00:11 / 14-06-2024
Bu gün "Son zəng"dir
ABŞ İrana görə Avropaya təzyiq göstərir
Tarix: 27-05-2024 18:40 | Bölmə: Dünya
ABŞ İrana görə Avropaya təzyiq göstərir

Bayden administrasiyası avropalı müttəfiqlərinə İranı nüvə proqramında irəliləyişinə görə qınamaq planlarından əl çəkmələri üçün təzyiq edir. Vaşinqton həm də bununla, payızda ABŞ-da keçiriləcək prezident seçkiləri ərəfəsində Tehranla gərginliyin artmasının qarşısını almağa çalışır.

Reyting.az
xəbər verir ki, bunu “The Wall Street Journal” müzakirədə iştirak edən diplomatlara istinadla yazıb.

Qeyd olunur ki, ABŞ iyunun əvvəlində Beynəlxalq Atom Enerjisi Agentliyinin Üzv Dövlətlər Şurasının iclasında Böyük Britaniya və Fransanın İranı pisləmək cəhdlərinə qarşıdır. ABŞ bir sıra digər ölkələrə səs verməmək üçün təzyiq göstərir, amma eyni zamanda, Amerika rəsmiləri qətnaməyə qarşı lobbiçiliklərini inkar edirlər.

Jurnalistlər fikir ayrılığının Qərb rəsmilərinin İranın nüvə fəaliyyətindən getdikcə daha çox narahat olduğu bir vaxtda baş verdiyini deyirlər.

MAQATE-nin məlumatına görə, İran üç nüvə başlığı üçün kifayət qədər zənginləşdirilmiş parçalanan materiala malikdir. Bəzi ABŞ rəsmiləri prezident İbrahim Rəisinin helikopter qəzasında ölməsindən sonra ölkə yeni liderin seçilməsinə yaxınlaşdıqca, İranın daha da qeyri-sabitləşə biləcəyindən qorxduqlarını bildirirlər.

Eyni zamanda, qeyd olunur ki, Bayden administrasiyası uzun müddətdir İranın nüvə proqramı ilə bağlı diplomatik həll yolu axtarır.

Avropalı diplomatlar xəbərdarlıq edirlər ki, hərəkətsizlik nüvə silahının yayılmamasına nəzarət edən MAQATE-nin nüfuzunu sarsıdacaq. Onların sözlərinə görə, bu, həm də Qərbin İrana təzyiqlərinə inamı zəiflədəcək. Və ABŞ-nın onların yanaşmasını pozmağa çalışmasından isə məyus olurlar.

Amerikalı məmurlardan biri isə deyib ki, Vaşinqtonun ABŞ seçkiləri ərəfəsində İranla danışıqların pozulmasından qaçmağa çalışması “tamamilə yalandır”.

Xatırladaq ki, MAQATE şurası sonuncu dəfə 2022-ci ilin noyabrında İranı qınayan qətnamə qəbul edib.

ELÇİN




Bölməyə aid digər xəbərlər
{sape_links}{sape_article}