“Ermənilərin başına daha bir yumruq dəyməlidir ki...” - Professorun şərhi
Tarix: 02-12-2021 17:07 | Bölmə: Slayd
“Ermənilərin başına daha bir yumruq dəyməlidir ki...” - Professorun şərhi

“Soçi görüşündən qısa müddət sonra Moskvada hər üç ölkənin baş nazirlərinin müavinləri səviyyəsində danışıqlar başlayıb. Müzakirələr aparılsa da, hələlik ümumi razlaşma və qərar verilməyib. Mənim şəxsi qənaətim belədir ki, ermənilər bu dəfə də oyun oynamağa, prosesi mümkün qədər uzatmağa çalışacaqlar”.

Bunu Reyting.az-a açıqlamasında hüquq elmləri doktoru, professor Rüstəm Məmmədov ötən gün Moskvada keçirilən üç ölkənin – Azərbaycan, Rusiya və Ermənistan baş nazirləri müavinlərinin müzakirəsini dəyərləndirərkən deyib.

Professor əlavə edib ki, yeni üçtərəfli görüş və ermənilərin başına dəyən yumruq rəsmi İrəvanı normal danışıqlar aparmaq məcburiyyətində qoyacaq: “Onlar ömür boyu ötür-ötür oyunu oynayıblar. Məhz bu səbəbdən də Qarabağ problemi 30 il ərzində danışıqlar vasitəsilə həllini tapmadı. Yəni bu dəfə də başlarına yumruq dəyəndən sonra məsələ həllini tapacaq. Ola bilsin ki, yeni üçtərəfli Soçi görüşündən sonra ermənilər ağıllansın”.

R. Məmmədovun fikrincə, rəsmi İrəvanın prosesi uzatmaqda və süründürməçiliklə məşğul olmaqda məqsədi odur ki, həlli vacib məsələ hamının yadından çıxsın: “Yəni bizi bezdirsinlər, məsələnin həll edilməyəcəyini göstərsinlər və s. Əslində bunlar köhnə oyunlardır. Ermənilərin məqsədi yenə köhnə “modellərini” işə salmaqdır”.

Müsahibimizin sözlərinə görə, Zəngəzur dəhlizi yaxın dövrdə reallaşacaq: “Azərbaycan və Rusiya razılaşdıqdan sonra problem həllini tapacaq. Yəni delimitasiya və demarkasiya prosesindən fərqli olaraq, ermənilərin bu məsələni uzatmaq imkanı yoxdur”.




Bölməyə aid digər xəbərlər
bütün xəbərlər
{sape_links}{sape_article}