21:05 / 12-07-2024
AFFA yeni qərarlar verib
Napoleonun xəzinəsini Belarusda axtarırlar - Fotolar
Tarix: 21-06-2024 12:26 | Bölmə: Cəmiyyət / Xəbərlər
Napoleonun xəzinəsini Belarusda axtarırlar

Arxeoloqlar Fransa imperatoru Napoleon Bonaparta məxsus olmuş xəzinənin axtarışlarına davam etdirirlər. Dalğıcların da cəlb olunduğu axtarışlar Belarusun Berezina çayında və çayqırağı ərazilərdə aparılır.

Reyting.az
-ın məlumatına görə, belaruslu alimlər yüzillərdir ki, Napoleonun xəzinəsi barədə gəzən söz-söhbətlərə son qoymaq fikrinə düşüblər.

Rəvayətə görə, məğlub fransız ordusu geri dönən zaman dərin suya 11 milyondan çox frank, qızıl, gümüş və bir çox qiymətli əşyalar atıblar.



Belarus Milli Elmlər Akademiyasının Tarix İnstitutu "Sea Pegasus" dalğıc mərkəzi ilə birlikdə Berezina çayında sualtı arxeoloji tədqiqatları bərpa ediblər. Bu barədə institutun teleqram kanalı da məlumat yayıb.

Belarusun Borisov rayonunun Studenka kəndinin yaxınlığındakı ərazidə uzun müddətdir ki, yerli arxeoloqlar, onlara yardım edən dalğıclar birgə işləməklə tək suda deyil, quruda da axtarışlara başlayıblar.

Axtarışın müəyyən mərhələsindən sonra alimlər bildiriblər ki, xəzinə quru ərazidə yox, çayın dərinliyindədir.

Bildirilir ki, Napoleonun ordusu qərbə doğru çəkilən ərəfədə, 1812-ci ilin noyabrında çətin maneələrə baxmayaraq buradan keçib. Məhz bu yerlərdə Napoleonun xəzinələrindən biri itirilib - Moskvadan götürülmüş kuboklar və əldə edilmiş qənimətlər nəticəsində toplanan, həmçinin də şəxsən Fransanın imperatoruna məxsus çox böyük zəngin bir xəzinə.

Onu da qeyd edək ki, bu, alimlərin iki əsr əvvəl hadisələrin baş verdiyi yerlərə ilk ekspedisiyası deyil. Çünki hələ 2019-cu ildə Belarusla Belçika və fransalı mütəxəssislər birlikdə yenə də növbəti bir cəhd etmiş, xəzinənin olduğu güman edilən Studenka kəndinin yaxınlığındakı çox geniş ərazilərdə, eləcə də Berezina çayının dərinliklərində qazıntılar aparmışdılar. O zaman mütəxəssislərin demək olar böyük əksəriyyəti belə ehtimal edirdilər ki, əgər həqiqətən xəzinə varsa, elə isə axtarılan məkan məntiqə görə Studenka kəndinin yaxınlığındakı, Napoleon ordusunun çayı keçdiyi iki körpüdən biri olub.

“İkinci körpüdən imperatorun xəzinəsi olan 11 milyon frank qızıl və gümüş daşınıb, lakin körpü guya buna dözmədiyindən dağılıb və ağırlıqdan çökən körpüdən dağılan bu pulların hamısı suya düşüb. Ancaq reallıq başqadır. Əslində isə fransız imperatorun xəzinəsi Berezinadan sağ-salamat keçib. Lakin Ordu Baş Qərargahının xəzinəsinin yarısı Studenkada basdırılıb, digər yarısı isə suyun dibinə çöküb”,- deyə 2019-cu ildə Borisov Birləşmiş Muzeyinin baş elmi işçisi kimi fəaliyyət göstərməyə başlayan Larisa Vyazoviç də bu mövzu ilə bağlı öz fikirlərini bölüşüb. Vyazoviç əlavə edib ki, elm adamlarının əksəriyyəti həm də artıq çoxdan əfsanəyə çevrilmiş "Qara qazana" və onların içində daşınan, daha sonra isə itirilmiş kuboklara çox maraq göstərirlər.



Öncədən razılaşdırıldığı kimi, ekspedisiya iyunun 17-dək işləyib, müəyyən bir müddət ərzində istirahətə getsə də, Napoleonun xəzinəsinin axtarışı yenidən eyni tərkiblə davam etdiriləcək. Alimlər ümidsiz deyillər, çünki qismən də olsa, nəticələr var.

Belarus Milli Elmlər Akademiyasının yeni məlumatında deyilir ki, artıq ilk tapıntılar var. Ancaq dəqiq nəyin aşkar edildiyi hələ də ictimaiyyətə açıqlanmayıb.

Oqtay QORÇU




Bölməyə aid digər xəbərlər
9-07-2024, 07:53 Makron və Hitler...

{sape_links}{sape_article}