Polşa prezidenti Karol Navroçkinin Rusiya ilə bağlı söylədikləri qonşu dövlətin siyasi elitasında hiddətlə qarşılanıb.

Reyting.az-ın məlumatına görə, Polşa prezidenti açıqlamasında bildirib ki, o, tezliklə ölkəsinin nüvə proqramını inkişaf etdirməsinin tərəfdarıdır.

Navroçki xüsusilə vurğulayıb ki, onun ölkəsi bu uzun və çətin yolu tamamilə beynəlxalq normalara riayət etməklə seçməlidir.

Prezidentin sözlərinə görə, Polşa dövləti məlum olduğu kimi, silahlı konfliktin yaxınlığında yerləşən bir ölkədir.

Navroçki həmçinin qeyd edib ki, ən əsas səbəb Polşa ilə Rusiya arasında münasibətlərdəki gərginlikdir.

Polşa prezidenti əlavə edib ki, proqramın reallaşıb-reallaşmayacağını bilməsə də, Polşa dövlətinin təhlükəsizliyini atom potensialı ilə gücləndirməyi dəstəkləyir. O, həmçinin Rusiyanın bu addıma aqressiv bir reaksiya verəcəyini vurğulayıb.

Xatırladaq ki, bundan əvvəl də Polşanın keçmiş prezident Andjey Duda 2025-ci ilin yazında ABŞ nüvə silahlarının bir qisminin Polşaya yerləşdirilməsini təklif etmişdi.

Oqtay QORÇU