17:22 / 20-09-2023
Qarabağ oyunu bitir?
“Vyetnam kabusu” Baydeni Ukrayna məsələsində ehtiyatlı olmağa vadar edir
Tarix: 27-04-2023 10:22 | Bölmə: Dünya
“Vyetnam kabusu” Baydeni Ukrayna məsələsində ehtiyatlı olmağa vadar edir

"ABŞ prezidenti Co Baydeni Vyetnam müharibəsinin kabusu hələ də təqib edir. ABŞ ordusu müharibə zamanı işgəncələr, zorlamalar, kütləvi edamlar, mülki əhalinin öldürülməsi və kimyəvi silahdan istifadə kimi bir çox hərbi cinayətlər törədib. Zəhərlənmə nəticəsində 1,5 milyon vətəndaşını və ərazisinin üçdə birini itirməsinə baxmayaraq, Vyetnam müharibədən qalib çıxdı".

Bunu Reyting.az-a Azərbaycan Kommunist Partiyasının rəsmisi Ədalət Abdinov deyib.

Ə. Abdinov əlavə edib ki, ABŞ bölgədə 58 min əsgər itirib: "Müharibədən sonra Vyetnamdan ölkəsinə qayıdan əsgərlərin əhəmiyyətli hissəsi isə intihar etdi”.

Müsahibimiz xatırladıb ki, ABŞ, həmçinin müharibə zamanı 10 minə yaxın təyyarə itirib və onların əksəriyyəti zenit atəşi ilə vurulub. Buna qarşılıq olaraq, Şimali Vyetnamın təyyarə itkisi cəmi 150 olub.

Abdinovun sözlərinə görə, Bayden ABŞ-ın keçmiş prezidenti Obamaya Əfqanıstanda hərbi kontingentin artırılmasından əvvəl Vyetnamdakı eskalasiyanın dəhşətli nəticələrini unutmamağı tövsiyə edən azsaylı şəxslərdən biri hesab olunur. Ukraynadakı mövcud hərbi əməliyyatların vəziyyətinə toxunan Abdinov “təhlillər göstərir ki, Ağ evin hazırkı sahibi hələ də “Vyetnam dərsləri”ni unutmayıb və siyasətdə onları rəhbər tutur”, - deyib:

“Vyetnam müharibəsi kabusunun kölkəsi Baydenin Ukraynaya diqqətlə hazırlanmış yanaşmasında, xüsusən də ABŞ qoşunlarını döyüşlərə cəlb etmək istəməməsində aydın görünür.

“Vyetnam kabusu” ABŞ prezidentini arzulanan məqsədlər və onlara nail olmaq üçün ağlabatan üsullar arasında orta yol axtarmağa vadar edir. Ukraynaya güclü dəstək, lakin birbaşa münaqişəyə girmək istəməməsi də buna sübutdur".

E. KAMAL




Bölməyə aid digər xəbərlər
{sape_links}{sape_article}