Ermənistan rəhbərliyi Azərbaycana qarşı təcavüzkar ritorikadan əl çəkməlidir
Tarix: 24-03-2023 11:31 | Bölmə: Slayd
Ermənistan rəhbərliyi Azərbaycana qarşı təcavüzkar ritorikadan əl çəkməlidir
Nikol Paşinyan

"Ermənistan rəhbərliyinin son günlər Azərbaycana qarşı artan təcavüzkar ritorikasını qətiyyətlə pisləyirik".

Reyting.az
xəbər verir ki, bunu Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə yerli media nümayəndələrinin suallarını cavablandırarkən deyib.

A. Hacızadə bildirib ki, Azərbaycanla Ermənistan arasında sülh gündəliyinin irəlilədilməsi istiqamətində artan beynəlxalq səyləri heçə sayan bu kimi bəyanatlar bölgədə vəziyyətin qəsdən gərginləşdirilməsinə xidmət edir.

A. Hacızadənin sözlərinə görə, həm işğal dövründə, həm də 2020-ci il müharibəsindən sonrakı dövrdə təcrübə göstərib ki, Ermənistan tərəfi adətən hərbi təxribatlar törətməzdən əvvəl, məsuliyyəti Azərbaycan tərəfinin üzərinə atmaq məqsədilə bu kimi kütləvi dezinformasiya kampaniyası həyata keçirir.

XİN rəsmisi əlavə edib ki, azərbaycanlılara qarşı 30 il müddətində etnik təmizləmə və kütləvi qırğınlar törətmiş, ərazilərini 30 il müddətində işğal altında saxlamış, şəhər və kəndləri viran qoymuş Ermənistanın rəhbərliyinin Azərbaycanı etnik təmizləmədə və müharibə ritorikasında təqsirləndirməsi saxtakarlıq nümunəsidir.

A. Hacızadə vurğulayıb ki, bölgədə sülhün bərqərar olması üçün Ermənistan rəhbərliyi təcavüzkar ritorikadan əl çəkməli, Azərbaycanın ərazi bütövlüyünə qəsd və daxili işlərinə qarışmaq kimi təcavüzkar fəaliyyətlərə son qoymalıdır.





Bölməyə aid digər xəbərlər
{sape_links}{sape_article}