Ermənilər Natəvanın məzarını dağıdıb, sümüklərini aparıblar - Video
Tarix: 26-01-2021 20:10 | Bölmə: Cəmiyyət
Ermənilər Natəvanın məzarını dağıdıb, sümüklərini aparıblar

Azərbaycan əsilli fransalı fotoqraf Reza Deqati bu dəfə işğaldan azad edilən Ağdamda Xan qızı Natəvanın dağıdılmış məzarından fotolar və video paylaşıb.

Reyting.az
"Qafqazinfo”ya istinadla xəbər verir ki, Deqati Xurşudbanu Natəvanın sümüklərinin məzarından çıxarılaraq aparıldığını bildirib.

Deqati daha sonra yazır:

“Azərbaycanın bütün dövrlərinin görkəmli şairi, Pənahəli xan soyundan olan Xurşudbanu Natəvan 1832-ci il avqustun 15-də Şuşada anadan olub.

O, Qarabağın son hökmdarının varisi idi və ailə sərvətinin böyük bir hissəsini humanitar fəaliyyətə, o cümlədən, mühəndislik sənətinin şah əsəri olan tarixi Şuşa su kəmərinin çəkilməsinə xərcləmişdi.

Natəvan atası və digər ailə üzvləri ilə birlikdə Ağdam şəhərinin 18-ci əsrə aid kompleksində dəfn edilmişdi.

1992-ci ildə şəhər ermənilər tərəfindən işğal edilməzdən əvvəl mən bu mədəni mərkəzə baş çəkmiş, məzar daşının və üzərində ucaldılmış heykəlin memarlıq üslubuna heyran olmuşdum.

2020-ci ilin noyabrında şəhər işğaldan azad edildikdən sonra mən yenidən həmin yerə qayıtdım.

Hər şeyin, ehtimal ki, şairin çəkdirdiyi su kəmərindən su içmiş insanlar tərəfindən qəsdən məhv edildiyini, Natəvanın məzarına hücumu və hətta bütün sümüklərinin aparıldığını görüb şok keçirdim.

Şairdən qorxan kimdir?”.








Bölməyə aid digər xəbərlər
{sape_links}{sape_article}