16:46 / 19-04-2024
İlham Əliyev Rusiyaya gedir
Mühacirləri qanunsuz daşıyan şəxs Hindistana qaçıb
Tarix: 28-02-2024 11:34 | Bölmə: Xəbərlər
Mühacirləri qanunsuz daşıyan şəxs Hindistana qaçıb

“British Airways”ın keçmiş işçisi miqrantları Kanadaya qaçırmaq üçün saxta sxemdən təxminən 3 milyon funt sterlinq qazanıb.

Reyting.az
“The Times” qəzetinə istinadla bildirir ki, söhbət aviaşirkətin adı açıqlanmayan 24 yaşlı keçmiş əməkdaşından gedir.

Məlumata görə, həmin şəxs Kanadaya vizasız apardığı hər sərnişin üçün təxminən 25 min funt sterlinq tələb edib. Bunlar əsasən, Böyük Britaniyaya müvəqqəti turist vizası ilə gəlmiş və ya artıq bu ölkədə sığınacaq üçün müraciət etmiş, lakin imtinanı gözləyən Hindistan vətəndaşları olub.

Həmin şəxs onları London Hitrou hava limanının beşinci terminalında uçmaq üçün qeydiyyatdan keçirib və sistemdə onların təyinat ölkəsinə daxil olmaq üçün tələb edilən Kanada vizasının olduğunu göstərib. Bundan sonra o, məlumatları internat sahəsinə köçürüb və burada müştərilərinə birbaşa minməyə icazə verilib. Bu sxemdən istifadə edən qeyri-qanuni immiqrantlar Kanadaya gələrək sərhəd nəzarətinə çatdıqdan sonra sığınacaq üçün müraciət ediblər.

Kanada səlahiyyətliləri eyni “British Airways” reysləri ilə Toronto və ya Vankuverə Londondan gələn çoxlu sayda vizasız miqrantları gördükdən sonra bu sxem ortaya çıxıb. Yanvarın 6-da həmin şəxs saxlanılıb, lakin sonradan girov müqabilində sərbəst buraxılıb. Bundan sonra o, aviaşirkətdə işləyən şəriki ilə Hindistana qaçıb. Bildirilir ki, onlar əvvəlcədən Hindistanda bir neçə ev alıblar.

V. QULİYEV




Bölməyə aid digər xəbərlər
{sape_links}{sape_article}