Türkiyəli iş adamı “Can Azərbaycan!” xeyriyyə aksiyası keçirib - Foto
Tarix: 18-06-2021 19:36 | Bölmə: Cəmiyyət
Türkiyəli iş adamı “Can Azərbaycan!” xeyriyyə aksiyası keçirib

Qardaş Türkiyənin Azərbaycana dəstəyi tək iki dövlət arasında siyasi, iqtisadi, hərbi sahədə deyil, eyni zamanda ayrı-ayrı iş adamları səviyyəsində də özünü göstərir. İki qardaş ölkə arasında münasibətlər iş adamlarının, inanclı, xeyriyyəçi şəxslərin simasında mənəvi baxımdan da yüksək səviyyədədir. Reyting.az xəbər verir ki, istər 44 günlük Vətən müharibəsi zamanı, istərsə də müharibədən sonra Azərbaycana dəstək verən xeyriyyəçi insanlardan biri də türkiyəli iş adamı Tahsin Çimendir.

Tahsin Çimen təvazökarlıq baxımından bu dəstəyinin ictimailəşdirilməsinə imkan verməsə də, orada yaşayan soydaşlarımız bu xeyriyyəçi insanın Azərbaycana dəstəyini əsirgəmədiyini bildirirlər.


T. Çimen

Məlumata görə, T. Çimenin təşkilatçılığı ilə həm Vətən müharibəsi dövründə, həm də müharibədən sonra müxtəlif xeyriyyə tədbirləri təşkil olunub.

T. Çimenin “Can Azərbaycan! İki dövlət, tək millət!” şüarı altında təşkil etdiyi dini məclislərdə həm Qarabağ savaşında şəhid olmuş igidlərimizin ruhlarına dualar oxunub, ehsan süfrələri açılıb, həm də Azərbaycan xalqına, ordusuna, onun Ali Baş Komandanı cənab İlham Əliyevə və Birinci vitse-prezident Mehriban Əliyeva üçün dualar səslənib.

Dini təhsil alan tələbələr Diyarbakır şəhərində Hz. Mehdi Camisi və digər camilərdə Azərbaycan dövləti və xalqı üçün dualar edib, Quran ayələri oxuyublar. Eyni zamanda xeyriyyə məqsədi ilə yüzlərlə imkansız insana, kimsəsiz uşaqlara ehsan verilib. Bu isə iki qaradaş - Azərbaycan və Türkiyə arasında əlaqələrin həm dövlət səviyyəsində, həm də ayrı-ayrı şəxslərin simasında yüksək səviyyədə olduğunu, daha da inkişaf etdiyini göstərir.

Onu da qeyd edək ki, T. Çimen Azərbaycana həsr etdiyi şeirlərdən birini açıqca formasında çap etdirərək məclis iştirakçılarına paylayıb.




Bölməyə aid digər xəbərlər
Dünən, 12:54 Sabah yağış yağacaq
17-03-2024, 14:32 Sabah yağış yağacaq

{sape_links}{sape_article}