Ağstafada dəhşət: 5 aylıq körpə yoxsulluq səbəbindən donaraq öldü
Tarix: 20-11-2019 16:11 | Bölmə: Slayd
Ağstafada dəhşət: 5 aylıq körpə yoxsulluq səbəbindən donaraq öldü

Ağstafa rayonunda 5 aylıq körpə ölüb.

Hadisə rayonun Vurğun qəsəbəsində qeydə alınıb.

Belə ki, Ağstafa rayon sakini Tural Qasımov və Kəmalə Məmmədovanın övladları, 2019-cu il təvəllüdlü Turan Qasımov evdə dünyasını dəyişib.

Qəsəbənin həkim məntəqəsinin müdiri Gülşən Babanlı "Report"a bildirib ki, bununla bağlı onlara və ya Ağstafa rayon təcili tibbi yardım briqadasına məlumat daxil olmayıb: "Biz bu məsələdən daha sonra xəbər tutduq və evə getdik, vəziyyətlə maraqlandıq. Valideynləri körpənin axşam süd əmdiyini, bir az oynadıqdan sonra da yatdığını, ancaq səhər oyandıqda öldüyünü gördüklərini dedilər. Bundan sonra da körpəni dəfn ediblər".

Onun sözlərinə görə, körpə həkim məntəqəsində yalnız iki aylığında yoxlanışda olub: "Həmin vaxt uşaqda ciddi problem olmasa da, nevropatoloqa göstərilməsini məsləhət görmüşdük. Bundan sonra məntəqəmizə müraciət edilməyib. Valideynləri də övladlarında hansısa xəstəlik əlamətinin müşahidə edildiyi barədə heç bir məlumat verməyiblər".

Həkim deyib ki, uşağın soyuqdəymədən öldüyü ehtimal edilir: "Evləri soyuq və şəraitsiz idi. Körpəyə də bu səbəbdən soyuq dəydiyi ehtimal olunur. Yəqin ki, valideynləri daxili qızdırmasının olduğunu bilməyiblər. Nəticədə körpə ölüb. Təbii ki, bütün bunlar, sadəcə, ehtimaldır. Çünki körpəni dəfn etdiklərindən heç bir ekspertiza keçirilməyib".

Qeyd edək ki, Tural Qasımov və Kəmalə Məmmədovanın evi qəsəbənin kənarında yerləşir.

Evdə yaşayış üçün şərait, demək olar ki, yoxdur. Hətta otaqların bəzilərinin qapı-pəncərəsi belə yoxdur. Onların əvəzinə, kilim və ya palaz vurulub.

Ailənin daha üç övladı (1 qız, 2 oğlan) belə bir şəraitdə yaşayır. Onlardan ikisi məktəblidir, birinin isə 4 yaşı var.

Körpənin anası Kəmalə Məmmədova isə çox imkansız və şəraitsiz evdə yaşadıqları üçün körpəsi Qasımov Turan Tural oğlunun gecə saatlarında donaraq öldüyünü bildirib.

K. Məmmədova Moderator.az-a deyib ki, hadisədən yalnız səhər açılanda xəbər tutublar:

“Uşaq noyabrın 16-da soyuqdan donaraq ölüb. Şəraitimiz yoxdur. Axşam həmişəki kimi uşağın yeməyin verib yatırtdım, amma səhər açılanda gördük ki, uşaq ölüb. İşığımız yoxdur, evi odun sobasıyla isidirik və onu da gecə yandırmırıq. Uşağı ekspertizaya aparmadıq, həyat yoldaşım buna razı olmadı. Heç kəndin həkimləri də gəlib uşağı yoxlamadı”.

K. Məmmədova həyat yoldaşının xəstə olduğunu və bu cür şəraitsiz bir yerdə yaşamalarıyla bağlı rayon rəhbərliyinə müraciət etdiklərini bildirib:

“Həyat yoldaşım da epilepsiya xəstəsidir, bir dərmanının qiyməti 120 manatdı, heç yerdə də işləmir. Turan dördüncü övladım idi.

Bizimlə heç kim maraqlanmır, heç soruşan da yoxdur ki, uşaq niyə öldü? Dəfələrlə şəraitsizliyimizlə bağlı Ağstafa rayon icra hakimiyyəti başçısının qəbulunda olmuşuq, çox çətin şəraitdə yaşadığımızı demişik, amma cavab o olub ki, nə vaxt imkanımız olacaq, onda sizə köməklik olunacaq.

Bir neçə il çadırda yaşadıq, şəkillərini İcra Hakimiyyətinə də təqdim etdik. Yaxınların köməkliyi ilə bir göz otaq tikmişik. Başqa heç nəyimiz yoxdur. Sosial yardım istəyirdik və onun da sənədlərini düzəldə bilmədik. Dolanışığımıza da kənd sakinləri və qohumlar köməklik edir”.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}