07:44 / 21-06-2024
KTMT Almatıda toplanır
Almaniyada Rusiya agenti həbs edilib
Tarix: 10-08-2023 12:09 | Bölmə: Dünya
Almaniyada Rusiya agenti həbs edilib

Almaniya prokurorluğu Bundesverin hərbi təchizat departamentinin zabitini Rusiya kəşfiyyatına məxfi məlumatlar ötürmək şübhəsilə həbs edib.

Reyting.az
-ın məlumatına görə, Almaniya vətəndaşı Tomas H. may ayından bəri dəfələrlə Rusiyanın Bonndakı konsulluğu və Berlindəki səfirliyi ilə öz təşəbbüsü əsasında əlaqə saxlayıb və əməkdaşlıq təklif edib.

Ədliyyə naziri Marko Buşman deyib ki, federal prokuror bir alman zabitini xarici məxfi xidmətdə işləməkdə şübhəli bilərək tutub.

Federal prokuror bildirib ki, müttəhim iş zamanı əldə etdiyi məlumatları ruslara verib.

O, satınalma agentliyinin Qərbi Almaniyadakı qərargahı olan Koblenzdə saxlanılıb, evində və iş yerində axtarış aparılıb. Çərşənbə günü hakim xaini nəzarətə götürüb.

Prokurorlar əlavə məlumat verməyiblər. Almaniya Müdafiə Nazirliyi məsələ ilə bağlı şərh verməkdən imtina edib.

Təchizat agentliyində təxminən 12 000 nəfər, o cümlədən 1800-ə yaxın hərbi qulluqçu çalışır. 2021-ci ildə agentlik Bundesver tərəfindən ümumilikdə 17,6 milyard avro dəyərində silah və texnikanın alınması üzrə sövdələşmə əldə edib.

Ukraynanın ən böyük hərbi texnika tədarükçülərindən biri olan Almaniya, Rusiyanın 2022-ci ildə Ukraynaya ücumdan sonra artan rus casusluq əməliyyatları üçün alman səlahiyyətliləri tərəfindən əsas hədəf kimi qeyd edilib. Dekabrda Almaniya Xarici Kəşfiyyat Xidmətinin (BND) Rusiyaya casusluqda şübhəli bildikləri bir əməkdaşı orada tutulub. O, peşəkar fəaliyyəti zamanı əldə etdiyi məlumatları Rusiya kəşfiyyat xidmətinə təhvil verib.

Bir neçə ay əvvəl Almaniya İqtisadiyyat Nazirliyinin Rusiyaya casusluqda şübhəli bilinən iki məmuru haqda məlumat yayılıb. Sonra Almaniyanın Milli Kibertəhlükəsizlik Agentliyinin rəhbəri Arne Şönbom Rusiya kəşfiyyatı ilə əlaqədə şübhəli bilinərək işdən çıxarılıb.

ELÇİN




Bölməyə aid digər xəbərlər
{sape_links}{sape_article}