəf nüvə silahı tətbiq edəcək. Sözsüz ki, qarşıdakı dövlət də eyni addım atacaq. Bundan sonra nə olacaq? Adi silahlarla gedən müharibə dönüb olacaq nüvə-raket müharibəsi. Bunun da nəticəsində bəşəriyyət məhv olacaq. Əgər bəşəriyyət məhv olursa, müharibə nə üçündür? Müharibəni udmaq məqsədilə edirlər. Bəşəriyyət 100 faiz məhv olacaqsa, deməli, III Dünya müharibəsinin əhəmiyyəti itəcək. Çünki nəticə etibarı ilə hamı öləcək”.

Bu fikirləri Reyting.az-a politoloq Zərdüşt Əlizadə deyib.

Onun sözlərinə görə, istər indi ən gərgin nöqtə olan Hind-Sakit okean regionunda, istər Yaxın Şərqdə, istərsə də Cənubi Qafqazda III Dünya müharibəsinin başlama ehtimalı sıfıra bərabərdir.

Bəzən siyasətşünaslar dünya müharibəsinin başlayacağını bölgəni də proqnozlaşdırırlar, amma Z. Əlizadə buna inanmır: “Bunlar boş söhbətlərdir. Əgər dövlətlər və insanlar məhv olmaq istəmirlərsə, dünya müharibəsi olmayacaq. Yox, əgər hansısa başdanxarab nüvə silahının düyməsini basarsa, raketlər uçar, bombalar partalayar və Yer kürəsi məhv ola bilər. Bu halda kimin yarım saat gec və ya tez ölməsinin əhəmiyyəti qalmayacaq”.

Z. Əlizadə III Dünya müharibəsinin kiber təhlükəsizlik və süni zəka formatında gedəcəyi iddialarını da rədd edib: “Orta əsrlərdə və ən yeni tarixdə siyasi rəqabətin müxtəlif üsulları olub. İndi də həmin siyasi rəqabət davam edir. Bəzən qaynar fazaya keçir, bəzən də diplomatik forma alır. Məsələn, ABŞ istədiyi ölkələrə sanksiya tətbiq edir. Kuba 60 ildir sanksiya altında yaşayır, SSRİ-yə sanksiya qoyulmuşdu, hazırda Rusiyaya belə sanksiya tətbiq olunur. İran 40 ildir ki, sanksiya altındadır. Bəzən Avropaya və Çinə də tətbiq edirlər. Qaz satmaq istəyəndə qaz satan ölkələrə, polad satmaq istəyəndə polad istehsalı ilə məşğul olan dövlətlərə sanksiya tətbiqinə başlayırlar. Bu, ABŞ-ın öz siyasətidir, güclü dövlətdir, beynəlxalq hüququ bəzən saymır və ona söz deyən də yoxdur. Söz deyəndə isə qulaqardına vurur”.

Dünyada güclü silahlanmanın müşahidə edildiyinə gəldikdə, politoloq bildirib ki, dünyada hər zaman silahlanma olub: “ABŞ-ın hərbi büdcəsi ondan sonrakı iyirmi dövlətin hərbi büdcəsinin cəmindən çoxdur. Bunu təsəvvür edirsinizmi? Nəticə çıxarın. ABŞ-ın hərbi büdcəsi ondan sonra gələn inkişaf etmiş iyirmi dövlətin müdafiə büdcələrinin cəmindən böyükdür. Söhbət Rusiya, Çin, Almaniya, Fransa kimi nəhənglərdən gedir. Bu da silahlanmanın böyük sürətlə getdiyini göstərir. Amma bu o demək deyil ki, hökmən dünya müharibəsi olacaq. Allah siyasilərə, xalqlara, jurnalistlərə ağıl versin və belə təhlükələrin qarşısını almaq üçün addımlar atsınlar”.

Reyting.az




Bölməyə aid digər xəbərlər
{sape_links}{sape_article}