17:38 / 28-03-2024
Əməkdar artist vəfat edib
“Haqqın 44 günü”nü daha bir rayonda nümayiş etdiriblər - Fotolar
Tarix: 25-11-2022 18:20 | Bölmə: Mədəniyyət
“Haqqın 44 günü”nü daha bir rayonda nümayiş etdiriblər

Noyabrın 25-də Lənkəran Dövlət Dram Teatrının truppası “Haqqın 44 günü” tamaşasını Lerikdə nümayiş etdirib. Bu barədə Reyting.az-a teatrın baş inzibatçısı Namiq Ağayev məlumat verib.

Onun sözlərinə görə, Lerik Rayon Mədəniyyət Mərkəzində oynanılan tamaşadan əvvəl torpaqlarımızın müdafiəsi uğrunda canından keçmiş şəhidlərimizin əziz xatirəsi bir dəqiqəlik sükutla yad olunub.

Lənkəran teatrının direktoru Tofiq Heydərov çıxış edərək yaradıcı kollektivin "Şuşa ili" ilə bağlı bir sıra layihələr üzərində çalışdığını bildirib və təqdim olunan “Haqqın 44 günü” tamaşasının bu layihə çərçivəsində hazırlandığını, indiyəcən tamaşanın Salyan, Neftçala, Cəlilabad, Biləsuvar və Masallı rayonlarında, habelə hərbi hissələrdə oynanıldığını qeyd edib.

Daha sonra tamaşaya baxış olub.

Vətən müharibəsində qazanılmış böyük zəfərimizi vəsf edən tamaşanı rayonun icra strukturlarının rəhbərləri, yerli ictimaiyyətin nümayəndələri ilə yanaşı şəhid ailələri də seyr ediblər.

Səhnə əsərində müharibələrin xalqların taleyində, gündəlik həyat və məişətində törətdiyi ağrı-acılardan bəhs olunur. Amma Müzəffər Milli Ordumuz özünün yüksək əzmkarlığı ilə 30 ilə yaxın müddətdə işğal altında olan torpaqlarımızı 44 gün müddətində düşmən tapdağından xilas etməklə üzərinə düşən vəzifənin öhdəsindən ləyaqətlə gəlməyi bacarır.

Tamaşaçılar tərəfindən alqışlarla qarşılanan səhnə əsərinin müəllifi və quruluşçu rejissoru Anar Babalı, quruluşçu rəssamı Adil Əsədli, musiqi tərtibatçısı Fərahim Fərəcovdur.

Rollarda teatrın gənc aktyor və aktrisalardan Gülər Kərimli, Səyad Əliyev, Emil Tağı, Şəbnəm Hüseynova, Aysel Cahangirova, Amil İbrahimli, Teymur Hacızadə və Günel Abbaszadə çıxış ediblər.













Bölməyə aid digər xəbərlər
{sape_links}{sape_article}