İran prezidenti: “ABŞ-ın sanksiyaları İrana 150 milyard dollardan çox ziyan vurub”
Tarix: 26-09-2020 14:58 | Bölmə: Slayd
İran prezidenti: “ABŞ-ın sanksiyaları İrana 150 milyard dollardan çox ziyan vurub”

ABŞ-ın qanunsuz sanksiyası İrana ən azı 150 milyard dollar ziyan vurub.

Reyting.az
xəbər verir ki, bunu İran prezidenti Həsən Ruhani Tehranda Koronavirusla Milli Mübarizə Qurumunun toplantısında çıxışı zamanı deyib.

Ölkədə iqtisadi problemlərlə bağlı başda İran Məclisinin sədri Məhəmməd Bakir Kalibaf olmaqla tənqidlərə reaksiya verən Ruhani bildirib ki, əgər xalq əskiklikləri və problemləri lənət edəcəksə, bunun ünvanı Vaşintondakı Ağ Evdir: “Kimsə xalqa siyasi maraqları naminə səhv ünvan verməsin”.

Ölkədəki problemlərin qaynağının sionistlər, bölgədəki mürtəce rejimlərlə ABŞ-dakı ekstremist qüvvələrin İrana qarşı siyasətindən qaynaqlandığını dilə gətirən Həsən Ruhani ABŞ dövlət katibi Mayk Pompeoya işarə edərək deyib ki, ünvanı dövlət katibi olan şəxs əslində günah naziridir: “O, iftixarla “İranın 70 milyard dollar gəlirini əngəllədik”,- deyə açıqlama verir. İran xalqına düşmən olmaqla və zərbə vurmaqla fəxr edir”.

ABŞ-ın 2018-ci ildən bu yana tətbiq etdiyi sanksiyalardan qaynaqlanan zərərinin 150 milyard dollara çatdığını xatırladan Ruhani diqqətə çatdırıb ki, amerikalılar qanunsuz embarqo və terrorçu tədbirləri səbəbindən üç il ərzində İrana ən azı 150 milyard dollar zərər vurublar.

Prezident Ruhani əlavə edib ki, bu illər ərzində xalqın yaşamı daha rahat və asan, dolların məzənnəsi daha münasib səviyyədə ola bilərdi. “Bu günahların bütün məsuliyyəti Ağ Evə aiddir”,- deyə İran prezidenti əlavə edib.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}