ABŞ-Rusiya münasibətləri daha da gərginləşir - Türkiyə dronları Krım istiqamətində səmaya qaldırılıb
Tarix: 14-01-2022 18:40 | Bölmə: Slayd
ABŞ-Rusiya münasibətləri daha da gərginləşir - Türkiyə dronları Krım istiqamətində səmaya qaldırılıb

ABŞ Rusiya lideri Putinə qarşı sanksiyaları müzakirəyə çıxardıqdan sonra rəsmi Moskva gözlənilməz cavab verməyə başlayıb. Üstəlik, səsdən doqquz dəfə sürətli hipersəsli “Zirkon” raketləri ilə yüklənmiş döyüş gəmiləri gərginliyin hökm sürdüyü bölgəyə üz tutub.

Reyting.az
xəbər verir ki, belə gərgin vəziyyətdə Türkiyə istehsalı olan “BayraktarTB2” dronları havaya qaldırılıb, Krım sahillərindən keçərək Zaporoji hərbi bazasında eniblər.

Qeyd edək ki, ABŞ və Rusiya arasında danışıqların iflasa uğraması dünyanı soyuq müharibə illərini xatırladan qlobal böhrana sürükləyir.

Onu da diqqətə çatdıraq ki, Rusiya mətbuatında Türkiyəni maraqlandıran bir xəbər önə çıxarılıb. Qeyd olunur ki, Cenevrədə keçirilən sammitdə Rusiya nümayəndə heyətinə başçılıq edən xarici işlər nazirinin müavini Sergey Ryabkovun sözlərinə görə, danışıqlar dalana dirənib və yeni müzakirələrə ehtiyac yoxdur.



Ryabkov Vaşinqtonu təhdid edərək deyib ki, generallar Rusiya lideri Vladimir Putinə Ukraynada vəziyyət pisləşərsə, nə edəcəyi ilə bağlı variantlar təklif ediblər, lakin diplomatiyaya hələ də şans verilməlidir.

Moskvanın tez-tez gündəmə gətirdiyi “hərbi-texniki addımlar”la bağlı suala cavabında rus diplomat deyib ki, bu, tamamilə Amerikanın addımlarından asılıdır.

ABŞ və Rusiya arasında gərginliyin pik həddə çatdığı bu gün Rusiya Müdafiə Nazirliyinə yaxınlığı ilə tanınan internet saytında diqqətçəkən xəbər dərc edilib. Xəbərdə Türkiyədən havaya qalxan “Bayraktar TB2” silahlı pilotsuz uçuş aparatının Krım sahillərindən keçərək Ukraynanın Zaporoji hərbi bazasına endiyi bildirilir.

Xəbərə görə, yanvarın 12-də həyata keçirilən uçuş Dalamandan başlayıb və Qərbdən Qara dənizi keçərək Ukrayna ərazisinə çatıb. Xəbərdə “Bayraktar TB2”-nin NATO ölkələrinin hava məkanlarından istifadə etdiyi qeyd olunur.





Bölməyə aid digər xəbərlər
bütün xəbərlər
{sape_links}{sape_article}