17:43 / 14-11-2019
Post-modernist fırıldaqlar
Şərəflə daşınası ad
Tarix: 06-09-2019 12:54 | Bölmə: Müəllif-1 / Zaur ƏHMƏD
Şərəflə daşınası ad

Dostlarım, əzizlərim... Bir məsələyə fikrimi bildirmək istəyirəm. Bildiyiniz kimi, şəhid, qazi, döyüşçü məsələsində hər zaman həssas olmuşam. Özüm də şəhid övladı olduğumdan, bu ailələrin hansı əziyyətləri çəkdiyini yaxşı bilirəm. Odur ki, bu ailələrlə bağlı hansısa problem yarandıqda ilk reaksiya verənlərdən, məsələni ictimailəşdirənlərdən, həllinə nail olana qədər geri çəkilməyənlərdən biriyəm. Bundan sonra da bu yoldan çəkilməyəcəyimə əsla şübhəniz olmasın.

Amma bir neçə məqamla bağlı narahatlığımı ifadə etmək istəyirəm.

Birincisi, bəzən hansısa şəhid ailəsi ilə bağlı problem ortaya çıxır. Sosial şəbəkələrdə hansısa şəkil paylaşılır və böyük müzakirəyə səbəb olur. Şəhid ailəsinə sahib çıxmaq, ona dəstək olmaq çox gözəl nümunədir və buna görə sevinirəm. Amma bir məsələ də var ki, bəzən kimlərsə bu kimi məqamlarda dövləti ittiham etmək üçün süni ajiotaj yaradırlar. Mən dövlətpərəst adamam, hakimiyyətpərəst yox ha...

Şəhid ailələrinin problemləri yoxdurmu? Əlbəttə var. Dövlət bu ailələrin hamısını kölgəsi altına ala bilibmi? Təəssüf ki, yox... Lakin bu istiqamətdə görülən xeyli işlər var.

Üzülərək qeyd edim ki, kimlərsə ortada olan problemi şişirdərək gündəm yaratmağa çalışırlar. Bəlkə də bir şəhid ailəsinin qapısını açmayan, bir şəhid məzarını ziyarət etməyənlər şəhid ailəsinin hüquqlarını qoruyan şəxs kimi çıxış edirlər. Təbii ki, bu fikirlərim hamıya aid deyil. Bir onu bilirəm ki, şəhid adını hər dəqiqəbaşı xırda məsələlərdə hallandırmaq şəhidlərimizin ruhunu incidir. Ətrafımdakılardan da tələbim bu olub ki, şəhid ailələrinə mərhəmətlə yanaşmayın. Bizim mərhəmətə ehtiyacımız yoxdur. Mənim fikrimcə, şəhid ailəsi olmaq Allahın bir lütfüdür. Ağır itkidir, amma bu adı şərəflə daşımaq lazımdır.

Bu günlərdə belə bir xəbər yayıldı ki, aprel döyüşlərində şəhid olan qəhrəmanlarımızdan birinin ailəsi Zərdabda ağır vəziyyətdə yaşayır. Hətta ailənin yaşadığı evin fotosunu da çəkərək sosial şəbəkələrdə paylaşıblar. Hamı da dövləti tənqid edir və s.

Təbii ki, dövlət şəhidinə, onun ailəsinə sahib çıxmalıdır. Amma, nə olar, şəhid adını hər xırda məsələyə görə hallandırmayın! Mən şəhid ailəsinin urvatsız hala salınmış obrazda göstərilməsini istəmirəm. Belə məqamlardan sui-istifadə hallarının olduğunu bilərək zərdablı şəhidimizin məsələsi ilə bağlı araşdırma apardım. Dedilər ki, məsələ nəzarətə götürülüb və səhv etmirəmsə, Heydər Əliyev Fondu tərəfindən həmin ailə üçün ev tikilir. İşlər hazırda yekunlaşmaqdadır. Nə gözəl. Əlbəttə, belə problemlərə dərhal reaksiya verilsəydi, daha gözəl olardı.

Digər bir məqam da şəhid ailəsinin üzvü kimi məni daha çox üzür. Heç kim məndən inciməsin. Şəhid adından hər addımbaşı istifadə edib nəsə istəməyi yanlış sayıram. Düzdür, dövlət elə etməlidir ki, şəhid ailəsi qapılara düşməsin, nəsə tələb etməsin. Amma hər şeyin də bir qaydası olmalıdır. Mən şəhid ailələri tanıyıram ki, çox ağır durumda yaşayırlar. Amma, təəssüflər olsun ki, bəzi ailələr şəhid ailəsi kimi şərəfli bir ada uyğun olmayan tələblər irəli sürürlər.

Şəxsən mənim üçün şəhid övladı adını daşımağımın heç bir maddi qarşılığı yoxdur, indiyə kimi də bu adla nəsə tələb etməmişəm. Ədalət tələb etmişəm, amma mərhəmət əsla...

Lütfən, şəhid adının nə qədər uca olduğunu unutmayaq!скачать dle 10.5фильмы бесплатно




Bölməyə aid digər xəbərlər
6-09-2019, 12:54 Zaur ƏHMƏD - Şərəflə daşınası ad
8-05-2019, 12:47 Zaur ƏHMƏD - Bizi bağışlama, Şuşa - Zaur Əhməd yazır
13-04-2019, 14:40 Zaur ƏHMƏD - Düşmənə arxa çevirməyən kişi... - Z. Əhməd yazır
20-10-2018, 11:06 Zaur ƏHMƏD - Dövlət Babanın gecikən ədaləti
22-07-2018, 08:50 Zaur ƏHMƏD - Urvatsız elmin, urvatlı “alim”ləri
11-05-2018, 23:35 Zaur ƏHMƏD - Əsgərə süpürgə yox, silah verin!
5-05-2018, 08:43 Zaur ƏHMƏD - Hərənin öz payı, yoxsa...
11-04-2018, 20:47 Zaur ƏHMƏD - 24 il gecikən məktub
30-03-2018, 23:00 Zaur ƏHMƏD - Jurnalistikaya akademik söyüşü
17-03-2018, 08:29 Zaur ƏHMƏD - Ağxalatlı terrorçular
18-02-2018, 16:43 Zaur ƏHMƏD - “Cinayət Məcəlləsi” arasındakı rüşvət
27-01-2018, 13:24 Zaur ƏHMƏD - Ürəyinə qələm sancılanlar
15-01-2018, 12:12 Zaur ƏHMƏD - Bizimkilər sponsor axtarır, onlar isə...
16-12-2017, 10:25 Zaur ƏHMƏD - Ordu, yoxsa qələm?
8-10-2017, 15:59 Zaur ƏHMƏD - Səlim Müslümovun arşını
21-08-2017, 12:10 Zaur ƏHMƏD - Qulağı buruq deputatlar
28-07-2017, 19:25 Zaur ƏHMƏD - Vətəndə vətənsizlər
27-06-2017, 19:32 Zaur ƏHMƏD - Şəhidə borc yazanlar
10-05-2017, 12:00 Zaur ƏHMƏD - Dövlət baba, hökumət ata, yetim övlad
2-04-2017, 16:28 Zaur ƏHMƏD - Eşşək, metroda öpüş və söz azadlığı
4-03-2017, 16:55 Zaur ƏHMƏD - Ziya Məmmədova cənnət müjdəsi
19-02-2017, 12:42 Zaur ƏHMƏD - Ramil Usubov və ətrafı
9-01-2017, 12:46 Zaur ƏHMƏD - Dövlət babanın minnət borcu
30-12-2016, 16:00 Zaur ƏHMƏD - Şahverdinin xoruzu
23-11-2016, 19:16 Zaur ƏHMƏD - Deputatlara "paket" verək
23-10-2016, 13:54 Zaur ƏHMƏD - Vicdanı ləkəli hökumət
20-09-2016, 22:54 Zaur ƏHMƏD - Haqqa kor olanlar
8-08-2016, 00:28 Zaur ƏHMƏD - Şəhid payına göz dikənlər
12-07-2016, 23:35 Zaur ƏHMƏD - General kimi yaşamaq, yoxsa?..
25-06-2016, 08:00 Zaur ƏHMƏD - Səlim müəllimin traktorçuları
10-05-2016, 15:49 Zaur ƏHMƏD - Mikayılın nağılı
12-04-2016, 20:40 Zaur ƏHMƏD - Kasıbın şəhid, varlının məmur oğlu
1-02-2016, 19:43 Zaur ƏHMƏD - Məmurlar, rüşvəti manatla alın!
10-11-2015, 22:11 Zaur ƏHMƏD - Haqq-ədalətin əvəzi
6-09-2019, 12:54 Zaur ƏHMƏD - Şərəflə daşınası ad
22-05-2019, 13:50 Azər HÜSEYNBALA - Bu, Mxitaryanın yox, Avropa liqasının finalıdır

bütün xəbərlər
{sape_links}{sape_article}