22:49 / 20-07-2025
Ərdoğan Azərbaycana təşəkkür edib
18:08 / 20-07-2025
İlham Əliyevin III Qlobal Media Forumunda çıxışı dünya mətbuatının diqqət mərkəzindədir
17:47 / 20-07-2025
Sabahın hava proqnozu açıqlanıb
14:11 / 20-07-2025
Kürdəmirdəki istirahət mərkəzində kütləvi zəhərlənmə olub - (Yenilənib+) - Siyahı
11:27 / 20-07-2025
Novxanı çimərliyində iki nəfər batıb
11:22 / 20-07-2025
Hikmət Hacıyev: Media savadlılığı daha da artırılmalıdır
10:32 / 20-07-2025
III Şuşa Qlobal Media Forumu panellərlə davam edir
19:11 / 19-07-2025
İlham Əliyev: İrəvanın addımları regional inteqrasiyaya xidmət etmir
17:07 / 19-07-2025
3-cü Şuşa Qlobal Media Forumu - İlham Əliyev çıxış edir - (Canlı yayım) - (Yenilənib)
14:39 / 19-07-2025
“Seçilmiş pedaqoji əsərlər” kitabı işıq üzü görüb - Foto
13:28 / 19-07-2025
Sabah 41 dərəcə isti olacaq - Proqnoz
09:36 / 19-07-2025
Süni intellekt köhnə şahmat proqramı ilə oynamaqdan qorxub
08:34 / 19-07-2025
Tramp: Ermənistan və Azərbaycan sülh sazişi bağlamağa yaxındır
06:52 / 19-07-2025
Azərbaycan, Hindistan, Çin, BƏƏ və Sinqapurdan olan 18 şirkətə sanksiya tətbiq edilib
05:48 / 19-07-2025
Rusiya əleyhinə 18-ci sanksiyalar paketi qüvvəyə minib
19:18 / 18-07-2025
Ali Məhkəmə “Meydan” TV ilə bağlı qərarı qüvvədə saxlayıb
19:10 / 18-07-2025
Ukraynada daha bir azərbaycanlı hərbçi həlak olub
18:00 / 18-07-2025
Oleq Bakinski: "Mənə bəraət verin"
17:55 / 18-07-2025
Ramiz Məmmədov "Şamaxı"dan ayrılıb
17:51 / 18-07-2025
Alimlər yeni planet kəşf ediblər
17:42 / 18-07-2025
Bakı və rayonlarda ağaclar qanunsuz kəsilib
17:21 / 18-07-2025
İyulun 23-dək isti hava davam edəcək
17:17 / 18-07-2025
"Qarabağ" hücumçu ilə vidalaşıb
17:08 / 18-07-2025
Britaniya Rusiyaya qarşı sanksiyaları genişləndirib
16:48 / 18-07-2025
Prezident Xocalıda sakinlərlə görüşüb - Maraqlı dialoq
16:40 / 18-07-2025
Professor: Rusiya və İran Azərbaycanla Ermənistanın sülh sazişi bağlamasını istəmirlər
16:20 / 18-07-2025
XİN: "Azərbaycan Suriyada baş verən prosesləri yaxından izləyir"
07:40 / 16-07-2025
Şahin Şıxlinskinin oğlu saxlanılıb, özünə cinayət işi açıblar - (Yenilənib)
11:19 / 17-07-2025
Berdiməhəmmədov Füzuli rayonuna gəlib - (Yenilənib) - Fotolar
10:54 / 16-07-2025
Moskva daha bir milyarder ermənini Paşinyanla üz-üzə qoyub - Foto
14:56 / 16-07-2025
Şakdam doğrudan da casusdur? - İranda yeni qalmaqal
12:18 / 16-07-2025
İlham Əliyev Qurbanqulu Berdiməhəmmədovla görüşüb - Fotolar
14:04 / 17-07-2025
Növbəti köç karvanı Ağdama çatıb - (Yenilənib)
11:57 / 16-07-2025
Zəngəzur dəhlizi məsələsi müzakirəyə çıxarılıb
12:30 / 16-07-2025
Dağlıq ərazidə güclü yanğın başlayıb - (Yenilənib)
12:02 / 17-07-2025
Ermənistan yol ayrıcında: sağa getsə, ŞƏT, sola getsə...
15:19 / 16-07-2025
Konsertdə söyüş söyən reper saxlanılıb
11:47 / 18-07-2025
Putin Rusiyasında Stalinin kölgəsi: intihara da icazə lazımdır?
Hüsniyyə Mürvətova: "Kinoda Natəvan obrazını oynamaq istərdim” - Müsahibə
Tarix: 01-06-2025 10:14 | Bölmə: Mədəniyyət
Bu gün Azərbaycan teatrı yaşayırsa, nəfəs alırsa, öz varlığına görə bu sənətin yükünü fədakarcasına çiyinlərində daşıyan sənətkarlara borcludur. Günümüzdə yaşayan və yaradan sənətkarlara. Onlardan biri də Respublikanın Əməkdar artisti, Bakı Bələdiyyə Teatrının aktrisası Hüsniyyə Mürvətovadır. Müasirliyi sevən, yeni trendləri izləyən tamaşaçı auditoriyası onu çox sevir. Kinoda və teatrda bir sıra parlaq, müxtəlif səpgili obrazlar yaradıb. Geniş diapazona malik aktrisadır. Onunla ad günü ərəfəsində Bakı Bələdiyyə Teatrının ofisində görüşdük. Şux və şən görünürdü. Qonşu otaqda aktyorların səs-küyü bizim söhbətimizə mane ola bilmədi. Diktofon işə düşmüşdü, Tural Baxışın balaca oğlu da bu müsahibəyə öz uşaq dünyasından nələrsə əlavə etdi. Arabir sükut pərdələriylə bəzənən söhbətimiz Hüsniyyə xanımın ecazkar səs dalğalarında bizi lap uzaqlara aparıb çıxardı.
“Reytinq” qəzeti müsahibəni edir:
- Hüsniyyə xanım, müsahibələrinizdən birində demişdiniz ki, atama aktrisa olmaq istəyimi bildirməyə qorxurdum. Niyə məhz aktrisa olmaq istəyirdiniz? Bu həvəs hardan, nədən qaynaqlanırdı?
- Uşaq vaxtlarımda tez-tez güzgü qarşısına keçib rəqs edirdim, mahnılar oxuyurdum. O zaman bircə televiziya kanalı vardı, Azərbaycan televiziyası. Mən televizorda göstərilən bütün tamaşlara baxırdım, bütün aktyorları tanıyırdım. İçimdə teatra böyük sevgi yaranmışdı, çox istəyirdim ki, mən də aktrisa olum. Amma bu arzumu atama bildirməkdən çəkinirdim.
- Bildiyimə görə, atanız da yaradıcı insan olub.
- Bəli, atam o vaxtkı Neft və Kimya İnstitutunu bitirsə də, o da uşaqlıqdan rəqs dərnəyinə gedib, şeirlər yazıb. Ədəbiyyata, incəsənətə son dərəcə bağlı insan idi. Təbii ki, atam mənim bu marağımı hiss edirdi, amma mənə ancaq ev şəraitində istəyimi gerçəkləşdirməyə icazə verirdi. Amma görəndə ki, bu həvəs, bu istək keçib getmir, bir gün dedi ki, bəlkə sənədlərini mədəni-maarif fakultəsinə verəsən? Sonda elə atamın istəyi oldu. Mən İncəsənət Universitetinə sənədlərimi verdim və qəbul olundum.
- Amma universitetə qəbul olunmazdan əvvəl artıq Sumqayıt Dövlət Dram Teatrında aktrisa kimi fəaliyyətə başlamışdınız. Bu teatra gəlişiniz necə olmuşdu?
- Əməkdar artist Münəvvər Əliyeva ilə bir sinifdə oxumuşuq. Mən bilirdim ki, Münəvvər sənədlərini İncəsənət Universitetinə verəcək. O da aktrisa olmaq istəyirdi. Onun bacısı artıq İncəsənət Universitetinin tələbəsi idi, bir gün o, məni Sumqayıt teatrına, rejissor Yusif Əkbərovun yanına gətirdi. Qəbul imtahanı üçün hazırladığım etüdü göstərdim, bəyəndi və məni teatra köməkçi heyətə işə götürdü. Sonra mən də universitetə qəbul olundum və teatrda işləyə-işləyə təhsil almağa başladım. Sumqayıt teatrında ilk rolum Rafiq Səmədərin “Dərs” tamaşasında Sevda obrazı oldu. O tamaşa televiziya üçün çəkildi, tamaşanın nümayişindən sonra mən artıq tanınmağa başladım. Şəhərdə gəzəndə arxamca “Sevda, Sevda”,- deyə qışqırırdılar. Çox gözəl tamaşa idi, bu obraz mənə uğur gətirdi. Bu obrazdan sonra məni əsas heyətə keçirtdilər.
Beləcə, Sevda obrazı ilə səhnə sevdasına qovuşan aktrisa Sumqayıt teatrında müxtəlif obrazlar yaradır. Sumqayıt teatrının səhnəsi onun arzularının gerçəkləşdiyi məkan olur. Universitetdə isə müəllimlərindən bu ecazkar sənətin sirlərini öyrənir.
- Universiteti bitirdikdən sonra “İlham” Miniatür Teatrında çalışmağa başladınız...
- Ona qədər mərhum rejissorumuz Rövşən Almuradlı məni Cəlil Məmmədquluzadənin “Anamın kitabı” televiziya tamaşasına Gülbahar roluna dəvət etmişdi. O tamaşa məni geniş tamaşaçı kütləsinə tanıdan ilk rolum idi. O tamaşa Qızıl Fonddadır. Orda Xalq artisti Cəfər Namiq Kamal mənim qardaşımı oynayırdı. Gənc Tamaşaçılar Teatrının o vaxtkı direktoru Kamal müəllim mənim bu rolumu çox bəyənmişdi və məni teatra işləməyə dəvət etdi. Eyni vaxtda da İlham Namiq Kamaldan dəvət aldım. Maaş, qonorar yüksək olduğu üçün “İlham” Miniatür Teatrını seçdim. Beləcə, üç il orda çalışdım. Olduqca dinamik tamaşalar hazırlayırdıq, çox maraqlı teatr idi.
- Bəs Bakı Bələdiyyə Teatrına gəlişiniz necə baş verdi?
- Aktrisa Bahar Abdullayeva ilə ikimiz də bir gündə o teatrdan ayrıldıq. “İlham” Miniatür Teatrından ayrılandan sonra Akademik Milli Dram Teatrının direktoru, rəhmətlik Həsən Turabov mənə dedi ki, sənədlərini gətir, biz səni teatra işə götürək. Amma nədənsə Bakı Bələdiyyə Teatrı məni daha çox özünə çəkirdi. Baharla birlikdə Amaliya xanımın yanına gəldik, Amaliya xanım məni görən kimi dedi ki, mən səni öz teatrımıza işə götürəcəyəm. Ona demişdim ki, həm Gənc Tamaşaçılar Teatrından, həm də Akademik Milli Dram Teatrından dəvətlər almışam. Dedi yox, sən məhz bizim teatrda çalışacaqsan. 1997-ci ilin sentyabrından bu teatrda fəaliyyətə başladım.
Hüsniyyə Mürvətovanın Bakı Bələdiyyə Teatrında ilk böyük işi Oqtay Altunbayın “Tomris” tamaşasında Tomris rolu olur. Amaliya Pənahova öz səhnə geyimini ona etibar edir. Görkəmli aktrisanın bu jesti heç şübhəsiz, həm də rəmzi xarakter daşıyırdı. Amaliya xanım bununla estafeti öz davamçısına ötürürdü, demək, Hüsniyyə xanımın simasında öz varisini görürdü. Təsadüfi deyil ki, Bakı Bələdiyyə Teatrı haqqında yazılan kitabın üz qabığında Amaliya xanımın, arxa qapağında isə Hüsniyyə Mürvətovanın fotosu verilmişdi.
- Amaliya xanım mənim oynadığım Tomrisi çox bəyənmişdi. Sonra mən Abdulla Qurbaninin “Türk sancağı” tamaşasında Yasəməni oynadım. O tamaşa ilə biz Naxçıvandan tutmuş Ankaraya qədər yaradıcılıq turnesinə çıxdıq. Hər yerdə bizi, tamaşamızı çox yaxşı qarşılayırdılar. Sonra bu teatrın səhnəsində “Dəli Domrul” tamaşasında Banu, “Elektra”da Elektra, “Dönüş”də Gülsabah, “Ana tarla”da Tolqonay və digər rolları oynamışam.
- Siz eyni zamanda bir çox filmlərdə də yaddaqlan obrazlar yaratmısınız. İlk dəfə hansı filmə dəvət almışdınız?
- Xalq artisti Mərahim Fərzəlibəyov 1992-ci ildə “Mənim ağ şəhərim” filmini çəkirdi. İyirmi bir yaşım vardı. O, məni Gülsüm roluna dəvət etdi.
- Sizin üçün çətin olmadı ki? İlk dəfə idi kamera qarşısına çıxırdınız.
- Qətiyyən. Bu filmdən sonra Mərahim müəllim məni “Qırmızı qar” filminə də çəkdi. O filmdə artıq baş rolu canlandırırdım. “Qırmızı qar” çox böyük marağa səbəb oldu. Uzun illər ərzində mütəmadi olaraq telekanallarda nümayiş olunurdu. O vaxtdan bu günə qədər filmlərə dəvət alıram.
- Hüsniyyə xanım, filmoqrafiyanızda mərhum rejissor Məhərrəm Bədirzadənin çəkdiyi “Salamat qal, ağca yol” film-tamaşa da var. Mən sizi “Ana tarla” tamaşasında Tolqonay rolunda görəndə o filmdə canlandırdığınız Ana obrazı gözlərim önünə gəldi. Bir qədər o film haqqında da danışardınız.
- O əsəri unudulmaz şairəmiz Nurəngiz Gün öz bibisinə həsr etmişdi. Bibisi oğlu müharibəyə gedib qayıtmayıb, bibisi də bir ömür boyu oğlunun yolunu gözləyib. Yəni o filmin ssenarisi real hadisələr əsasında yazılıb.
Nurəngiz xanım mənə danışırdı ki, bibim cavan idi, üzü nurlu qadın idi, üzündə heç bir qırış yox idi, amma oğul dərdindən saçları ağarmışdı. Onu da əlavə elədi ki, mən istəmirəm bu rola yaşlı aktrisa çəkilsin. Məni qrimlədilər, saçlarımı ağartdılar və çəkildim.
- Hüsniyyə xanım, siz iki dəfə Rusiya istehsalı olan filmdə rol almısınız. “Ərik acısı” filmində, bir də “Didərginlər” serialında. Kim dəvət etmişdi sizi?
- “Azərbaycan Aktyorlar Agentliyi”nin rəhbəri Səbuhi Məmmədov bizi bu prosesə cəlb elədi. O əlindən gələni edir ki, Azərbaycan aktyorları müxtəlif ölkələrin film və seriallarında rol alsınlar. Bu ekran işlərindən ikisi də mənim yaradıcılıq payıma düşdü.
“Ərik acısı” serialının rejissoru Aleksandr Moxov da işimizdən çox razı qaldı. Serial çox yüksək reytinq qazanaraq tamaşaçılar tərəfindən çox böyük sevgi ilə qarşılandı.
“Didərginlər” serialının rejissoru Sergey Çekalov da işimizdən çox razı idi. Hətta serialın prodüsseri şəxsən özümə dedi ki, rejissor Azərbaycan aktyorlarından çox razıdır. Rolum çox maraqlıdır. Tarixi bir serialdır. Ümid edirəm və buna çox inanıram ki, davamlı olacaq.
- Zahirən soyuq və sərt qadın təsiri bağışlayırsınız. Amma mən sizi müxtəlif situasiyalarda müşahidə etmişəm. Görmüşəm ki, siz nə qədər mərhəmətli, kövrək, gənc həmkarlarınıza həmişə dəstək olmağa çalışan bir qadınsınız. Bəs zahirən sərt görünməyiniz nəylə bağlıdır? Bəlkə özünüz insanlarla məsafə saxlamaq üçün bu cür görünməyə çalışırsınız? Daxilinizdə isə tamamilə başqa bir insan var.
- Yox, bu qətiyyən maska deyil. Bu cizgiləri mənə Yaradan bəxş edib. Mən atama bənzəyirəm. O da çox həlim, ürəyiyumşaq insan idi. Amma zahiri sifət cizgiləri olduqca sərt idi. Bəzən güzgüyə baxanda özüm də öz ciddiyyətimdən qorxuram. Məni yaxından tanıyan insanlar xarakterimə bələddirlər, bilirlər ki, mən necə insanam. Amma məncə, qadın kənardan ciddi görünsə daha yaxşıdır. Xüsusən də sənət adamı olan qadın.
- Hüsniyyə xanım, indiyə qədər arzusunda olduğunuz rol olubmu ki, onu hələ də oynamamısınız?
- Bilirsiniz, mənim üçün rejissorun məni hansı rolda görməsi daha maraqlıdır. O ki qaldı öz istəyimə, çox istərdim ki, Ledi Maqbeti oynayım. Natəvan haqqında film çəkilsə, Natəvan obrazını oynamaq istərdim.
- Maraqlı söhbət üçün təşəkkür edirəm! Doğum gününüzdə sizə uzun ömür, can sağlığı arzulayıram. Hər zaman səhnəmizdə olasınız!
- Çox sağ olun. Mən sizə təşəkkür edirəm.
Söhbətləşdi: Kənan HACI
Bölməyə aid digər xəbərlər
Tarix: 01-06-2025 10:14 | Bölmə: Mədəniyyət
Bu gün Azərbaycan teatrı yaşayırsa, nəfəs alırsa, öz varlığına görə bu sənətin yükünü fədakarcasına çiyinlərində daşıyan sənətkarlara borcludur. Günümüzdə yaşayan və yaradan sənətkarlara. Onlardan biri də Respublikanın Əməkdar artisti, Bakı Bələdiyyə Teatrının aktrisası Hüsniyyə Mürvətovadır. Müasirliyi sevən, yeni trendləri izləyən tamaşaçı auditoriyası onu çox sevir. Kinoda və teatrda bir sıra parlaq, müxtəlif səpgili obrazlar yaradıb. Geniş diapazona malik aktrisadır. Onunla ad günü ərəfəsində Bakı Bələdiyyə Teatrının ofisində görüşdük. Şux və şən görünürdü. Qonşu otaqda aktyorların səs-küyü bizim söhbətimizə mane ola bilmədi. Diktofon işə düşmüşdü, Tural Baxışın balaca oğlu da bu müsahibəyə öz uşaq dünyasından nələrsə əlavə etdi. Arabir sükut pərdələriylə bəzənən söhbətimiz Hüsniyyə xanımın ecazkar səs dalğalarında bizi lap uzaqlara aparıb çıxardı.
“Reytinq” qəzeti müsahibəni edir:
- Hüsniyyə xanım, müsahibələrinizdən birində demişdiniz ki, atama aktrisa olmaq istəyimi bildirməyə qorxurdum. Niyə məhz aktrisa olmaq istəyirdiniz? Bu həvəs hardan, nədən qaynaqlanırdı?
- Uşaq vaxtlarımda tez-tez güzgü qarşısına keçib rəqs edirdim, mahnılar oxuyurdum. O zaman bircə televiziya kanalı vardı, Azərbaycan televiziyası. Mən televizorda göstərilən bütün tamaşlara baxırdım, bütün aktyorları tanıyırdım. İçimdə teatra böyük sevgi yaranmışdı, çox istəyirdim ki, mən də aktrisa olum. Amma bu arzumu atama bildirməkdən çəkinirdim.
- Bildiyimə görə, atanız da yaradıcı insan olub.
- Bəli, atam o vaxtkı Neft və Kimya İnstitutunu bitirsə də, o da uşaqlıqdan rəqs dərnəyinə gedib, şeirlər yazıb. Ədəbiyyata, incəsənətə son dərəcə bağlı insan idi. Təbii ki, atam mənim bu marağımı hiss edirdi, amma mənə ancaq ev şəraitində istəyimi gerçəkləşdirməyə icazə verirdi. Amma görəndə ki, bu həvəs, bu istək keçib getmir, bir gün dedi ki, bəlkə sənədlərini mədəni-maarif fakultəsinə verəsən? Sonda elə atamın istəyi oldu. Mən İncəsənət Universitetinə sənədlərimi verdim və qəbul olundum.
- Amma universitetə qəbul olunmazdan əvvəl artıq Sumqayıt Dövlət Dram Teatrında aktrisa kimi fəaliyyətə başlamışdınız. Bu teatra gəlişiniz necə olmuşdu?
- Əməkdar artist Münəvvər Əliyeva ilə bir sinifdə oxumuşuq. Mən bilirdim ki, Münəvvər sənədlərini İncəsənət Universitetinə verəcək. O da aktrisa olmaq istəyirdi. Onun bacısı artıq İncəsənət Universitetinin tələbəsi idi, bir gün o, məni Sumqayıt teatrına, rejissor Yusif Əkbərovun yanına gətirdi. Qəbul imtahanı üçün hazırladığım etüdü göstərdim, bəyəndi və məni teatra köməkçi heyətə işə götürdü. Sonra mən də universitetə qəbul olundum və teatrda işləyə-işləyə təhsil almağa başladım. Sumqayıt teatrında ilk rolum Rafiq Səmədərin “Dərs” tamaşasında Sevda obrazı oldu. O tamaşa televiziya üçün çəkildi, tamaşanın nümayişindən sonra mən artıq tanınmağa başladım. Şəhərdə gəzəndə arxamca “Sevda, Sevda”,- deyə qışqırırdılar. Çox gözəl tamaşa idi, bu obraz mənə uğur gətirdi. Bu obrazdan sonra məni əsas heyətə keçirtdilər.
Beləcə, Sevda obrazı ilə səhnə sevdasına qovuşan aktrisa Sumqayıt teatrında müxtəlif obrazlar yaradır. Sumqayıt teatrının səhnəsi onun arzularının gerçəkləşdiyi məkan olur. Universitetdə isə müəllimlərindən bu ecazkar sənətin sirlərini öyrənir.
- Universiteti bitirdikdən sonra “İlham” Miniatür Teatrında çalışmağa başladınız...
- Ona qədər mərhum rejissorumuz Rövşən Almuradlı məni Cəlil Məmmədquluzadənin “Anamın kitabı” televiziya tamaşasına Gülbahar roluna dəvət etmişdi. O tamaşa məni geniş tamaşaçı kütləsinə tanıdan ilk rolum idi. O tamaşa Qızıl Fonddadır. Orda Xalq artisti Cəfər Namiq Kamal mənim qardaşımı oynayırdı. Gənc Tamaşaçılar Teatrının o vaxtkı direktoru Kamal müəllim mənim bu rolumu çox bəyənmişdi və məni teatra işləməyə dəvət etdi. Eyni vaxtda da İlham Namiq Kamaldan dəvət aldım. Maaş, qonorar yüksək olduğu üçün “İlham” Miniatür Teatrını seçdim. Beləcə, üç il orda çalışdım. Olduqca dinamik tamaşalar hazırlayırdıq, çox maraqlı teatr idi.
- Bəs Bakı Bələdiyyə Teatrına gəlişiniz necə baş verdi?
- Aktrisa Bahar Abdullayeva ilə ikimiz də bir gündə o teatrdan ayrıldıq. “İlham” Miniatür Teatrından ayrılandan sonra Akademik Milli Dram Teatrının direktoru, rəhmətlik Həsən Turabov mənə dedi ki, sənədlərini gətir, biz səni teatra işə götürək. Amma nədənsə Bakı Bələdiyyə Teatrı məni daha çox özünə çəkirdi. Baharla birlikdə Amaliya xanımın yanına gəldik, Amaliya xanım məni görən kimi dedi ki, mən səni öz teatrımıza işə götürəcəyəm. Ona demişdim ki, həm Gənc Tamaşaçılar Teatrından, həm də Akademik Milli Dram Teatrından dəvətlər almışam. Dedi yox, sən məhz bizim teatrda çalışacaqsan. 1997-ci ilin sentyabrından bu teatrda fəaliyyətə başladım.
Hüsniyyə Mürvətovanın Bakı Bələdiyyə Teatrında ilk böyük işi Oqtay Altunbayın “Tomris” tamaşasında Tomris rolu olur. Amaliya Pənahova öz səhnə geyimini ona etibar edir. Görkəmli aktrisanın bu jesti heç şübhəsiz, həm də rəmzi xarakter daşıyırdı. Amaliya xanım bununla estafeti öz davamçısına ötürürdü, demək, Hüsniyyə xanımın simasında öz varisini görürdü. Təsadüfi deyil ki, Bakı Bələdiyyə Teatrı haqqında yazılan kitabın üz qabığında Amaliya xanımın, arxa qapağında isə Hüsniyyə Mürvətovanın fotosu verilmişdi.
- Amaliya xanım mənim oynadığım Tomrisi çox bəyənmişdi. Sonra mən Abdulla Qurbaninin “Türk sancağı” tamaşasında Yasəməni oynadım. O tamaşa ilə biz Naxçıvandan tutmuş Ankaraya qədər yaradıcılıq turnesinə çıxdıq. Hər yerdə bizi, tamaşamızı çox yaxşı qarşılayırdılar. Sonra bu teatrın səhnəsində “Dəli Domrul” tamaşasında Banu, “Elektra”da Elektra, “Dönüş”də Gülsabah, “Ana tarla”da Tolqonay və digər rolları oynamışam.
- Siz eyni zamanda bir çox filmlərdə də yaddaqlan obrazlar yaratmısınız. İlk dəfə hansı filmə dəvət almışdınız?
- Xalq artisti Mərahim Fərzəlibəyov 1992-ci ildə “Mənim ağ şəhərim” filmini çəkirdi. İyirmi bir yaşım vardı. O, məni Gülsüm roluna dəvət etdi.
- Sizin üçün çətin olmadı ki? İlk dəfə idi kamera qarşısına çıxırdınız.
- Qətiyyən. Bu filmdən sonra Mərahim müəllim məni “Qırmızı qar” filminə də çəkdi. O filmdə artıq baş rolu canlandırırdım. “Qırmızı qar” çox böyük marağa səbəb oldu. Uzun illər ərzində mütəmadi olaraq telekanallarda nümayiş olunurdu. O vaxtdan bu günə qədər filmlərə dəvət alıram.
- Hüsniyyə xanım, filmoqrafiyanızda mərhum rejissor Məhərrəm Bədirzadənin çəkdiyi “Salamat qal, ağca yol” film-tamaşa da var. Mən sizi “Ana tarla” tamaşasında Tolqonay rolunda görəndə o filmdə canlandırdığınız Ana obrazı gözlərim önünə gəldi. Bir qədər o film haqqında da danışardınız.
- O əsəri unudulmaz şairəmiz Nurəngiz Gün öz bibisinə həsr etmişdi. Bibisi oğlu müharibəyə gedib qayıtmayıb, bibisi də bir ömür boyu oğlunun yolunu gözləyib. Yəni o filmin ssenarisi real hadisələr əsasında yazılıb.
Nurəngiz xanım mənə danışırdı ki, bibim cavan idi, üzü nurlu qadın idi, üzündə heç bir qırış yox idi, amma oğul dərdindən saçları ağarmışdı. Onu da əlavə elədi ki, mən istəmirəm bu rola yaşlı aktrisa çəkilsin. Məni qrimlədilər, saçlarımı ağartdılar və çəkildim.
- Hüsniyyə xanım, siz iki dəfə Rusiya istehsalı olan filmdə rol almısınız. “Ərik acısı” filmində, bir də “Didərginlər” serialında. Kim dəvət etmişdi sizi?
- “Azərbaycan Aktyorlar Agentliyi”nin rəhbəri Səbuhi Məmmədov bizi bu prosesə cəlb elədi. O əlindən gələni edir ki, Azərbaycan aktyorları müxtəlif ölkələrin film və seriallarında rol alsınlar. Bu ekran işlərindən ikisi də mənim yaradıcılıq payıma düşdü.
“Ərik acısı” serialının rejissoru Aleksandr Moxov da işimizdən çox razı qaldı. Serial çox yüksək reytinq qazanaraq tamaşaçılar tərəfindən çox böyük sevgi ilə qarşılandı.
“Didərginlər” serialının rejissoru Sergey Çekalov da işimizdən çox razı idi. Hətta serialın prodüsseri şəxsən özümə dedi ki, rejissor Azərbaycan aktyorlarından çox razıdır. Rolum çox maraqlıdır. Tarixi bir serialdır. Ümid edirəm və buna çox inanıram ki, davamlı olacaq.
- Zahirən soyuq və sərt qadın təsiri bağışlayırsınız. Amma mən sizi müxtəlif situasiyalarda müşahidə etmişəm. Görmüşəm ki, siz nə qədər mərhəmətli, kövrək, gənc həmkarlarınıza həmişə dəstək olmağa çalışan bir qadınsınız. Bəs zahirən sərt görünməyiniz nəylə bağlıdır? Bəlkə özünüz insanlarla məsafə saxlamaq üçün bu cür görünməyə çalışırsınız? Daxilinizdə isə tamamilə başqa bir insan var.
- Yox, bu qətiyyən maska deyil. Bu cizgiləri mənə Yaradan bəxş edib. Mən atama bənzəyirəm. O da çox həlim, ürəyiyumşaq insan idi. Amma zahiri sifət cizgiləri olduqca sərt idi. Bəzən güzgüyə baxanda özüm də öz ciddiyyətimdən qorxuram. Məni yaxından tanıyan insanlar xarakterimə bələddirlər, bilirlər ki, mən necə insanam. Amma məncə, qadın kənardan ciddi görünsə daha yaxşıdır. Xüsusən də sənət adamı olan qadın.
- Hüsniyyə xanım, indiyə qədər arzusunda olduğunuz rol olubmu ki, onu hələ də oynamamısınız?
- Bilirsiniz, mənim üçün rejissorun məni hansı rolda görməsi daha maraqlıdır. O ki qaldı öz istəyimə, çox istərdim ki, Ledi Maqbeti oynayım. Natəvan haqqında film çəkilsə, Natəvan obrazını oynamaq istərdim.
- Maraqlı söhbət üçün təşəkkür edirəm! Doğum gününüzdə sizə uzun ömür, can sağlığı arzulayıram. Hər zaman səhnəmizdə olasınız!
- Çox sağ olun. Mən sizə təşəkkür edirəm.
Söhbətləşdi: Kənan HACI
Bölməyə aid digər xəbərlər
18-07-2025, 10:16
4000 illik piramida arxeoloqları heyrətə salıb - Foto
17-07-2025, 14:44
Əliyev və Berdiməhəmmədov Mehmandarovların malikanə kompleksində olublar - Fotolar
16-07-2025, 09:25
Teymur Əmrah: “Evlənmədim, çox xoşbəxtəm...”
15-07-2025, 20:13
Sabir Rüstəmxanlı: "Tüpürüm sənin menecerinə də..."
15-07-2025, 14:16
Afaq Bəşirqızı: "Xalq artisti adını sənə bibin, dayın, əmin verdirə bilər, amma..."
15-07-2025, 08:08
Qazaxıstanda Abay Günü keçiriləcək - Foto
14-07-2025, 14:18
Anar: “Söz verdiyim kimi vəzifəmdən gedirəm..."
11-07-2025, 14:33
Azərbaycanın daha iki abidəsi UNESCO-nun siyahısına daxil edilib - Foto
11-07-2025, 08:03
Ufada Əhməd Yasəvi sərgisi açılıb - Fotolar
10-07-2025, 17:58
Keşikçidağda 3800 il yaşı olan döyüşçü kurqanı aşkarlanıb - Fotolar
9-07-2025, 17:36
Daşınmaz abidələrin pasportlaşdırılması qaydaları təsdiqlənib
8-07-2025, 22:13
Aşıq Əhliman iki dəfə insult keçirib
8-07-2025, 15:24
Fəxri adlar daha verilməyəcək? - Açıqlama
8-07-2025, 12:59
Mədəniyyət Nazirliyində təyinat olub
8-07-2025, 10:09
Paytaxt şəhərinin adı rekordlar kitabına düşüb - Fotolar
7-07-2025, 15:10
Əl əli yudu, əl də qayıtdı... - Etibar Cəbrayıloğlu yazır
7-07-2025, 07:46
Hollivudun ulduz aktyoru sənədli film çəkəcək
7-07-2025, 07:35
Xərçəng xəstəliyi məşhur aktyorun həyatına son qoyub
4-07-2025, 14:25
Şuşa İqtisadi Əməkdaşlıq Təşkilatının turizm paytaxtı seçilib
4-07-2025, 08:52
Bred Pitt xoşladığı qadınlardan danışıb
4-07-2025, 07:37
Hollivudun ulduz aktyoru vəfat edib
30-06-2025, 14:52
Mənsum İbrahimov: Teatrımızın səhnəsinə yeni Məcnunlar gəlir - Foto
29-06-2025, 12:56
Rusiyanın Azərbaycanda keçiriləcək mədəniyyət tədbirləri ləğv edilib
28-06-2025, 09:57
İki məşhur aktyor 24 ildən sonra yenidən görüşüb
25-06-2025, 14:55
Rəşad Əhmədzadə: “Beynəlxalq festivallarda iştirakımız ölkə teatrları üçün də uğurdur” - Müsahibə
25-06-2025, 10:34
Xalq artistləri Şuşada - Fotolar
24-06-2025, 19:40
“Qərbi Azərbaycan İrsi” kitabının təqdimatı olub - Fotolar
24-06-2025, 12:28
Leyla Əliyeva və Arzu Əliyeva Xızıda “Gənc arıçı” layihəsinin iştirakçısı ilə görüşüb
23-06-2025, 15:49
Erməni müğənnini “Qal, sənə qurban” mahnısını mənimsəmək istəyib
21-06-2025, 09:14
Muğam müsabiqəsinin qalibləri məlum olub - Siyahı
20-06-2025, 14:17
"Ulduz"lu görüşlər"in növbəti qonağı Mətanət Vahid olub - Fotolar
19-06-2025, 14:16
İyunun şeirli “Ulduz”u işıq üzü görüb - Foto
19-06-2025, 09:51
Yeni parkda gənc rəssamların sərgisi keçirilib - Fotolar
19-06-2025, 07:28
Məşhur aktyor Papa XIV Leo ilə görüşüb
18-06-2025, 17:35
Kino şirkətinin direktoru 3 milyon dollar maaş alacaq
18-06-2025, 09:41
Bakıda rəssam emalatxanasında ölü tapılıb
18-06-2025, 09:11
"Muğam aləmi” VII Beynəlxalq Musiqi Festivalının açılışı olub
17-06-2025, 10:32
“Azərbaycan-Almaniya Dostluq Həftəsi” keçiriləcək - Fotolar
13-06-2025, 16:50
“Ulduz”lu görüşlər”in növbəti qonağı Nizami Cəfərov olub - Fotolar
11-06-2025, 16:55
"Əməkdar artist" fəxri adı almaq istəyən musiqiçinin pulunu "atıblar"
11-06-2025, 10:50
Rəşid Behbudovun xatirə otağının açılışı olub - Fotolar
10-06-2025, 14:35
Lukaşenko “Belarusfilm”i kəskin tənqid edib
7-06-2025, 09:56
Aktoyorun adı Ginnesin Rekordlar Kitabına yazılıb - Video
4-06-2025, 20:41
Aqil Abbas "Ulduz"lu görüşlər"in qonağı olub - Fotolar
4-06-2025, 16:36
Muzey Mərkəzinə direktor təyin olunub - Foto
3-06-2025, 12:57
Xurşudbanu Natəvanın şərəfinə mükafat təsis olunub
Qüdrət Həsənquliyevin fikrincə, Tramp görsə ki, Ukrayna qalib gəlir, Rusiyaya təkcə siyasi yox, hərbi dəstək də verəcək
"Xalq qəzeti"nin şöbə müdiri deyir ki, ömrü boyu özünü axtaran, dəfələrlə yanından ötüb keçən o qədər insan var ki
Nadir Azməmmədov: “Təəssüf ki, indi rejissor olmaq, kino və serial çəkmək adiləşib, bəzən bunun məsuliyyətini dərk etmirlər”
Türkiyədə yaşayan Əməkdar artist deyir ki, siyasilərin illərlə həllinə çalışdığı hansısa bir məsələni bəzən uğurlu bir musiqi əsəri həll edə bilər
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
