Rusiyadakı məktəbdə atışma olub, 17 nəfər qətlə yetirilib - Yenilənib+
Tarix: 26-09-2022 14:03 | Bölmə: Dünya
Rusiyadakı məktəbdə atışma olub, 17 nəfər qətlə yetirilib

Rusiyanın İjevsk şəhərindəki 88 saylı məktəbdə atışma olub.

Reyting.az
Rusiya KİV-lərinə istinadla verir ki, atışma dərs zamanı başlayıb. Qara geyimli naməlum şəxs sinif otağına girərək uşaqlara atəş açıb.

Atışma nəticəsində ölənlərin sayı 7-si uşaq olmaqla 13 nəfərə çatıb.

Yaralanan 21 nəfərdən 14-nün də uşaq olduğu bildirilir.

Faciə ilə bağlı Udmurtiya Respublikasında sentybarın 29-a qədər matəm elan olunub.

***

Rusiyanın İjevsk şəhərində 88 saylı orta məktəbdə 13 nəfəri öldürən şəxsin kimliyi məlum olub.

Rusiya İstintaq Komitəsinin məlumatına görə, cinayəti törədən şəxs həmin məktəbin məzunu 34 yaşlı Artyom Kazantsevdir.

Hazırda müstəntiqlər onun evində axtarış aparır.

***

İjevsk şəhərində yerləşən 88 saylı məktəbdə baş vermiş atışma nəticəsində ölənlərin sayı 11-i uşaq olmaqla 15 nəfərə çatıb, 22 uşaq və 2 böyük olmaqla 24 nəfər xəsarət alıb.

Reyting.az
Rusiya KİV-lərinə istinadla xəbər verir ki, bu barədə Rusiya İstintaq Komitəsi məlumat yayıb.

Xatırladaq ki, həlak olanlarla bağlı Udmurtiyada sentyabrın 29-dək matəm elan edilib.

***

Rusiyanın İjevsk şəhərində orta məktəbdə atışma nəticəsində ölənlərin sayı artıb.

Rusiya İstintaq Komitəsinin məlumatına görə, silahlı atışma nəticəsində 11-i uşaq olmaqla 17 nəfər həlak olub, 20 nəfər yaralanıb.





Bölməyə aid digər xəbərlər
{sape_links}{sape_article}