Bayden və Putin Ukraynanı müzakirə edəcəklər
Tarix: 07-12-2021 10:39 | Bölmə: Siyasət
Bayden və Putin Ukraynanı müzakirə edəcəklər

Ağ Ev Ukraynanın NATO-ya üzv olmaq hüququna hansısa məhdudiyyətin qoyulmasını tanımır.

Reyting.az
TASS-a istinadla xəbər verir ki, belə bir bəyanatla ABŞ dövlət departamentinin nümayəndəsi Ned Prays çıxış edib: “NATO-ya daxil olmaq müəyyən öhdəlikləri yerinə yetirməyə qadir və buna səy göstərən ölkələrdən ötrü imkan variantı kimi qorunub saxlanmalıdır. Bu öhdəlik açıq şəkildə ortaya qoyulub: əgər həmin ölkələr Avro-Atlantik regionunda təhlükəsizliyi təmin etməyə hazırdırsa, alyansın qapısı onların üzünə açıqdır. Biz NATO-nun cari ildə keçirilmiş sammiti daxil olmaqla, dəfələrlə təsdiqləmişik ki, Ukraynanın öz gələcəyini özünün müəyyən etmək haqqı var. NATO-nun və Ukrayna kimi ölkələrin nə etdikləri və nə edəcəklərinə heç kəsin veto qoymaq hüququ yoxdur”.

Amma cənab Prays NATO-nun Şərqə doğru genişlənməsinə yol verilməyəcəyi ilə bağlı öhdəliyinin bu günlə uyğunluq dərəcəsi barədə sualı cavablandırmaqdan yayınıb. Şimali Atlantika Alyansının rəsmiləri hələ 1990-cı illərin əvvəllərində Rusiyaya belə bir vəd vermişdilər. Bu mövzu 2008-ci ildə NATO-nun Buxarest sammitində də müzakirə obyektinə çevrilmişdi.

“NATO-nun qapısı yeni üzvlərin üzünə açıqdır. Bu, sadəcə müdafiə alyansıdır. Əgər vəziyyət bu dərəcədə mürəkkəb olmasaydı, NATO-nun, yaxud Ukrayna kimi üzvlüyə iddiaçı ölkələrin Rusiya üçün təhlükəyə çevrilməsi ideyası gülüş doğurardı”,- deyən dövlət departamentinin rəsmisi onu da qeyd edib ki, Vaşinqton NATO-ya üzvlük kontekstində Ukraynanın “gələcəyini müəyyənləşdirmək” hüququnu dəstəkləyir.

Oxucularımıza xatırladaq ki, bu gün ABŞ və Rusiya liderlərinin görüşü gözlənilir. Danışıqların əsas mövzusu məhz Ukrayna ilə bağlı konkret təkliflərin müzakirəsi olacaq. Ağ Evdən yayılan son məlumata görə, Co Bayden Vladimir Putinlə danışandan sonra Ukrayna prezidenti Zelenski ilə də əlaqə saxlayacaq.




Bölməyə aid digər xəbərlər
bütün xəbərlər
{sape_links}{sape_article}