16:46 / 19-04-2024
İlham Əliyev Rusiyaya gedir
Çin Rusiyanın ərazilərini ələ keçirməyə hazırlaşır
Tarix: 29-02-2024 15:28 | Bölmə: Dünya
Çin Rusiyanın ərazilərini ələ keçirməyə hazırlaşır

Çin hərbi qüvvələrini Rusiya ilə sərhədə yaxın əraziyə yerləşdirməyə başlayıb.

Reyting.az
xəbər verir ki, bunu hərbi ekspert, təlimatçı pilot və Ukrayna Silahlı Qüvvələrinin ehtiyatda olan polkovniki Roman Svitan deyib.

Onun iddiasına görə, çox güman ki, Rusiya Federasiyası dağıldıqdan sonra Çin ərazini “geri almağı” planlaşdırır. “Çinlilər tam inamla öz hərbi qüvvələrini Rusiya ilə sərhəddə yerləşdirirlər. Niyə? Çünki onlar müəyyən vaxtda Rusiya imperiyasının dağılacağını proqnozlaşdırırlar. Rusiya dağılmağa başlayan kimi, çinlilər nə edəcəklər? Onlar dərhal nə qədər mümkünsə, qaçacaqlar şimala, Ağ dənizə, tarixi Çin torpaqlarına. Ağ dənizdən əvvəl - Baykal, Buryatiya, daha sonra Saxalin, Vladivostoka. Rusiya parçalanmağa başlayan kimi onlar mütləq bu torpaqları ələ keçirəcəklər”,- polkovnik əlavə edib.

Svitan dünyanın yaxın 10 il ərzində bu ssenarini müşahidə edəcəyini bildirib. Onun fikrincə, rusların Avropaya hücum etməyə vaxtları qalmayacaq: “O mənada deyil ki, onlar hazırlaşmırlar - hazırlaşırlar, amma hücuma vaxtları olmayacaq. Bizim ərazimizdə hərbi əməliyyatlar dondurulduqdan sonra onlara beş il lazımdır və bunun baş vermə ehtimalı azdır. Baxmayaraq ki, indi, bütün səylər hərbi əməliyyatların dondurulmasına həsr olunub ki, bu da ruslara enerji doldurmaq və yenidən təchiz etmək imkanı verəcək”, - ekspert bildirib.

ELÇİN




Bölməyə aid digər xəbərlər
{sape_links}{sape_article}