23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Müsavat başqanı etiraz aksiyasına dəstək çağırışı edib
Tarix: 24-03-2023 16:07 | Bölmə: Slayd
Müsavat başqanı etiraz aksiyasına dəstək çağırışı edib

"Güney Azərbaycanda yaşayan soydaşlarımız bütün dünyada ən çox haqqı tapdalanan, hüquqları pozulan xalqlar sırasına daxildir. 30 milyondan çox güneyli soydaşımız elementar vətəndaş hüquqlarından məhrum edilib. Ana dilində təhsilə, milli-mədəniyyətin qorunub saxlanmasına və inkişaf etdirilməsinə imkan verilmir".

Bunu Reyting.az-a Müsavat Partiyasının başqanı Arif Hacılı deyib.

Onun sözlərinə görə, 30 milyondan çox soydaşımızın milli kimliyinin inkarına, unutdurulmağına cəhdlər edilir: "Dövlət siyasətində soydaşlarımız və onların yaşadığı regionlar daim diskriminasiyaya məruz qalır. Vətəndaş hüquqları və milli hüquqlar uğrunda mübarizə aparan soydaşlarımız həbs edilir, öldürülür".

A. Hacılı xatırladıb ki, güneyli milli fəallarımız indi İran adlanan ölkədə milli ayrı-seçkilik, qeyri-insani davranış, insan hüquqlarının kobud şəkildə pozulmasına qarşı istər ölkə daxilində, istərsə də yaşadıqları digər ölkələrdə davamlı mübarizə aparırlar: "Milli diskriminasiyaya qarşı adekvat beynəlxalq reaksiyaya nail olmaq məqsədi ilə dünyanın bir çox ölkələrində müxtəlif aksiyalar təşkil olunur. Belə aksiyalardan biri dünyanın siyasi mərkəzlərindən olan Brüssel şəhərində keçiriləcək. Bütün soydaşlarımızı mart ayının 25-də, yerli vaxtla saat 14-dən, 17-dək Brüssel şəhərində keçiriləcək "Azadlıq və Ədalət yürüşü"nə dəstək verməyə çağırıram".

Y. QACAR
Reyting.az




Bölməyə aid digər xəbərlər
{sape_links}{sape_article}