18:09 / 11-04-2024
Bakıda qətl törədilib
Ukrayna məğlubiyyətlə üz-üzədir - Kiyevin müttəfiqləri Moskva ilə gizli sövdələşməyə can atır
Tarix: 01-04-2024 20:56 | Bölmə: Slayd
Ukrayna məğlubiyyətlə üz-üzədir - Kiyevin müttəfiqləri Moskva ilə gizli sövdələşməyə can atır

Artıq Qərb də başa düşür ki, Rusiya ilə münaqişədə uduzan tərəf Ukraynadır. Belə davam edərsə, yaya qədər Ukrayna Silahlı Qüvvələri tamamilə məğlubiyyətlə üz-üzə qalacaq.

Reyting.az
xəbər verir ki, bunu Böyük Britaniyanın "The Standard” qəzeti yazıb.

Müəllif Robert Foks qeyd edib ki, belə ağır şəraitdə müttəfiqləri Kiyevə əhəmiyyətli yardım göstərməyə tələsmir. Müttəfiqlərdən bəziləri isə bu müharibənin bitməsi üçün gizli və yaxud açıq şəkildə Moskva ilə sövdələşməyə can atır.

Son vaxtlar Ukraynada gedən döyüşlərdən təlaşa düşən müttəfiqlər başa düşürlər ki, bu müharibə Kiyevin qələbəsi ilə bitməyəcək. Qərbin fikrincə, artıq Ukrayna Rusiya ilə müharibəni uduzur və ehtimal ki, 2024-cü ilin yayına qədər Kiyev məğlubiyyətə uğraya bilər.

Hadisələri şərh edən İngiltərə qəzeti yazır ki, Rusiya prezidenti Vladimir Putinin inadkarlığı nəticəsində Ukraynada davam edən müharibədə dönüş nöqtəsinə həftələr qalıb, lakin Qərb müttəfiqləri hələ də “yuxudadır”.

Müəllif qeyd edir ki, Rusiya artilleriya, raket və pilotsuz uçan aparatlarla güclü hücuma keçir: “Rusiya hətta bəzən cavab verməyən Ukrayna Silahlı Qüvvələrindən beş dəfə çox sursat istifadə edir. Prezident Vladimir Zelenskinin ordusu tükənib. Müdafiənin bəzi sahələrində isə rusların artilleriya atəşinin sıxlığını müqayisə etsək, bu, 1916-cı ildə Somme döyüşündən və ya 1944-cü ildə müttəfiqlərin enişindən sonra Normandiya sahillərində olduğundan daha yüksəkdir".

Nəşr yazır ki, Qərb Rusiyanın yaxın həftələrdə sıçrayışına ehtimallarla fərqli reaksiya verir. Güman edildiyi kimi, müharibəyə yardım məqsədi ilə yaxın illər ərzində Ukraynaya göndərilməsi nəzərdə tutulmuş artilleriya mərmilərinin doldurulması iki il çəkəcək və bu, Britaniya, Almaniya, həmçinin Amerika Birləşmiş Ştatlarının ordularına məxsus arsenallara aid olduğuna görə müəyyən problemlər yaradacaq.

Britaniya nəşri bir məsələyə də diqqət çəkir:

“Almaniya müdafiə xərclərini artırıb, lakin Ukraynaya müharibənin gedişatını dəyişə biləcək silahları, məsələn, "Taurus" raketləri verməkdən imtina etdi.

NATO üzvləri və Avropa İttifaqı ölkələri indi Ukraynadakı fəlakətin qarşısını almaq üçün ardıcıl strategiyaya ehtiyac duyurlar. Əgər Zelenski məğlub olarsa, Kiyev və Odessa darmadağın edilərsə, bax, onda lap zorən də olsa, Qərb müttəfiqləri Putin Rusiyasına cavab verməkdən ötrü çox şey etməli olacaqlar”.

Nəşrin yazdığına görə, Rusiyada baş verən faciə - "Crocus City Hall" -dakı terror aktının iştirakçıları üzə çıxdıqdan az sonra V. Putin açıq şəkildə bəyan edib ki, indi təkcə o “neo-nasist” Ukrayna ilə deyil, eləcə də rəsmi Kiyevin brend liderinə çevrilən “neo-nasist” Qərblə də mübarizə aparır.

Qəribədir ki, Qərb alyansı da tam çaşqınlıq içindədir. ABŞ-ın Ukraynaya qarşı siyasəti Konqresdə gedən daxili döyüşlərin tələsinə düşüb. Almaniya, qaz qıtlığı yaşayan İtaliya və İspaniya kimi avropalı tərəfdaş dövlətlər isə gizli və açıq şəkildə Rusiya ilə müqavilə bağlamağa can atırlar.

Baltik, Skandinaviya müttəfiqləri isə sanki Kassandra rolunu öz üzərlərinə götürüblər, qabaqcadan öz xəbərləri haqqında danışıb problemləri önə çəkiblər, beləliklə, çətin bir məsələnin müzakirəsində Ukrayna xalqı və dövlətinə dəstək nümayiş etsələr də, əsl Qərbə məxsus eyni polad müdafiə realizmi arxasına keçiblər. "Onlar Ukraynaya müraciətlə çox inandırıcı danışırlar və Putinin hərbi rejiminin Ukrayna sərhədlərində dayanmayacağından israrla söz açırlar. Ancaq bu müharibədə o qədər qan tökülüb ki, onun üçün meydandan geri çəkilmək başladığı işi davam etdirməkdən qat-qat çətindir", - qəzet yazır.

O da xatırlanır ki, iki illik döyüş zamanı Rusiya 405.000 insan itirib. Hərbi əməliyyatlarda isə 1,3 milyon nəfər iştirak edib. Güman olunur ki, 2027-ci ilə qədər daha bir milyon yarım insan Rusiyada hərbi xidmətə çağırıla bilər. Ukraynanın bu savaşda verdiyi canlı itki isə təxminən 385 min nəfərdir.

Nəşr daha bir məsələyə toxunur. Müharibədə Rusiyanın itkiləri ilə bağlı statistik məlumatlar şişirdilir və sanki Qərb belə məlumatları havadan götürür; Dmitri Peskovun dediyi kimi: “Vaşinqtonun düzgün rəqəm söyləmək imkanı yoxdur, çünki onlarda dəqiq məlumatlar mövcud deyil, yəni təbliğat məqsədi ilə münasibətləri bəllidir".

Britaniya nəşri öz ölkəsini xəbərdar edir ki, artıq Böyük Britaniyanın həqiqətlə üzləşməsinin vaxtıdır: “Hökumətimiz öyünür ki, biz hətta ÜDM-nin 2,1 faizdən çoxunu bu məqsədlə hərbiyə xərcləyirik. Lakin nəzərə almaq lazımdır ki, bura hərbi pensiyalar və bütün növ sosial müdafiə müavinətləri də daxildir. Beləliklə, gözləməliyik ki, növbəti hökumət hakimiyyətə gələndə bəlkə də, dərhal sonra silahlı qüvvələrin sadə, praktik auditi aparılsın".

Oqtay QORÇU




Bölməyə aid digər xəbərlər
{sape_links}{sape_article}