17:38 / 28-03-2024
Əməkdar artist vəfat edib
ABŞ: “Rusların məqsədi Ukrayna Baş Qərargahının bəzi planlarını pozmaq olub”
Tarix: 07-06-2023 12:59 | Bölmə: Dünya
ABŞ: “Rusların məqsədi Ukrayna Baş Qərargahının bəzi planlarını pozmaq olub”

“Rusların Kaxovskaya su elektrik stansiyasını partlatmaqda məqsədi Ukrayna qüvvələrinin Dnepr çayının sol sahilinə - Xerson vilayətinə enməsinin qarşısını almaq olub”.

Reyting.az
xəbər verir ki, bu, ABŞ-ın Müharibənin Araşdırmaları İnstitutunun (ISW) hesabatında deyilir.

Analitiklərin hesabatında qeyd olunur ki, SES bəndinin dağıdılması döyüş bölgəsindəki vəziyyətə təsir etməyəcək.

“Rusiya daşqından Dnepr çayını genişləndirmək və onsuz da çətin su hövzəsi vasitəsilə Ukraynanın əks-hücum cəhdlərini çətinləşdirmək üçün istifadə edə bilər. Rusiya mənbələri Ukraynanın çayı keçməyə və şərqdə əks-hücuma hazırlaşmaq ehtimalından güclü və birmənalı narahatlıqlarını ifadə ediblər”, - hesabatda deyilir.

Eyni zamanda, qeyd olunur ki, daşqın, çox güman ki, Dnepr deltasındakı adalarda Ukraynanın mövqelərini yuyub, Rusiya artilleriyasının atəşi altında olan ukraynalı əsgərləri ərazini boşaltmağa məcbur edib. Ancaq bunun bütövlükdə vəziyyətə az təsiri var.

“Seldən zərər çəkmiş əraziləri (Novaya Kaxovka və Kizomıs arasında 120 km radiusda) coğrafi baxımdan ISW-nin son bir neçə gündə döyüşləri müşahidə etdiyi cəbhə bölgələrindən çox uzaqdır. Aşağı Dneprdə daşqın ehtimalı azdır. Bu, yaxınlarda aktiv döyüşlər müşahidə olunan ərazilərə hər hansı təsir göstərə bilər”, - analitiklər bildirirlər.

Qeyd edək ki, Ukrayna Baş Qərargahı Ukrayna Silahlı Qüvvələrinin Baxmutun cənubunda əhəmiyyətli irəliləyiş əldə etdiyinə eyham vurur.

Bundan əlavə, ISW-nin məlumatına görə, Ukrayna qüvvələri Uqledarın qərbindəki Zaporojye bölgəsində, Velyka Novoselka bölgəsində taktiki irəliləyişlər edir. Rus təbliğatçıları da bu sahədə gedən döyüşlərdən xəbər verirlər. Amma Ukrayna Baş Qərargahı hələlik bu məlumatı təsdiqləməyib.

ELÇİN




Bölməyə aid digər xəbərlər
{sape_links}{sape_article}