12:45 / 08-08-2022
Sabah yağış yağacaq
00:11 / 08-08-2022
Bu gün Aşuradır
Daşkəsəndə təbii fəlakət baş verib - Fotolar
Tarix: 04-08-2022 17:10 | Bölmə: Cəmiyyət
Daşkəsəndə təbii fəlakət baş verib

Avqustun 3-də saat 21 radələrində Daşkəsən rayonu ərazisində dolu ilə müşahidə olunan güclü leysan yağışlarının yaratdığı sel-suları yenidən rayonun Alaxançallı, Almalı və Yolqullar kəndlərində keçid körpülərə, yollara, yaşayış evlərinə, evlərin dam örtüklərinə, əhalinin əkin sahələrinə ciddi ziyan vurub, bir sıra fəsadlar törədib.

Bu barədə Reyting.az-a Daşkəsən Rayon İcra Hakimiyyətinin İctimai-siyasi və humanitar məsələlər şöbəsinin müdir müavini Elmar Əliyev məlumat verib.

Təbii fəlakət Alaxançallı kəndində dağılmış körpülərin yerində qurulan keçidləri tamamilə aparıb və bir çox ərazilərdə isə dağlardan iri qaya parçaları və palçıq kütləsi avtomobil yollarına töküldüyündən həmin yollarda nəqliyyatın hərəkəti tam dayanıb.

İnsan itkisi və xəsarət alan yoxdur.

Daşkəsən Rayon Fövqəladə Hallar Komissiyasının üzvləri hadisə yerinə gələrək sakinlərlə görüşüb, ilkin lazımi köməkliyi göstərib, leysan yağışının vurduğu ziyanların aidiyyəti qurumlarla birgə aradan qaldırılması istiqamətində tədbirlərin görülməsi üçün tapşırıqlar verilib.

Xatırladaq ki, cari ilin iyun ayın 10-da da Daşkəsən rayonuna yağmış intensiv leysan yağışları nəticəsində güclü sel suları əsasən rayonun Çanaqçı, Zinzahal, Alaxançallı, Suqovuşan və Almalı kəndlərində yol, elektrik, rabitə təsərrüfatlarına, körpülərə, yaşayış evlərinə, evlərin dam örtüklərinə və vətəndaşların mal-qarasına ciddi ziyan vurub. Həmin ziyanların aradan qaldırılması istiqamətində işlər Daşkəsən Rayon İcra Hakimiyyəti tərəfindən davam etdirilir.








Bölməyə aid digər xəbərlər
Bu gün, 12:45 Sabah yağış yağacaq

{sape_links}{sape_article}