15:17 / 28-05-2024
KTN-də yeni təyinat olub
Kilsələrdə biabırçılıq: 451 keşiş 2 minə yaxın uşağı zorlayıb
Tarix: 24-05-2023 12:56 | Bölmə: Slayd
Kilsələrdə biabırçılıq: 451 keşiş 2 minə yaxın uşağı zorlayıb

ABŞ-ın İllinoys ştatında fəaliyyət göstərən Roma Katolik Baş Yeparxiyasının kilsələrində uşaqlara qarşı cinsi zorakılıqlar törədilib. Bu iyrənc əməli törədən din xadimlərinin sayı xeyli çoxdur.

Reyting.az
xəbər verir ki, ABŞ-ın İllinoys ştatının baş prokuroru Kvame Raul əyalətdə təxminən 3,5 milyon üzvü olan Roma Katolik Baş Yeparxiyasının müəssisələrində uşaqlara qarşı cinsi zorakılığın miqyasının bilinəndən qat-qat yüksək olduğunu və Baş yeparxiya tərəfindən həqiqi rəqəmlərin gizlədildiyini açıqlayıb.

Prokuror bildirib ki, 5 illik araşdırma zamanı 100.000-dən çox sənədə baxılıb, 600-dən çox qurbanla üz-üzə, elektron poçt və ya telefonla əlaqə saxlanılıb. Bu zaman daha yüzlərlə yeni dəhşətli hadisənin törədildiyi məlum olub.

Təxminən 700 səhifəlik hesabatı mətbuat mənsublarına göstərən Raul qeyd edib ki, İllinoys ştatında 6 yeparxiya ilə kilsə idarəsi müəssisələrində dövlət müstəntiqləri tərəfindən “cinsi zorakılığa məruz qalmış 2000-ə yaxın azyaşlı uşaq” sənədləşdirilib.

“İllinoys Katolik Yeparxiyası və Arxiyepiskopluğu sağ qalanlara ehtiyac duyduqları və layiq olduqları davamlı dəstəyi təmin etməyi öhdəsinə götürə bilər və etməlidir”, - hesabatda deyilir.

Xüsusilə 1980-1990-cı illərdə Kilsə rəhbərliyi cinsi istismarda günahlandırılan keşişləri işdən çıxarmaq əvəzinə, onları həmin işlərdən məlumatsız olan bölgələrdəki kilsələrə təyin etməyə üstünlük verib.

Prokuror Raulun rəhbərlik etdiyi araşdırmadan əvvəl Roma Katolik kilsələrində xidmət etmiş və uşaqları cinsi istismara məruz qoyduğu sübuta yetirilən 103 keşiş müəyyən edilib. Yeni hesabatdakı əlavə tapıntılarla belə keşişlərin sayı 451-ə çatıb.

E. KAMAL
Reyting.az




Bölməyə aid digər xəbərlər
21-05-2024, 11:26 Rəisinin varisi kimdir?

{sape_links}{sape_article}