ABŞ-ın Cənubi Qafqazla bağlı təhlükəli planı var - Foto
Tarix: 21-01-2021 21:46 | Bölmə: Slayd
ABŞ-ın Cənubi Qafqazla bağlı təhlükəli planı var

“Demokratlar partiyasının təmsilçisi, dünəndən prezident kimi ABŞ-ı idarə etməyə başlayan Co Bayden kifayət qədər nəzəri və praktik siyasi təcrübəyə malik şəxsdir. O, bizim regionla bağlı ermənipərəst mövqeyini heç vaxt gizlətməyib. Bayden erməni lobbisi ilə sıx əlaqəsi olan, Ermənistana və Dağlıq Qarabağdakı erməni icmasına maddi köməklik göstərilməsini, Azərbaycana qarşı məlum 907-ci düzəlişi dəstəkləmiş siyasətçidir”.

Bunu Reyting.az-a açıqlamasında Strateji Planlaşdırma və Araşdırmalar İnstitutunun rəhbəri, siyasi təhlilçi Azad Məsiyev deyib.

Onun sözlərinə görə, ABŞ prezidenti kürsüsündə demokratların və yaxud respublikaçılar partiyası təmsilçisinin əyləşməsindən asılı olmayaraq dövlətin vahid strategiyası mövcuddur. Hakimiyyətə gələn siyasi partiya taktiki baxımdan dəyişikliklər etməklə dünya ictimaiyyətinə ABŞ-ın fəqli siyasət görüntüsünü nümayiş etdirir.

A. Məsiyev deyib ki, ABŞ dövlətinin qəbul etdiyi strategiya dolları nəyin bahasına olursa-olsun vahid dünya valyutası kimi qoruyub saxlamaq və gücləndirməkdir: “Bu strategiyanı qorumaq üçün ABŞ-da hakimiyyətə gələn partiya taktiki baxımdan daxili və xarici siyasətdə kosmetik dəyişikliklər edir, bu strategiyaya mane olan bütün qüvvələri dəf etməyi planlaşdırır”.

İnstitut rəhbərinin fikrincə, Baydeni hakimiyyətə gətirən quvvələr dünya siyasətində ABŞ-ın maraqlarına uğun yeni təlatümlər yaradacaqlar: “Çünki belə olduqda dünya valyutası olan dollara tələbat artır və nəticədə ABŞ valyutasının məzənnəsi güclənir. Dünya valyutası kimi dolların güclənməsinə mane olan amillərdən biri də Avropa Birliyinin valyutası avrodur. Bu baxımdan Bayden Avropa Birliyi ilə Rusiya arasında qarşıdurmanı gücləndirəcək ki, Avropa iqtisadiyyatı, o cümlədən valyutası dünya bazarında zəifləsin. Bununla da həm Rusiyanı, həm də AB-ni zəiflətmək istəyəcək, nəticədə dollara rəqib olan avronun dünya valyutası kimi möhkəmlənməsinə maneə yaradılacaq. Ümumilikdə, ABŞ Rusiya və Çin ətrafında gərginlik yaratmaqda davam edəcəkdir, o cümlədən də Cənubu Qafqazda. Qarabağdakı 44 günlük savaşın nəticəsi də ABŞ-ın bölgədəki böyük planlarını pozdu. Ona görə də, Cənubi Qafqaz bölgəsində yeni planlar həyata keçirməyə cəhdlər olacaqdır”.


A. Məsiyev

A. Məsiyev iddia edir ki, Cənubi Qafqaz regionunda Rusiyanın nüfuzunun artması, Türkiyə-Rusiya münasibətlərinin müsbət məcrada inkişafı siyasi baxımdan ABŞ-ın narahatlığına səbəb olur və bu narahatlığı aradan qaldırmaq üçün yeni planlar işə salınacaq.

Siyasi təhlilçi əlavə edib ki, ABŞ siyasətçiləri, analitikləri və maliyyə oliqarxları Ermənistanda inqilab yolu ilə Paşinyanı hakimiyyətə gətirəndə məqsədləri Cənubi Qafqazda ABŞ-ın nüfuzunu gücləndirmək, regionda Rusiyanın siyasi maraqlarını aradan qaldırmaq, bu bölgəni tamamilə ABŞ-ın təsir dairəsinə salmaq olub:

“Bildiyiniz kimi, Gürcüstan Amerikanın təsir dairəsindədir. Bundan başqa, ABŞ Ermənistan və Dağlıq Qarabağ vasitəsi ilə Azərbaycanın bitərəfliyini aradan qaldırmaq və Amerikayönümlü bir dövlətə çevirmək, eyni zamanda Ermənistan ərazisindən İranın daxili işlərinə müdaxiləni nəzərdə tuturdu. Ermənistan vasitəsi ilə Türkiyənin dünyada və bölgədə artan siyasi imicinə zərər vurmaq və Türkiyə-Rusiya münasibətlərini pozmaq planlaşdırılmışdı. Yuxarda qeyd etdiyim kimi, 44 günlük müharibənin nəticəsi ABŞ-ın bölgədəki planlarını pozdu və faktiki olaraq bölgədə sülhün təminatı Rusiyanın nəzarətinə keçdi. Bizim qələbəmiz ermənilərin ABŞ-dakı lobbisi ilə Rusiyadakı lobbisi arasında qarşıdurma yaratdı və nəticədə erməni birliyi parçalandı, Ermənistanda siyasi xaos yarandı. Halbuki ötən illər ərzində qeyd etdiyim lobbilər birgə fəaliyyət göstərirdi. İndi isə ermənilərin xaricdəki lobbiləri arasında siyasi qarşıdurma mövcuddur. Erməni lobbiçiləri arasında gedən mübarizə Paşinyandan sonra Ermənistanda hakimiyyətə ABŞ yoxsa Rusiya tərəfdarı olan qüvvənin gələcəyi barədə ciddi fikir ayrılığı yaradıb. Hadisələrin gedişatı göstərir ki, ABŞ-ın bölgəmizdəki siyasəti iflasa uğrayıb. Bu baxımdan yeni seçilmiş ABŞ prezidenti Baydenin bölgədə yeni planlar həyata keçirəcəyi şəksizdir”.

Onu da qeyd edək ki, C. Bayden prezident kimi fəaliyyətinə başlar-başlamaz Amerikadakı ən köklü erməni lobbisi olan Erməni Milli Komitəsi daha da fəallaşıb. Ermənistan bu fəaliyyətdən istifadə etməklə Türkiyəyə qarşı addımlar atmağa çalışır.

Baydenin inauqurasiya mərasimindən dərhal sonra ABŞ-dakı Erməni Milli Komitəsi ötən il baş verən qarşıdurmanın ardınca Ankara və Bakıya sanksiyalar tətbiq edilməsini istəyir.

Erməni Milli Komitəsinin Baydeni təbrik mesajında Türkiyə və Azərbaycanla bağlı bu fikirlər yer alıb:

"Qanunlar əsasında ABŞ ordusunun və təhlükəsizlik qüvvələrinin Azərbaycan və Türkiyəyə dəstəyi (silah ixracı da daxil olmaqla) dayandırılmalıdır.

Əliyev və Ərdoğan "rejiminə" Dağlıq Qarabağda baş verən insan haqlarını "pozması” səbəbindən sanksiyalar tətbiq edilməlidir.

Dövlət Departamenti, Pentaqon və Ədliyyə Nazirliyi Azərbaycanın istifadə etdiyi Türkiyə istehsalı olan Pilotsuz Uçuş Aparalarının ABŞ-dan alınan hissələri ilə bağlı araşdırma aparılmalıdır".

Reyting.az




Bölməyə aid digər xəbərlər
{sape_links}{sape_article}