"Mercedes" "Tesla"-ya uduzur
Tarix: 21-05-2024 14:49 | Bölmə: İqtisadiyyat / Xəbərlər
"Mercedes" "Tesla"-ya uduzur

Dünyada yüksək keyfiyyətli avtomobil markası kimi qəbul edilən "Mercedes-Benz" artıq texniki baxımdan digər bir rəqibi "Tesla"-ya uduzub.

Reyting.az
xəbər verir ki, bunu "IT Home" saytı yazıb.

"Tesla" avtomobil şirkətinin sahibi, amerikalı milyardçı İlon Mask bildirib ki, "Tesla" ilə müqayisədə Almaniya istehsalı olan "Mercedes-Benz" ən azı 5 il geridə qalıb.

Alman markası olaraq bütün dünyada öz xüsusiyyətlərinə görə seçilib tanınmış "Mercedes-Benz Drive Pilot" Amerika Birləşmiş Ştatlarında müəyyən yol hissələri üçün L3 avtonom sürücülük sertifikatı alsa da, yeni sınaq nəticələrinə görə avtomobilin əsas sürücülük yardımı, həmçinin xüsusiyyətləri "Tesla"-nın "FSD Autopilot"-undan xeyli aşağıdır.

"Consumer Reports" bir neçə il öncə dərc etdirdiyi məqaləsində geniş araşdırmalar apararaq "Mercedes-Benz" üçün nəzərdə tutulan sürücüyə yardım sistemini "Tesla" avtomobilinin "FSD" adlanan çox müasir nəzarətçi sistemindən də üstün olduğunu qeyd etmişdi.

Nəşr yazır ki, əslində "Mercedes-Benz" avtomobilinin üstünlüyü onun diqqətini daha yaxşı cəmləmək, sürücüyə reaksiya vermək, həmçinin sistemdən istifadənin təhlükəsiz olduğunu sükan arxasındakı sürücüyə xatırlatmaq qabiliyyətindədir.

Bununla belə, bu yaxınlarda "Whole Mars Catalog" nəşri tərəfindən dərc edilmiş bir məlumat xarakterli yazıda sınaq haqqında söz açılıb və fərqli mənzərənin olduğu qeyd edilib. Saytın yaydığı video-görüntüdə "Mercedes-Benz"-in sürücüyə yardım sistemi avtomobil idarəsi zamanı bir sıra səhvlərə yol verib. Avtomobil bu sınaq yürüşündə yoldan çıxmaqla, yaxud da dönmə zolağını düz zolaq kimi qəbul etməklə böyük yanlışlıqlar edib.

Mütəxəssislər bildiriblər ki, eyni, eləcə də bənzər problemlər "Tesla" avtomobilinin "FSD" nəzarət sisteminin öncə hazırlanan versiyalarında dəfələrlə baş verib. Lakin keçmiş uğursuzluğa baxmayaraq uğurla sınaqdan keçirilmiş "FSD V12" versiyası indi bütün proses boyu hər hansı sürücü müdaxiləsini tələb etmir.

Bildirilir ki, "Mercedes-Benz" avtomobilinin sürücüsü qəzalardan qaçmaq üçün 44 dəfə manevr edərək idarəetməni ələ almalı olub, lakin "Tesla"-nın nəzarət sisteminin göstərici nəticələri daha yaxşı olub.

"IT Home" xatırladır ki, "Mercedes-Benz" sistemi lidar kimi əlavə sensorlardan tez-tez istifadə etməli olur, "Tesla" avtomobili isə yüksək nəticə əldə etmək üçün yalnız kameraya, yəni "Tesla Vision"-a arxalanır.

Oqtay QORÇU




Bölməyə aid digər xəbərlər
{sape_links}{sape_article}