16:19 / 18-10-2018
Köçəryan partiya yaradır
12:41 / 17-10-2018
Sabahın hava proqnozu
Özünü padşah kimi aparan icra başçılarının cəzası ağır olacaq
Tarix: 07-10-2018 14:22 | Bölmə: Slayd
Özünü padşah kimi aparan icra başçılarının cəzası ağır olacaq

Prezident İlham Əliyev dünən Beyləqan rayonunun icra başçısı Vaqif Abdullayevi vəzifədən azad edib.

Reyting.az
-ın məlumatına görə, dövlət başçısının bu qərarı rəhbərlik etdikləri rayonda özlərini padşah kimi aparan digər icra başçılarının da “vurulacağına” işarədir.

İddialara görə, hazırda Prezident Administrasiyasına daha çox şikayət daxil olan rayonların icra başçıları ilə bağlı araşdırma aparılır. Bunların sırasında Şəmkirin, Qazaxın, Zərdabın, Yardımlının, Bərdənin, Yevlaxın, Ağsu rayonunun, İsmayıllının, Tərtərin, Sabirabadın, Hacıqabulun, İmişlinin, Kürdəmirin, Lənkəranın, Lerikin, Neftçalanın, Şamaxının, Qəbələ ilə bərabər, Bakının da bir neçə rayonlarının icra başçılarının adları var.

Məlumatda bildirilir ki, adları çəkilən bu icra başçılarının hər biri haqda çoxsaylı şikayətlər edilir. Lakin bir çox səbəblərə görə, onlar hələlik vəzifələrinin başındadır: “Amma onların nazı ilə çox oynamayacaqlar. Gəncənin icra başçısı Elmar Vəliyevin başına gələn hadisədən sonra hakimiyyət istər-istəməz hədsiz narazılıq doğuran icra başçılarına nəzarəti daha da artırıb. Məlum hadisədən sonra ölkə başçısı ayrı-ayrı məmurların himayəsində olan rayon rəhbərləri haqda şəxsən maraqlanmağa başlayıb. Bu da onların himayədarlarına öz kadrlarından daxil olan şikayət və özbaşınalıqları daha əvvəlki kimi malalamağa imkan vermir. Üstəlik, Elmar Vəliyevdən sonra icra başçılarının xüsusi nəzarətə alınması ölkə başçısına bir çox məsələləri daha dərindən öyrənməyə imkan verir. Elmar Vəliyevin, ardınca Beyləqanın icra başçısı Vaqif Abdullayevin vəzifələrindən kənarlaşdırılması da, belə düşünməyə əsasə verir. Bu, həm də o qənaəti gücləndirir ki, artıq barəsində çoxsaylı şikayətlər olan və özbaşınalıqlarından vaz keçə bilməyən icra başçıları mərhələlərlə “yola salınacaqlar”. Gözlənilir ki, ilk addım yuxarıda adını çəkdiyim icra başçılarının simasında atılacaq”.

Bildirilir ki, hazırda 40-a yaxın icra başçısının fəaliyyəti ölkə rəhbərliyini qane etmir. Böyük ehtimalla onların bəziləri işdən azad ounmaqla yaxalarını qurtara bilməyəcəklər.

Qeyd olunur ki, əyalət rayonları ilə yanaşı, Bakının da bir neçə icra başçısının dəyişdirilməsi gündəmdədir: “Eldar Əzizov Bakı Şəhər İcra Hakimiyyətinin Başçısı səlahiyyətlərini icra etməyə başlayandan paytaxtda ciddi dəyişikliklər baş verir. Hiss olunur ki, artıq Bakıya daxil olan rayonların icra başçıları əvvəlki kimi qanunsuzluqlara gedə, özünü hakimi-mütləq kimi apara bilmirlər. Bir sözlə, Abutalıbovun dövründəki kimi sərbəst deyillər. Əksinə, hansı icra başçısının kimin çətiri altında olmasına baxmayaraq, Eldar Əzizovun Bakıda qanunsuz tikililərlə qarşı başlatdığı kampaniya onları daha çox narahat edir. Üstəlik, Eldar Əzizovun Bakı Şəhər İcra Hakimiyyətində apardığı kadr dəyişiklikləri, yeni komissiya yaradıb, rayon icra başçıları ilə yanaşı, BŞİH-nin bəzi idarə, departament rəhbərlərinin “əl-qolu”nu yığması, bəzilərinin isə fəaliyyətini prokurorluğun iştirakı ilə yoxlatdırması Bakının 13 rayonunun hər bir icra başçısı üçün narahatlıq doğurur. Hesab edirəm ki, Eldar Əzizov bu sınaq müddətini bitirər-bitirməz Bakının rayonlarında da icra başçısı dəyişikliklərinə start veriləcək”.

E. Əzizov hazırda Bakının hansı rayonunda nə kimi problemlərin olması, onların səbəbləri ilə yanaşı, rayon rəhbərlərinin də fəaliyyətini həm açıq, həm də gizli təftiş etdirir: “Şübhəsiz ki, Bakının bir çox problemlərinin baiskarı rayon icra başçılarının acgözlüyü, əraziləri “hərraca” çıxarmaları, plansız tikintilərə geniş imkanlar yaratmalarıdır. Əminəm ki, Eldar Əzizov qısa zamanda bu istiqamətdə çox böyük və ciddi məlumatlara sahiblənib. Böyük ehtimalla o, bu məlumatları ölkə başçısına məruzə edir. Bu isə həmin icra başçılarına problem yaradacaq”.

İddia olunur ki, Bakıda ən çox qanunsuz tikinti işləri Nərimanov, Binəqədi, Yasamal və Sabunçu rayonlarında aparılıb. Bu rayonlardan hələlik Binəqədi ilə Yasamalın icra başçıları işdən çıxarılıb. Lakin başları şəxsi bizneslərindən ayılmayan Sabunçunun icra başçısı Adil Vəliyevlə Nərimanovun başçısı Abdin Fərzəliyev hələ də iş başındadır: “Düzdür, Adil Vəliyevlə Abdin Fərzəliyev son aylar əvvəlki kimi özbaşınalıq edə bilmirlər. Sanki gözlənilən təhlükəni bilir və bundan yayınmaq istəyirlər. Onların tikinti ilə bağlı qanunsuz qoçu dəstələri də artıq bir-iki aydır gözə dəymir. Çünki həm bu rayonlarda boş torpaq sahələri qalmayıb, həm də bahalaşma və tikinti ilə bağlı bəzi qanunların qəbulu bu iki icra başçısının əl-qolunu bağlayıb. Amma əsas məqam odur ki, bu iki icra başçısı rayon ərazisində boş torpaq sahəsi qoymayıb. Onları ya ayrı-ayrı fərdi obyekt və ev sahiblərinə satıblar, ya öz yaxınlarının adlarına keçirərək, yerində möhtəşəm biznes obyektləri tikdiriblər, ya da “tikinti mafiyası” ilə sövdələşərək, onlara “sosial mənzil” layihəsi adı ilə “peşkəş” (yəni öz paylarını əvvəlcədən almaqla) ediblər. Elə bu barədə tanınmış hüquqşünas Adəm Məmmədov da bir neçə gün əvvəl sosial şəbəkədə açıqlama verib. O, Abdin Fərzəliyevi Nərimanovun ərazisini talamaqda ittiham edib”.

Məlumatlı şəxs həm Abdin Fərzəliyev, həm də Adil Vəliyevin Bakıda sahib olduqları daşınar və daşınmaz obyektləri haqqında da məlumat verib: “Bunların arasında şadlıq evləri, restoranlar, marketlər, salonlar, icarəyə verilən ofislər, bahalı maşınlar və s. kimi böyük pullar gətirən nələr yoxdur ki? Düzdür, bu obyektlər təkcə Sabunçu və ya Nərimanov rayonlarının ərazilərində deyil. Səbaildən tutmuş digər rayonlara qədər bu iki icra başçısının hər birinin dəyəri milyonlarla ölçülən daşınmaz əmlakları var”.

Bu iki icra başçısı ilə bağlı redaksiyamıza təqdim olunan digər faktları araşdıracağıq.

Reyting.az




Bölməyə aid digər xəbərlər