İsrail baş naziri Binyamin Netanyahunun Qərbi Qüdsdəki ofisinin qarşısında gərgin anlar yaşanır. Ərazidə şübhəli bir bağlama olduğuna görə bomba zərərsizləşdirmə mütəxəssisləri hadisə yerinə cəlb edilib.

Reyting.az xəbər verir ki, bu barədə İsrailin “Maariv” qəzeti məlumat paylaşıb.

Qeyd edilir ki, şübhəli bağlama barədə məlumat aldıqdan sonra Netanyahunun Qərbi Qüdsdəki ofisinə məhkəmə-tibb eksperti və bomba zərərsizləşdirmə mütəxəssisləri göndərilib.

Bu arada, Netanyahunun iqamətgahının yerləşdiyi şimal şəhəri olan Qeysəriyyədə bu gün polis, İsrail ordusu, yanğınsöndürmə idarəsi və “Davudun Qırmızı Ulduzu” komandalarının iştirak etdiyi genişmiqyaslı təcili yardım təliminin keçiriləcəyi qeyd edilib.

Təlim zamanı bölgədə təhlükəsizlik qüvvələrinin, təcili yardım maşınlarının, helikopterlərin və pilotsuz uçuş aparatlarının intensiv fəaliyyətdə olacağı bildirilir.

V. QULİYEV