17:38 / 28-03-2024
Əməkdar artist vəfat edib
Ərdoğanın da iştirak edəcəyi tədbirə hazırlıqlar başlayıb
Tarix: 03-10-2022 12:41 | Bölmə: Slayd
Ərdoğanın da iştirak edəcəyi tədbirə hazırlıqlar başlayıb

Bu həftə Çexiyanın paytaxtı Praqada Avropa Siyasi Birliyinin Zirvə Toplantısı keçiriləcək.

Reyting.az
xəbər verir ki, Türkiyə prezidenti Rəcəb Tayyib Ərdoğan və İngiltərə Baş naziri Liz Trussın da tədbirdə iştirakı gözlənilir.

Türkiyə, Böyük Britaniya, Norveç və Ukrayna, eləcə də Avropa İttifaqına üzv ölkələrin nümayəndələrinin qatılacağı tədbir artıq müzakirələrə səbəb olub.

Avropa Siyasi Birliyi Zirvə Toplantısının məqsədindən kənara çıxdığını iddia edən bəzi diplomatlar Fransa prezidenti Emmanuel Makronun bu formalaşma ilə Avropa Birliyinə üzvlük prosesində olan ölkələrlə əlaqələri gücləndirməyi hədəflədiyini bildiriblər. Qeyd olunub ki, hazırda bütün Avropada qeyri-müəyyənlik var idi.

İngiltərənin “The Times” nəşrinə danışan diplomatlar deyiblər ki, Makronun “Xoşbəxt Avropa ailə şəklində” arzusunu digər ölkə liderləri dəstəkləmir. Şərqi avropalı diplomat “Biz Avropa Siyasi Birliyi Zirvə Toplantısının Avropa Birliyinin üzvlüyünə alternativ olduğunu düşündük, lakin zaman keçdikcə bunun belə olmadığını anladıq”,- ifadəsini işlədib. Adını açıqlamayan diplomat əlavə edib ki, bu, müzakirələrin aparılacağı, səs-küylü görüş olacaq. Diplomat buradakı danışıqlardan böyük uğur gözləmədiyini bildirib.

Diplomat bir çox hallarda üz-üzə gələn ölkələrin də tədbirdə iştirakı məsələsinə toxunub:

“Serbiya olan yerdə Rusiya haqqında necə danışacaqsan? Türkiyə ilə Yunanıstanı bir araya necə gətirəcəksiniz? Ermənistanla Azərbaycanı necə eyni masada oturdacaqsınız?”.

Məqalədə qeyd olunur ki, avropalı diplomatlar bu formalaşmanı Türkiyə prezidenti Ərdoğanı Rusiyadan uzaqlaşdırmaq və onu Avropaya yaxınlaşdırmaq üçün bir fürsət sayırlar: “Türklər Fransanın gec dəvətindən sonra üzülüblər, lakin sonradan dəvət alıblar və iştirak edəcəklər. Türkiyə 23 il əvvəl başlayan Avropa İttifaqına üzvlük prosesindən vaz keçməyəcəyini açıqlayıb”.

Digər tərəfdən, bəzi avropalı diplomatlar Praqa sammitinin Fransa üçün yenə uğursuz olacağını iddia edirlər. Baltikyanı bir ölkənin diplomatı, Fransanın keçmiş prezidentlərindən biri olan Nikola Sarkozinin təşəbbüsü ilə yaradılmış Aralıq dənizi ittifaqının iflasa uğramasını və yoxa çıxmasını xatırladaraq deyib: “Aralıq dənizi ittifaqı kimi bu, Fransanın böyük uğur qazana bilmədiyi bir layihə olacaq”.




Bölməyə aid digər xəbərlər
{sape_links}{sape_article}