09:15 / 21-06-2024
Blinken Əliyevə zəng edib
07:44 / 21-06-2024
KTMT Almatıda toplanır
Kəşfiyyat məlumatları cinayətkarların əlinə keçib - Foto
Tarix: 15-09-2023 14:23 | Bölmə: Dünya
Kəşfiyyat məlumatları cinayətkarların əlinə keçib

NATO-ya üzvlük prosesi səbəbindən son vaxtlar Ankara ilə Stokholm arasındakı gərginliyi daha da artıracaq iddia irəli sürülüb.

Reyting.az
-ın xəbərinə görə, İsveç mətbuatı yazır ki, Türkiyəyə verilən kəşfiyyat məlumatı cinayətkarların əlinə keçib.

“Aftonbladet” nəşri bu yaxınlarda İsveçin Türkiyə rəsmilərinə ötürdüyü məxfi kəşfiyyat məlumatlarının İsveçdə cinayətkarların əlinə keçdiyini iddia edir.

Qəzet yazır ki, Türkiyədən İsveçə ekstradisiyası gözlənilən mafioz Rava Məcid haqqında məlumat İsveçdəki cinayətkarlara çatdırılıb.

Məcidin tutulmasına kömək etmək üçün Türkiyə dövlət orqanlarına göndərilən məlumat cinayət şəbəkəsi üzvünün mobil telefonunda aşkar edilib. İsveç polisi bu sızıntını ölkələr arasında məlumat mübadiləsi ilə bağlı etibarın və qaydaların pozulması kimi şərh edib.

İsveçli bir səlahiyyətli ehtimal edir ki, məlumat Türkiyədə naməlum bir məmur tərəfindən sızdırılıb.

Məlumatın cinayət təşkilatına 2022-ci ildə çatdığı müəyyən edilib və bu kəşfiyyat məlumatlarının İsveçdən Türkiyəyə ən yüksək səviyyədə çatdırıldığı da vurğulanıb.



Sənədlərin “İlan əməliyyatı” çərçivəsində hazırlandığı bildirilir. Qəzetə danışan İsveç polis rəsmisi “Bu, böyük qalmaqaldır”,- deyib.

Mənbə “Aftonbladet”ə deyib: “Bu cür məlumatların onlara çatması yaxşı hal deyil. Nəticədə cinayətkarlar polisin onlar haqqında nə bildiyini öyrənirlər. Onda anlayırlar ki, polis onlara qarşı necə işləyir”.

Bildirilir ki, Məcid ötən ilin aprelində tutulub. İnterpol vasitəsilə qırmızı bildirişlə axtarışa verilən Məcidin ekstradisiyasını tələb edən İsveçə Türkiyə mənfi cavab verib. Məcid bu hadisədən az sonra Türkiyə vətəndaşı olub və bu səbəbdən sərbəst buraxılıb.

ELÇİN




Bölməyə aid digər xəbərlər
{sape_links}{sape_article}